Spilling

Ekki veit ég hvernig þessi óháða stofnun Transparency International hefur fengið þessa niðurstöðu, en samkvæmt fréttinni er Ísland í sjötta sæti á lista yfir lönd þar sem minnst spilling ríkir í stjórnsýslunni og þessi stofnun hefur gefið út.  Ísland fær einkunnina 9,2.   Einnig kemur fram að í fyrra hafi Ísland verið í efsta sæti ásamt Finnlandi og Nýja-Sjálandi en þau eru enn í efsta sæti ásamt Danmörku með einkunnina 9,4.  Spilltustu löndin eru hins vegar Mayamar og Sómalía og fá þau einkunnina 1,4 en þriðja spilltasta landið er svo Írak sem fær einkunnina 1,5 af tíu mögulegum.  Ég hef nú aldrei vitað annað eins bull og kjaftæði og er maður nú ýmsu vanur þegar stjórnmálamenn eru að dásama hvað allt er gott hér á landi.  Við okkur sem búum á þessu landi blasir spilling hvert sem litið er.  Síður dagblaðanna eru þaktar af greinum um það sem miður hefur farið og Stöð 2 heldur úti sérstökum þætti Kompás, til að draga fram spillingu ofl. í þessu þjóðfélagi  Ég ætla ekki að draga í efa niðurstöður þessarar stofnunar en vil benda á að allar niðurstöður byggja á þeim forsendum og upplýsingum sem gengið er út frá að séu réttar og efast um að svo hafi verið notað hér og tel mjög sennilegt að slíkar upplýsingar komi frá hinu spillta embættismannakerfi Íslands og vill vara við, að fólk trúi svona fullyrðingum út í loftið.

Lítil spilling á Íslandi