Formúla 1

Nú hefur frétts að Sýn hafi náð að kaupa réttinn til að sýna Formúlu 1 á næsta ári.  Þetta hefur hingað til verið sýnt á RÚV en eitthvað virðast þeir vera blankir þessa daganna og ekki haft efni á að keppa við Sýn.  Páll Magnússon forstjóri RÚV hefur sagt um hin miklu laun sem hann hefur nú fengið (1,5 milljón á mánuði) og afnot af 9 milljón króna jeppa, að hann yrði að sjálfsögðu að vera á svipuðum launum og kjörum og væru hjá hliðstæðum fyrirtækjum.  Er þá nokkuð óeðlilega krafa að Páll Magnússon standi sig í sínu starfi, það er ekki nóg að heimta bara laun eins og eru hjá öðrum fyrirtækjum, það verður líka að vinna fyrir þeim launum og taka því að menn eru yfirleitt reknir ef þeir standa sig ekki.

Þetta er eini íþróttarviðburðurinn sem ég hef fylgst með og þykir ansi hart að útvarpstjóri sé svo slappur í viðskiptum að hann geti ekki keppt við aðrar sjónvarpsstöðvar um efni.  Ef ég ætla að fylgjast með Formúlu 1 á næsta ári, verð ég að kaupa áskrift að Sýn sem mun kosta hátt í 5 þúsund á mánuði bara til að geta fylgst með þessari einu keppni.  Er það virkilega svo að laun Páls Magnússonar hafa algeran forgang og dagskráin verði síðan aukaatriði?  Ég fer að halda það og krefst þess að þeir sem sitja í stjórn hjá RÚV reki Pál Magnússon sem fyrst.  A.m.k. verði hann látinn hætta að lesa fréttir svo maður þurfi ekki að horfa á þennan monthana á næstum því, hverju kvöldi.

Athugasemdir

[Óðinn Þórisson, 24.10.2007 kl. 17:36]

formúlan verður í opinni dagskrá á sýn.

[Jakob Falur Kristinsson, 24.10.2007 kl. 18:06]

Nú ég vissi það ekki og er þetta þá allt hið besta mál.

[gudni.is, 25.10.2007 kl. 00:50]

Ég telst víst vera mjög mikill áhugamaður um Formúlu 1 og mér brá fyrst þegar ég heyrði að formúlan væri á leiðinni upp á SÝN. Ég held hinsvegar að það sé ekki mikið að óttast. Þeir mega ekki senda hana út öðruvísi en í ólæstri dagskrá og ákveðnar kvaðir eru í samningum um það hvernig þeir verði að sinna formúlunni hið minnsta. Þannig að ég held bara að þegar uppi verður staðið þá verði þetta eflaust bara einhverskonar áherslubreyting og að einhverju leyti til bóta fyrir áhugann á Íslandi?

Eitt annað Jakob.. Pabbi minn sá þig í bloggvinalistanum mínum og fór aðeins að tala um þig og að hann hefði lesið skrif þín. Hann bað mig að skila kærri kveðju til þín. Hann man eftir þér frá því á síðustu öld.... Hann heitir Þorbjörn og hann rak um árabil Bílaleigu Arnarflugs á Flugvallarveginum í Reykjavík, eða allt til ársins 1994 og hann segir mér að þú hafir oft skipt við hann í gamla daga með bílaleigubíla. Ég vann reyndar sjálfur líka á bílaleigunni sem unglingur í þá daga en ég er ekki svona minnugur eins og faðir minn....

[Jakob Falur Kristinsson, 25.10.2007 kl. 07:25]

Þetta er rétt Guðni og ég bið að heilsa föður þínum, en við áttum gott samstarf á sínum tíma.