Sorgarsaga

Pekka-Eric Auvinen, 18 ára nemi sem framdi fjöldamorðin í framhaldsskóla í Tuusula í Finnlandi í gær, vildi að sögn lögreglu taka sem flesta með sér í gröfina og réð tilviljun því hverjir urðu fyrir skotum. Þeir tólf sem særðust hafa allir fengið að fara heim. Umtalað hefur verið að Auvinen hafi notað netið til að vara við fyrirætlun sinni, en fjöldi syrgjendahópa hefur verið stofnaður á netinu frá því í gær, sem og hópar sem taka undir hugmyndafræði Auvinen.

Það er alltaf hörmulegt þegar svona atburðir eiga sér stað hvar sem er í heiminum og enn hörmulegra finnst mér að til skuli vera hópar af fólki sem komi því á framfæri á netinu að þetta hafi verið eitthvað flott eða gott.  Það er ekki skemmtilegt fyrir syrgjendur að sjá síðan á netinu að til skuli vera vitleysingar sem fagna svona hörmungum.  Það er nógu erfitt hverju foreldri að kynnast því að barn þess sé myrt á þennan hátt svo ekki sé líka verið að strá salti í sár syrgjenda með því að taka undir svona vitfirringu. 

Vildi taka sem flesta með sér í gröfina