Einelti

Veðurstofa Íslands sendi frá sér yfirlýsingu í dag þar sem fréttaflutningur um einelti innan stofnunarinnar í fréttatíma Ríkissjónvarpsins síðast liðinn laugardag var harmaður. Í yfirlýsingunni kemur fram að rangt hafi verið farið með staðreyndir í málinu og að um persónuleg og erfið mál sé að ræða og vandasamt sé að fjalla um slíkt í fjölmiðlum þar sem það geti hindrað úrlausn málsins.

Telja þeir sem stjórna Veðurstofu Íslands að einelti á þeirra vinnustað sé eitthvað einkamál hjá þeim.  Þetta er opinber stofnun og því kemur öllum við hvað er í gangi þarna.  Að halda því fram að rangt sé farið með staðreyndir því ekki hafi 28% starfsmannanna orðið fyrir einelti heldur aðeins 12%.  Það skiptir nákvæmlega engu máli hvaða hlutfall af starfsmönnum hefur orðið fyrir einelti.  Það sem skiptir máli er það að einelti hefur átt sér stað hjá þessari stofnun og hún sem ríkisstofnun er ekkert hafin yfir það að um hennar mál sé fjallað á opinberum vettvangi.  Ef stjórnendur Veðurstofu Íslands þora ekki að rætt sé um það sem athugunarvert er í hennar starfi er eitthvað skrýtið á ferðinni.  Hvað hafa þessir menn að fela sem ekki þolir opinbera umræðu? Hvað er svona erfitt við úrlausn þessa vandamáls?  Er ekki ósköp einfalt að reka þann yfirmann sem hefur valdið þessu einelti?  Stjórnendur Veðurstofunnar virðast galla í þá gryfju að líta á þessa stofnun sem sitt einkafyrirtæki og haga sér samkvæmt því.  Með réttu ætti að reka þá alla því það virðist vera samantekin ráð hjá þessum mönnum að leyna því sem þarna hefur skeð.

„Veðurstofan er góður vinnustaður"