Stöndum okkur bara nokkuð vel

Áfengisneysla á Íslandi var 7,1 alkóhóllítri á íbúa 15 ára og eldri árið 2005 sem var heldur meira en t.d. í Noregi (6,4) og Svíþjóð (6,6). Meðaltalið fyrir ríki Efnahags- og framfarastofnunarinnar, OECD, var 9,5. Í um tveimur af hverjum þremur ríkjum OECD dró úr áfengisneyslu á tímabilinu 1980-2005. Ísland var hins vegar í hópi þeirra ríkja þar sem áfengisneysla jókst og var aukningin mest á Íslandi eða 65%.

Við stöndum okkur nokkuð vel í samanburði við hin Norðurlöndin.  Okkur tókst að auka neyslu okkar á áfengi um 65% á aðeins 5 árum og munum auðvitað gera enn betur þegar frumvarpið hans Sigurðar Kára um að selja bjór og léttvín í matvöruverslunum verður samþykkt sem er nokkuð öruggt enda stutt af heilbrigðisráðherranum Guðlaugi Þór Þórðarsyni.  Þessi stuðningur Guðlaugs er nokkuð sérstakur að því leyti að leitun mun vera að í öðrum löndum að heilbrigðisráðherra styðji aukið aðgengi á áfengum drykkjum. 

Hinsvegar er ekkert að marka þessar tölur þær eru allar frá þeim tíma sem ég var mjög virkur í drykkjunni og hef örugglega híft meðaltalið verulega upp, svo þær eiga eftir að snarlækka þar sem ég er hættur að drekka áfenga drykki og munar nú um minna.

Áfengisneysla jókst um 65% á Íslandi á aldarfjórðungi