Mikið skáld látið

Aleksander Solzhenítsyn.Líf rússneska rithöfundarins Aleksanders Solzhenítsyns, sem í skáldsögum sínum afhjúpaði hinar umfangsmiklu vinnubúðir sovéskra stjórnvalda, var „erfitt en hamingjuríkt,“ sagði eftirlifandi kona hans í dag. Solzhenítsyn lést í gær af hjartaáfalli, 89 ára.

Þá er hann fallinn í valinn þessi mikla hetja og stórkostlegt skáld.  Mér fannst ummæli Matthíasar Johannessen,skálds í fréttum í kvöld mjög góð.  Hann var spurður um Aleksander Solzhenítyn.  Matthías sagði; "Þetta var mikilmenni og stórkostlegt skáld og var frægur um allan heim eftir að hann fékk Nóbelsverðlaunin, sem hann þurfti reyndar að bíða í 3 ár að taka við vegna þess að hann fékk ekki leyfi til að fara úr landi."  Síðan bætti Matthías við;  "Að kannski væri hann ekki lengur mjög þekktur hjá nútímamanninum.  Nú yrði fólk frægt fyrir að verða ólétt en þessi maður hefði aldrei orðið óléttur."  Svo mörg voru þau orð.  Þessi maður var gerður útlægur úr sínu heimalandi fyrir sínar bækur og bjó í Bandaríkjunum í 18 ár.  Það var svo hinn sífulli Boris Jeltsín, sem veitt honum ríkisfang á ný og flutti hann þá aftur til fyrri heimkynna.


mbl.is „Erfitt líf en hamingjuríkt“
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Svanur Gísli Þorkelsson

Mikið látið með skáldið :)

Svanur Gísli Þorkelsson, 4.8.2008 kl. 23:45

2 Smámynd: Jakob Falur Kristinsson

Enda tilefni til.

Jakob Falur Kristinsson, 5.8.2008 kl. 00:08

3 Smámynd: Árni Gunnarsson

Hjá mér spretta fyrst fram í hugann andlátsorð Gvendar dúllara langafabróður míns: -Mikið skáld var Símon!

En þessi rússneski rithöfundur var auðvitað einn af þeim ísbrjótum sem náði að leysa þjóðina úr þeirri ánauð pólitískrar sem hún hafði svo lengi verið hneppt í. Hans verður vonandi minnst að verðleikum en fráleitt er nú að það sé vandalaust.

Skömmu eftir að fréttin af andláti þjóðskáldsins Davíðs Stefánssonar barst, hitti einn af tíeyringshagyrðingum borgarinnar skáldið Jón úr Vör á götu og ávarpaði hann: "Ert þú búinn að yrkja eftir Davíð, ég er búinn að því?" Og Jón svaraði með þessari vísu:

Þegar skáldsins stæltu strengir brustu,

sem stoltast kvað, og söng af mestum krafti,-

öllum nema landsins lélegustu

leirskáldum fannst rétt að halda kjafti.

Allt of fátítt er að fólk skilji þennan einfalda vísdóm skáldsins frá Patreksfirði og tileinki sér hann af hógværð.

Árni Gunnarsson, 5.8.2008 kl. 00:15

4 Smámynd: Jakob Falur Kristinsson

Þetta er frábær vísa og lík Jóni úr Vörm sem var nú ekki mikið fyrir að baða sig í sviðsljósinu.

Jakob Falur Kristinsson, 5.8.2008 kl. 06:52

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jakob Falur Kristinsson
Jakob Falur Kristinsson

Ég er fyrrverandi vélstjóri og útgerðarmaður en er nú 75% öryrki eftir slys á sjó 2003. Bjó lengst af á Bíldudal en flutti til Sandgerðis haustið 2005.  En er nú aftur fluttur á Bíldudal.  Að svo miklu leyti sem myndir á síðunni eru eftir Mats Wibe Lund, þá liggur fyrir tímabundið samþykki hans um birtingu hjá mér og þakka ég honum sérstaklega fyrir.  Mats á að sjálfsögðu hönundaréttin að öllum sínum myndum.  Vilja menn sjá fleiri myndir þá vísast á www.mats.is  Ég  var flokksbundinn í Frjálslynda flokknum og hef starfað þar, en sagði mig úr flokknum 24. apríl og gekk í Samfylkinguna.  Föðurætt mín er úr Arnarfirði og móðurættin frá Jökulfjörðum og Hornströndum og í báðum tilfellum, langt aftur í aldir.  Er ég því ekta Vestfirðingur.

Undir fyrirsögninni Færsluflokkar er flokkur sem heitir Vefurinn og ef smellt er á hann opnast síður þar sem ég er að skrifa ýmsar frásagnir.  Einnig er undir liðnum spaugilegt smá grín ofl. 

Ég leyfi öllum að skrifa athugasemdir við mín skrif.   En af gefnu tilefni hef ég ákveðið að þeir sem ekki kunna sér hófs í athugasemdum og nýta þær til persónulegra árása á mig og mína persónu, með allskonar skömmum og svívirðingum, mun ég hér eftir loka á slíka aðila.  Einnig mun ég henda út nafnlausum athugasemdum.  Því ég einn ber ábyrgð á því sem skrifað er á mína síðu.

jakobkr@internet.is     

GSM: 823-2954

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband