Noregur

Dyrnar standa Íslendingum opnar í Noregi, miðað við yfirlýsingar Kristínar Halvorsen og mat norskra fjölmiðla.  Sem Norðmaður verð ég að segja að þröng staða Íslands er sláandi,“ segir Pål Grytte, prófessor í hagfræðisögu við Noregs Handelshögskolen í Ósló, og líkir stöðu Íslands nú við stöðu Suður-Ameríkuríkja eins og Venesúela og Argentínu þegar allt fór á hvolf þar. „Þar lenti ríkið sjálft í snörunni, en ekki bara fjármagnseigendur. Ísland verður að fá aðstoð. Ríkissjóður hrekkur ekki til. Ísland er of lítið til að vera stórveldi í fjármálaheiminum. Seðlabankinn er of lítill, menn hafa reist sér hurðarás um öxl.“ Ola Grytten segir það ráðgátu hvernig það geti hafa atvikast að bankar uxu ríkisfjármálunum langt upp fyrir höfuð. „Við spyrjum okkur að því hvernig íslensk stjórnvöld gátu horft á þetta gerast, eftir að hafa margoft glímt við vandamál vegna verðbólgu og fallandi krónu.

Við þessu er einfalt svar; "Íslensk stjórnvöld neituðu að horfast í augu við staðreyndir og hlustuðu ekki á nein varnaðarorð."  Þetta reddast einhvernvegin var hugsunarhátturinn og því fór sem fór.

Líkja Íslandi við Argentínu og Venesúela

Athugasemdir

[Einar 9.10.2008 kl. 07:41]

Fyndið, ég er búinn að líkja Íslandi við Argentínu síðasta árið.
Það er alveg ömurlegt að lesa þetta bull um "fullveldi" ESB andstæðinga. Það er greinilega best að vera hrokafullur fyrir utan allt samstarf og ætlast síðan til þess að vera bjargað þegar allt fer í sandinn.
Nei, það eru ekki margar ESB þjóðir sem vorkenna svona þjóðernis sósíalisma.
Hvernig er líka hægt að leggjast svo lágt að þiggja þróunaraðstoð frá Rússlandi? Við ættum kannski líka að biðja um að fá rauða herinn í Keflavík.
Maður er ekki lengur stoltur af því að vera Íslendingur hér í Þýskalandi, frekar skammast maður sín. Hvert sem maður fer er maður spurður hvað sé eiginlega að gerast þarna upp frá. Líka er alls staðar í fréttum að Ísland sé að verða gjaldþrota.

Sagan endurtekur sig, en ég hélt ekki að við færum aftur til 1262 (gamla sáttmála).
Norðmenn plís, innlimið Ísland aftur!

[Jakob Falur Kristinsson, 9.10.2008 kl. 08:09]

Sammála og vert að láta skoða þetta með Noreg.

[Vilhjálmur Andri Kjartansson 9.10.2008 kl. 09:45]

Slakið á heimurinn er ekki að farast og við erum ekki nálægt því að vera í þeirri stöðu sem Argentína sem var að glíma við það að hafa gefið út ávísanir á ávísnari þ.e tengdu gjaldmiðilinn sinn við dollara. Ríkissjóður er skuldlaus og verður það áfram og auðvitað greiðir hann ekki skuldir einkaaðila úti í bæ hvort sem hann heitir kaupþing eða bæjarins bestu. Það er nægur fiskur í sjónum, nóg orka í landinu og þetta er vel menntuð þjóð og dugleg. Algjör óþarfi að skammast sín fyrir að vera Íslendingur, við verðum búin að vinna okkur út úr þessu á undan öllum öðrum þjóðum.

[Dunni, 9.10.2008 kl. 10:01]

Já. Þetta með Noreg og endurnýjun konungssambandsins.  Það gæti verið nær en margir halda.  Lars Sponheim, formaður Venstre flokksins sagði nefnilega í umræðunum um norsku fjárlögin í fyrradag að blóð væri þykkara en vatn og því bæri Norðmönnnum að hjálpa frændum sínum á eyfylkinu norður í Atlandshafi þegar þeir væru í hremmingum.

[Jakob Falur Kristinsson, 10.10.2008 kl. 07:19]

Hvort sem við erum betri eða verri en aðrar þjóðir, skiptir ekki máli.  Því staðreyndin er sú að Ísland rambar á barmi gjaldþrots og stjórnvöld ráð ekki við að stýra þessu landi.  Í dag erum við algerlega öðrum háðir hvað varðar framtíðina.  Þótt ríkissjóður sé skuldlaus er íslenska þjóðin skuldum vafinn upp fyrir haus.  Ef við greiðum ekki okkar skuldir sama hver stofnaði til þeirra verður álitshnekkir Íslands svo mikill að það tæki okkur áratugi að vinna okkur traust hjá öðrum þjóðum.  Sjálfstæði er lítils virði ef við verðum hunsuð af öllum.