Jakob F. Kristinsson Gilsbakka 2-4 465 Bíldudal , Sími: 456-2107 XS

15.12.2008 | 04:46

Að verða ríkur af engu

Nú er mér loksins að takast að verða milljarðamæringur og það var auðvelt.

Ég á einkahlutafélagið Pétursvör ehf. sem er útgerðarfyrirtæki þar sem eigið fé er kr: 500 þúsund (Allt hlutaféð). Nú lagði ég tölvuna mína inn í félagið fyrir 1 milljón, lyklaborðið fyrir kr 500 þúsund, prentarann fyrir 500 þúsund og varð þá eigið fé orðið 2,5 milljónir. Síðan stofnaði ég einkahlutafélagið JFK ehf. með hlutafé fyrir 500 þúsund. Þá seldi Pétursvör JFK ehf. allan tölvubúnaðinn fyrir kr. 4 milljónir og var þá eigið fé þess félags orðið kr. 4.500 þúsund. Þá keypt ég eignirnar aftur af JFK ehf. fyrir 100 milljónir og seldi skömmu síðar allt aftur í félagið Pétursvör ehf. fyrir 200 milljónir, sem fljótlega seldi þær til JFK ehf. fyrir 500 milljónir. Þá gaf ég út skuldabréf fyrir einn milljarð og lagði inn í Pétursvör ehf. sem seldi bréfið til JFK ehf. fyrir tvo milljarða. Bréfið var síðan selt Pétursvör ehf. fyrir 5 milljarða, JFK ehf. seldi síðan bréfið aftur á 10 milljarða til félagsins Pétursvör ehf. og er eigið fé hjá Pétursvör orðið rúmir 12,5 milljarður og eigið fé hjá JFK ehf. er kr. rúmir 5 milljarðar. Síðan sameinaði ég bæði félögin undir nafninu JFK ehf. sem er þá með kr. 14,5 milljarða í eigið fé. Áður en allir stóru bankarnir hrundu var það algild regla að lána félögum 6 falt eigið fé og ætti því JFK ehf. möguleika á láni að fjárhæð kr. 87 milljarða. Ég gæfi þá út skuldabréf fyrir 100 milljarða og leggið inn til JFK ehf. sem hefði þá getu til fjárfestinga í hinum ýmsu fyrirtækjum fyrir rúma 200 milljarða. Það eina sem skyggir á í þessu hjá mér er að ef bankinn færi eitthvað að hræra í þessu. Þá væri ég í raun í skuld við þessi félög sem nemur skuldabréfunum eða rúma 100 milljarða og bankanum 87 milljarða en samt ætti ég hreina eign að fjárhæð kr: 13 milljarða í félaginu JFK ehf. Þetta er auðveldur bissness ef rétt er á málum haldið.

	Sterling-flétta FL Group og Fons
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Sæll og blessaður

Bara búinn að læra af Útrásarvíkingunum. Þetta var akkurat þeirra aðferð. Veðsetja pappíra og kaupa ný fyrirtæki sem voru bara til á pappírum og svo voru þau veðsett og keypt fleiri og fleiri fyrirtæki.

Þessu átti þjóðin að lifa á. Það var orðinn algjör óþarfi að veiða fisk og flytja út.

Gangi þér vel nýmilljónamæringur.

Vertu Guði falinn

Kær kveðja/Rósa

Rósa Aðalsteinsdóttir, 15.12.2008 kl. 09:52

Þetta stunduðu menn í gríð og erg. Áttu meira að segja bankana sem að lánuðu þeim og fólk er fúllt út í ríkisstjórnina fyrir að klúðra málunum ???

Afhverju hefur engum dottið í hug að mótmála út á Arnarnesi eins og niðri á Austurvelli ?

Arnar Geir Kárason 15.12.2008 kl. 16:04

Vegna þess að við héldum að það væri í verkahring ríkisstjórnar að sjá til þess að varnirnar halda? Barnaleg staðhæfing Hr. Arnar.

Sigurður Atlason 15.12.2008 kl. 20:25

Þú ert efnilegur í útrásarbaróna hópinn.

Jóna Kolbrún Garðarsdóttir, 16.12.2008 kl. 01:01

Þá er það bara að gera upp við skattinn.

LAS 20.12.2008 kl. 17:52

Þetta er einmitt leikurinn sem var í gangi og nú virðist vera sem að ríkisstjórnin sé að láta sömu aðila fá nýja spilapeninga á okkar kostnað.

Sigurjón Þórðarson, 21.12.2008 kl. 15:31

Gleðileg jól

Hólmdís Hjartardóttir, 24.12.2008 kl. 14:06

Innilegar óskir um gleðilega hátíð. Megi guð og gæfa fylgja þér og þínum um ókomna tíð.

Tiger, 24.12.2008 kl. 22:26

Christian Glitter by www.christianglitter.com

Guð gefi þér og þínum Gleðileg Jól og farsælt komandi ár.

Vertu Guði falinn

Kær kveðja/Rósa

Rósa Aðalsteinsdóttir, 25.12.2008 kl. 01:30

Kveðja

Heiður Helgadóttir, 26.12.2008 kl. 21:08

Gott að læra hvernig á að haga sér. Gleðilegt ár hafðu það gott á komandi ári,.

Guðrún Jónína Eiríksdóttir, 31.12.2008 kl. 02:05

Þetta er ljóta svínaríði, þessi "pappírsfyrirtæki", og verra að þetta stunduðu menn grimmt.

Nýjarskveðjur til þín og þinna.

Sigríður Sigurðardóttir, 8.1.2009 kl. 08:48

Gleðilegt ár þetta er einmitt það sem mig vantaði, skelli mér á krafti út í þetta þakka þér kærlega fyrir.

Kveðja Ásgerður

egvania, 13.1.2009 kl. 11:03

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jakob Falur Kristinsson

Ég er fyrrverandi vélstjóri og útgerðarmaður en er nú 75% öryrki eftir slys á sjó 2003. Bjó lengst af á Bíldudal en flutti til Sandgerðis haustið 2005. En er nú aftur fluttur á Bíldudal. Að svo miklu leyti sem myndir á síðunni eru eftir Mats Wibe Lund, þá liggur fyrir tímabundið samþykki hans um birtingu hjá mér og þakka ég honum sérstaklega fyrir. Mats á að sjálfsögðu hönundaréttin að öllum sínum myndum. Vilja menn sjá fleiri myndir þá vísast á www.mats.is Ég var flokksbundinn í Frjálslynda flokknum og hef starfað þar, en sagði mig úr flokknum 24. apríl og gekk í Samfylkinguna. Föðurætt mín er úr Arnarfirði og móðurættin frá Jökulfjörðum og Hornströndum og í báðum tilfellum, langt aftur í aldir. Er ég því ekta Vestfirðingur.

Undir fyrirsögninni Færsluflokkar er flokkur sem heitir Vefurinn og ef smellt er á hann opnast síður þar sem ég er að skrifa ýmsar frásagnir. Einnig er undir liðnum spaugilegt smá grín ofl.

Ég leyfi öllum að skrifa athugasemdir við mín skrif. En af gefnu tilefni hef ég ákveðið að þeir sem ekki kunna sér hófs í athugasemdum og nýta þær til persónulegra árása á mig og mína persónu, með allskonar skömmum og svívirðingum, mun ég hér eftir loka á slíka aðila. Einnig mun ég henda út nafnlausum athugasemdum. Því ég einn ber ábyrgð á því sem skrifað er á mína síðu.

jakobkr@internet.is

GSM: 823-2954