Prófkjör

Morðausturkjördæmi mun vera mjög eftirsótt hjá Sjálfstæðisflokknum þessa daganna, því hvorki færri en 10 hafa gefið kost á sér 5 karlar og 5 konur.  Þarna verða örugglega mikinn sárindi í kjölfarið.  Því Sjálfstæðisflokkurinn á ekki nema 2 þingsæti í þessu kjördæmi.  Ókosturinn við þessi prófkjör er sá að þau sundra oftast stuðningsmönnum flokkanna í stað þess að sameina þá.

10 í prófkjör D-lista í Norðausturkjördæmi

Athugasemdir

[Ingólfur Þór Guðmundsson, 24.2.2009 kl. 20:50]

"Morðausturkjördæmi" , þessi var afar slakur !

 "því hvorki færri en 10 hafa gefið kost á sér 5 karlar og 5 konur.  Þarna verða örugglega mikinn sárindi í kjölfarið"

Það hljóta alltaf að vera sárindi í hvert skipti sem fólk nær ekki settum markmiðum, en ekki veit ég hvernig það tengist því að í prófkjöri séu  5 karlar og 5 konur.  

Tvö þingsæti fékk flokkurinn í síðustu kosningum eins og þú bendir réttilega á, en kemur til með að auka við fylgi sitt á kostnað Framsóknar í næstkomandi kosningum (ef mín spá rætist :) )

"Ókosturinn við þessi prófkjör er sá að þau sundra oftast stuðningsmönnum flokkanna í stað þess að sameina þá."

já, það gæti verið eitthvað til í þessu hjá þér, hjá VG og þínum mönnum í XF hafa formennirnir sest við barborð með nokkrum góðum vinum og raðað upp lista þegar klukkuna er að ganga fjögur að morgni. Er það líklegt til þess að sameina fólk í þessum flokkum ?

Gætirðu hugsanlega bent á lýðræðislegri leið en prófkjör þegar setja á saman framboðslista ?

Hvað ætlar annars Frjálslyndi flokkurinn sér að fá mörg sæti í NA-kjördæmi ?

og hver verðu efsti maður á lista þar ?

[Jakob Falur Kristinsson, 25.2.2009 kl. 00:45]

Ég veit ekki til þess að Frjálslyndi flokkurinn sé búinn að ákveða framboðslista í þessu kjördæmi en það verður örugglega einhver góður þar í efsta sæti sem fer auðvitað inn á þing á kostnað Sjálfstæðisflokksins.  Framboðslistar hjá flokknum eru ekki ákveðnir við barborð af formanni.  Heldur er stillt upp lista af kjördæmisráði í hverju kjördæmi og þar hafa allir möguleika á að bjóða sig fram sem rétt eiga til setu á kjördæmisþingi þ.e. vera flokksbundnir.  Það er ekki eins og hjá sumum flokkum að þeir sem eru í prófkjöri smali óflokksbundnu fólki til að kjósa í prófkjörinu.  Það eina sem þarf er að skrifa undir yfirlýsingu um að viðkomandi ætli að kjósa flokkinn.  Það er ekki einu sinni gerð krafa um að ganga í viðkomandi flokk.  Þess vegna verður þetta ein hringavitleysa með tilheyrandi leiðindum.

[Ingólfur Þór Guðmundsson, 25.2.2009 kl. 09:59]

Gefum okkur það að 10 manns sitji í kjördæmaráði XF í NA-kjördæmi. Er það þá þín skoðun að fundur 10 einstaklinga sé á einhvern hátt lýðræðislegri en opið prófkjör þar sem 50 þús manns hafa áhrif á framboðslista ?

Burt séð frá því hvort fólk sé flokksmenn eða ekki, afhverju ekki að leyfa bara öllum að hafa áhrif á listann (til góðs eða ills) ?

er það ekki einmitt "að vera að leyfa þjóðinni að hafa áhrif" ?

En það er nú oft þannig, að þeir sem mest tala um lýðræði það eru einmitt þeir sem troða á lýðræðinu.

En þar er auðvitað fremstur í flokki hræsnarinn sem er grænn að utan, en rauður að innan, Steingrímur J. Sigfússon.

Annars á ég nú ekki von á stórum sigrum hjá Frjálslyndum, ekki nema hugsanlega þið gætuð náð að sætta forystuna og Eirík Stefánsson, því það mætti segja mér að Eiríkur Stefánsson hefði einmitt gríðarlegt fylgi í þessu kjördæmi, ef formaður ykkar myndi bara fara aðeins niður af háa hestinum sem hann er gróinn við, og myndi sætta óánægjuna í flokknum. Að öðru leyti vill ég helst ekki gefa XF hvorki góð né slæm ráð :)

[Jakob Falur Kristinsson, 25.2.2009 kl. 10:14]

Það mæta mikið fleiri en 10 manns á kjördæmaþing hjá Frjálslyndum.  Það síðasta sem ég sat fyrir síðustu kosningar mættu á milli 50-60 manns og miklar umræður um væntanlegan framboðslista.  Mér finnst ekki lýðræðislegt þegar fólk í einum stjórnmálaflokki er að stilla upp á framboðslista hjá öðrum flokki sem það ætlar ekki að kjósa.