Menntamálaráðherra

Katrín Jakobsdóttir, menntamálaráðherra, kynnti á ríkisstjórnarfundi í morgun frumvarp til laga um úthlutun listamannalauna. Miðar frumvarpið að því að fjölga þeim mánuðum sem listamönnum standa til boða, úr 1.200 í 1.600, á þremur árum. Hins vegar verði launin ekki hækkuð.

Hún Katrín Jakobsdóttir er að ger góða hluti í Menntamálaráðuneytinu.  Greinilega rétt kona á réttum stað.  Svo er hún líka að vinna að breytingum á Lánasjóði Íslenskra námsmanna sem verða til mikilla bóta.

Vonandi að hún haldi þessu embætti eftir kosningar.

Leggur til breytingar á listamannalaunum

Athugasemdir

[jens 6.3.2009 kl. 14:16]

Er ekki í lagi með ykkur? á nú að fara að dreifa peningum í fólk sem nennir ekki að vinna!! Það má greinilega sjá hvernig forgangsröðin er hjá vistri grænum er .Halda uppi Hallgrími og félögum það er númer 1 skítt með verkalýðinn sem er að blæða út.

Nú skal endurgjalda greiðan fyrir ofbeldið á Austurvelli.

[Sigurður Geirsson 6.3.2009 kl. 14:25]

Sammála Jens að mörgu leiti. Ég sé enga ástæðu til að fjölga þeim sem eru á framfæri ríkisins. Enda hefur maður ekki heyrt um neitt atvinnuleysi hjá listamönnum né heldur uppsögnum. Það væri nær að setja þessa peninga í þær atvinnugreinar þar sem mest er atvinnuleysið. Ef vel tekst til að koma þeim af stað aftur, þá eru stuðningsmenn lista fljótir að koma aftur.

Staðreyndin er bara einfaldlega sú að þegar illa árar, ég tala nú ekki um eins og nú árar, þá höfum við bara ekki efni á að fjölga þeim sem eru á jötunni. Við þurfum að koma atvinnulífinu af stað aftur og veitir ekki af öllum peningunum sem hægt er að fá til að koma því af stað.

[Jakob Falur Kristinsson, 6.3.2009 kl. 23:03]

Katrín er að gera góða hluti í sínu ráðuneyti.  Listamenn verða ekki til vegna þess að þeir nenni ekki að vinna.  Við eigum að vera þakklát fyrir gott listalíf í landinu.  Það dýrmætasta sem hver þjóð á er góð menning.  Það eru margir á ríkisjötunni sem skila minna en listamenn.  Lífsgæði eru ekki bara fólgin í eilífu striti og erfiði.

[Hlynur Hallsson, 6.3.2009 kl. 23:06]

Takk fyrir góðan og jákvæðan pistil, Jakob Falur.

Bestu kveðjur,

[Karen María Jónsdóttir, 7.3.2009 kl. 00:24]

Verkefnastaða listamanna hefur farið hríðversnandi á undanförnum misserum þar sem aðgangur að fjármagni er mjög takmarkað. Þetta gerir það að verkum að listamenn eiga mun erfiðara með að skapa sjálfum sér og öðrum atvinnu. Birtingarmyndin er atvinnuleysi.

Það gleymist að geta þess í umræðunni að með fjölgun listamannalauna er einnig verið að fjárfesta í útflutningi í einum af okkar megnugustu atvinnuvegum.

Á meðan losunarkvótar eru að fyllast, fiskurinn í sjónum er að bregðast okkur og bankakerfið er hrunið þá eru það hugvit listamanna sem stendur eftir sem ein okkar sterkasta auðlind.

Bókmenntir, myndlist, tónlist, leiklist og hönnun (sem nú er verið að stofna nýjan jóð fyrir) er vara sem er vinsæl erlendis og er að færa þjóðinni gjaldeyristekjur á erfiðum tímum.

En það er ekki það eina. Mikilvægi lista þegar kemur að því að treysta samskipti milli þjóða og hlutdeild listarinnar í uppbyggingu viðskiptatenglsa eru einnig þekkt og viðurkennt fyrirbæri. 

Listamannalaun eru öflug leið fyrir ríkið til þess að kaupa ákveðna þjónustu sem tryggir að virkni ofangreindra þátta verði sem mest.

Bendi á orð Þorgerðar Katrínar á Kvikmyndaverðlaununum Eddunni núna fyrir jól þar sem hún sagði að þjóðin hefði sjaldan þurft eins mikið á listamönnunum okkar að halda eins og núna við endurreisn okkar út á við og til að byggja sjálfstraust okkar inn á við.

Nýr menntamálaráðherra Katrín Jakobsdóttir er að byggja undir þjóðina á framsækinn og frumlegan hátt. Hún er áð nýta hér auðlind sem áður hefur verið vannýtt, auðlind sem á sama tíma er óþrjótandi. 

Karen María, danslistamaður

[Jakob Falur Kristinsson, 7.3.2009 kl. 10:35]

Ég er innilega sammála þér Karen.  Góð list og menning er mikil auðlynd og á eftir að hjálpa mikið til við að skapa jákvætt viðhorf á ný til Íslands.  Nú er mjög erfitt hjá mörgum listamönnum, því flest þau stóru fyrirtæki sem hvað studdu mest við listir og menningu eru farin á hausinn og þá þarf ríkið að koma til aðstoðar.  Ég get ómögulega skilið það fólk sem telur að fólk vinni við listir af því að það nennir ekki að vinna.  Ég hefði talið að störf við listir væru ekkert frábrugðin öðrum störfum, nema að síður sé því það þarf miklu meiri hæfileika til.