Rjómabolla

Líklega er þessi bolla sem bökuð var í dag í Guðnabakaríi á Selfossi ein sú stærsta á landinu. Bollan er 20 kíló, um það bil 180 sinnum stærri en venjuleg bolla. Í hana fóru 12 kíló af deigi, 6 kíló af rjóma, 1 kíló af sultu og 1 kíló af súkkulaði.

Það munað ekki um það, 20 kílóa rjómabolla.  Hver ætli geti síðan borðað þessi ósköp?

Þeir eru sniðugi þarna bakararnir hjá Guðnabakaríi á Selfossi.  Hvað ætli þeir hafi síðan í matinn á sprengidaginn.  Kannski eitt tonn af saltkjöti og þúsund lítra af baunasúpu.  Hver veit?

20 kílóa rjómabolla

Uppstokkun

Talsvert mun vera um það rætt þessa daganna innan raða Sjálfstæðisflokks að gera breytingar á ríkisstjórninni.  Í Reykjavíkurbréfi Morgunblaðsins í dag er gefið í skyn að réttast væri að bjóða núna Frjálslynda flokknum aðild að stjórninni.  Ekki bara til að auka fjölda þeirra þingmanna sem styðja stjórnina, heldur lýst þeim ekkert orðið á hvað Samfylkingin er að bæta stöðugt sitt fylgi.  Vitað er að tvö ráðherraembætti munu verða laus hjá Sjálfstæðismönnum á þessu ári, því vitað er að Björn Bjarnason mun sennilega taka við ritstjórn Morgunblaðsins í haust.  En eins og kunnugt er mun Styrmir Gunnarsson hætta í haust vegna aldurs, eins mun Einar K. Guðfinnsson vilja hætta og fá embætti sendiherra og ástæðan mun vera sú að hann leggur ekki í þann slag sem verður þegar breyta þarf kvótakerfinu vegna álits Mannréttindanefndar Sameinuðu Þjóðanna.  Vitað er að Arnbjörg Sveinbjörnsdóttir hefur mikinn áhuga á embætti sjávarútvegsráðherra, en vegna yfirgangs hennar sem formaður þingflokksins mun hún ekki eiga mikinn stuðning hjá þingflokknum.  Með þátttöku Frjálslynda flokksins, sem alltaf hefur verið á móti þessu kvótakerfi fengju Sjálfstæðismenn góða afsökun fyrir uppstokkun á því, ef Guðjón Arnar Kristjánsson væri orðin sjávarútvegsráðherra og vonast þá eftir að LÍÚ láti þá í friði.  Mun nú verið unnið hörðum höndum að því að púsla þessu saman.  Sturla Böðvarsson mun einnig vera að íhuga að hætta ef gott embætti væri í boði og það myndi leysa vandamálið með Arnbjörgu Sveinbjörnsdóttur og hún yrði forseti þingsins.  Hvort þetta gengur síðan upp verður spennandi að fylgjast með á næstu mánuðum.

Vandræði

Ungt fólk sem skuldar marga tugi milljóna króna er meðal þeirra rúmlega 600 sem leituðu aðstoðar hjá Ráðgjafarstofu um fjármál heimilanna í fyrra.

Þarna bera bankarnir nú talsverða ábyrgð.   Því þeir byrja að hundelta unga fólki nánast um leið og það byrjar í framhaldsskólum og sumir jafnvel strax við fermingu.  Þessu unga fólki eru boðnir gull og grænir skógar.  Það eru boðin fartölvulán, kreditkort með verulegri heimild, yfirdráttarlán eftir þörfum.  Þegar kemur að  útskrift úr skóla er hægt að fá ferðalán svo unga fólkið geti farið eitthvað erlendis og slappað af.  Þegar kemur að bílprófsaldrinum er auðvitað boðið lán fyrir kostnaðinum við bílprófið og þá vantar líka bíl og sjálfsagt er lánað fyrir nýjum bíl.  Svo kemur að því að þetta unga fólk flytur að heiman og þá vantar auðvitað íbúð.  Að sjálfsögðu kemur ekkert annað til greina en ný íbúð en ekki eitthvað gamalt drasl.  Þegar nýja íbúðin er svo fundinn er farið í bankann og þar tekur þjónustufulltrúi á móti þeim, með bros á vör.  Aðeins er spurt hvað íbúðin eigi nú að kosta og síðan er spurt hvort ekki vanti einhver húsgögn og hvað þau reikni með að þurfa að greiða fyrir þau.  Þegar sú upphæð er kominn er ýtt á einn takka á tölvunni og lánið er klárt, bara að skrifa nafnið sitt.  Þegar þau síðan sjá að komið er 110% lán út á íbúðina spyrja þau hvort það sé allt í lagi og fá þá það svar að þetta jafni sig, því íbúðir geri ekkert nema hækka í verði. (Það hefur að vísu komið eitthvað bakslag hjá bönkunum núna).  Aldrei á öllu þessu ferli er fólkið spurt um tekjur nema að einhvert greiðslumat er gert varðandi íbúðalánin og þar hafa flestir sloppið í gegn enda ungt fólk með góða menntun og fær örugglega góða vinnu og hvergi á vanskilaskrá.  En í sambandi við öll önnur lánin er aldrei spurt um tekjur, bara að fá einhver til að vera ábyrgðamaður og virðist engu skipta hvort sá ábyrgðarmaður getur yfir höfuð borgað það sem hann er að taka ábyrgð á.  Svo flytja ungu hjónin í nýju íbúðina og þá fer fer fljótlega hið hræðilega að ske inn um bréfalúguna fara að detta glugga umslögin frægu og nú skal borgað.  Ef eitthvað óvænt hefur skeð t.d. veikindi, atvinnumissir eða barn er fætt eru fjármálin komin úr skorðum og þau sjá fram á að nú eiga þau eftir að vera í vandræðum með sitt daglega líf næstu 40 árin.  Það er farið í bankann og reynt að semja við sama þjónustufulltrúann og afgreiddi lánið.  En nú var ekkert bros eða kurteisishjal.  Heldur var þeim tilkynnt að nú væri íbúðarmarkaðurinn í lægð og íbúðin væri ekki lengur nægjanlegt veð fyrir því sem hún væri veðsett fyrir.  Ef ekki yrði komið með aukin veð þá yrði lánið gjaldfellt og íbúðin færi á uppboð.  Einnig væri óskað eftir því að þau færu að greiða niður yfirdráttinn.  Hvað var nú til ráða.  Bankinn sem hafði nánast fóstrað þau frá unga aldri og þau litu á sem góðan vin var allt í einu orðinn að einhverju innheimtuskrímsli.  Nú sáu þau fram á að eina leiðin var að bæta við sig vinnu og auka tekjur og við tók þrældómur til að geta staðið í skilum.  Það varð að spara allt sem hægt var og það sem verra var að þau sáu frama að svona yrði líf þeirra næstu 40 árin og væru þá farin að nálgast ellilauna-aldurinn.  Er þetta draumastaða hjá ungu fólki í dag?

Ég var á sjó fyrir nokkrum árum  með ungum manni, sem var nýbúinn að kaupa sér nýjan bíl fyrir um 2,5 milljónir og hann var komin með um 600 þúsund í yfirdrátt í sínum banka.  Ég var eitt sinn að spyrja hann hvers vegna hann einhleypur maðurinn sem bjó frítt hjá systur sinni, þyrfti svona mikinn yfirdrátt.  Hann sagði að þetta hefði byrjað með 150 þúsund en svo væri andskotans bílalánið svo erfitt og til að halda því í skilum þyrfti hann stöðugt að fá hærri yfirdrátt.  Það skal tekið fram að þessi maður var háseti og var á þeim tíma með kauptryggingu sem var eitthvað nálægt 125-130 þúsund á mánuði fyrir skatta en launin gátu auðvitað hækkað, ef vel gekk að fiska en það gat líka brugðist til beggja vonar. 

Það vantar algerlega alla fræðslu um fjármál í skóla landsins varðandi fjármál.  Ég hef hitt háskólamenntaða einstaklinga sem ekkert þekkja til fjármála heimilanna og jafnvel hafa aldrei fyllt út víxil eða skuldabréf og vita ekki munin á Debet eða Kredit.  En geta þulið upp gegni hinna ýmsu hlutabréfa á svipaðan hátt og börn fara með margföldunartöfluna í barnaskóla.

Með marga tugi milljóna á bakinu

Viðbjóðslegt

Enn fjölgar þeim sem létust í tveimur öflugum sprengingum í Bagdad, höfuðborg Íraks, í gær en nú er talið að 99 hafi látist í sprengingunum. Íraskir embættismenn sögðu að tvær þroskaheftar konur hefðu verið notaðar í tilræðunum, sprengjur hefðu verið festar við þær og síðan sprengdar úr fjarlægð.

Er hægt að komast lægra í virðingu fyrir mannslífi, ég held ekki.  Ef þessir vitleysingar vilja vera með þessar sjálfsmorðssprengjur ættu þeir að hafa manndóm í sér að gera það sjálfir en ekki nota til þess saklaust fólk sem ekkert veit hvað er að gerast.

Þorskaheftar konur notaðar í sprengjutilræðum

Bítlalag

Washington. AP. | Geimrannsóknastofnun Bandaríkjanna, NASA, hyggst senda út Bítlalagið „Across the Universe“ þvert yfir alheiminn til Pólstjörnunnar. Er þetta í fyrsta skipti sem geimrannsóknastofnunin sendir lag út í geiminn.

Af hverju sendu þeir ekki lag til hinnar íslensku Pólstjörnu, en undir því nafni gekk vinna lögreglu um dómsmyglið í skútunni frægu, sem kom til Fáskrúðsfjarðar á sínum tíma.  Því nú má búast við að flestir sem stóðu að þessu smygli eða "græjuðu" það fá nokkurra ára fangelsi og hefðu örugglega gott að fá að hlusta á nokkur bítlalög á Litla-Hrauni.

Alltaf er hægt að finna eitthvað nýtt

Ég ætlaði ekki að trúa eigin augum þegar ég las um fréttir frá Glitnir en þar kom fram að núverandi forstjóri félagsins hefði fengi greitt 300 milljónir fyrir að byrja að vinna hjá bankanum.  Ég hef oft verið hneykslaður á mörgum hinna svokallaðra starfslokasamninga en þó skilið þá að sumu leiti því viðkomandi þarf einhver laun meðan hann er að leita sér að nýrri vinnu.  Hvað réttlætir þessa 300 milljóna greiðslu fyrir bankastjóra svo hann geti byrjað að vinna.  Ekki eru það launin því ég hef heyrt að laun þessa bankastjóra séu á milli 10-15 milljónir á mánuði.  En þetta var ekki það eina sem Glitnir þurfti að greiða vegna bankastjóraskiptanna, því Bjarni Ármannsson mun hafa fengið nokkur hundruð milljónir í starfslokasamning auk þess sem Glitnir varð að innleysa hlutabréf Bjarna samkvæmt kaupréttarsamningi og í það fóru 900 milljónir.  Þessi byrjunargreiðsla er ágæt innlegg í þær kjaraviðræður sem nú standa yfir og vonandi verður þetta yfirfært á flestar launastéttir.  Það er ekki slæmt að fá um tuttuguföld mánaðarlaun áður en viðkomandi byrjar í nýju starfi.  Það að stjórn Glitnis ákvað að skipta um bankastjóra hefur því kostað bankann hátt í 1,5 miljarða.  Siðblinda þessara manna er algjör í þeirra augum eru 100 milljónir svipaðar og 100 krónur í augum venjulegs fólks.  Þarna er verið að setja fordæmi sem ekki hefur þekkst fyrr í Íslandssögunni og næsta öruggt að þetta á eftir að breiðast út.

Sem sagt að til að hefja nýtt starf verður að byrja á að greiða væntanleg mánaðarlaun sinnum 20 og þá er hægt að byrja að vinna. 

Kvótar

Vilhjálmur Egilsson, framkvæmdastjóri Samtaka atvinnulífsins, varpaði þeirri hugmynd fram á fundi Landssambands kúabænda um framtíð mjólkurframleiðslu að næsti samningur sem ríkið gerði við kúabændur yrði síðasti búvörusamningurinn. Samningurinn fæli í sér að ríkið keypti allt greiðslumark af bændum

Loksins kom maður og talaði af viti um þessa kvótastefnu sem hér tröllríður öllu.  Þetta ætti ekki bara að ná yfir kvótann í landbúnaði heldur einnig í sjávarútvegi.

Ríkið kaupi kvótann

Sjómenn

Konur eru í miklum minnihluta sjómanna en þær ná því sjaldnast að vera yfir 10% þeirra. Ástæðu þess að konur sækja ekki sjóinn í meira mæli en þær gera er einna helst að finna í menningarbundnum þáttum, það er að segja, í skiptingu vinnunnar í karla- og kvennastörf og takmörkuðum vilja fólks til að haga sér í ósamræmi við ímynd karlmennsku og kvenleika. Þetta er niðurstaða verkefnis sem Helga Katrín Tryggvadóttir nemi í mannfræði við HÍ hefur unnið.

Ætli sjómennska verði í frumvarpinu, sem á að jafna hlut karla og kvenna í þjóðfélaginu.  Hvar eru allir femínistarnir nú?  Eru það bara sum störf sem jafnræði á að gilda með kynjunum?  Eins og fram kemur í þessari könnun virðast konur ennþá vilja skipta störfum í karla- og kvennastörf.  En er þetta eitthvað að breytast?  Nei ég held ekki.

Fáar konur sækja sjóinn

Er Ólafur F. Magnússon ekki borgarstjóri?

Það hefur vakið furðu mína að ef leitað er eftir upplýsingum hjá Reykjavíkurborg um hin ýmsu málum, þá er Ólafur F. Magnússon sjaldan sá sem svarar fyrir hönd borgarinnar.  Heldur eru það borgarfulltrúar Sjálfstæðisflokks og þá einkum Gísli Marteinn, Hanna Birna eða Vilhjálmur Þ.  Var kannski sett það skilyrði þegar Ólafi var boðinn borgarstjórastóllinn, að hann mætti ekki tjá sig f.h. Reykjavíkurborgar.  Það þætti alla veganna talsvert skrýtið ef leitað væri um upplýsinga hjá ríkisstjórninni ef Geir H. Haarde svaraði aldrei heldur ráðherrar Samfylkingarinnar.   Er Ólafur F. kannski bara til skrauts í Ráðhúsinu og Vilhjálmur Þ. Vilhjálmsson hinn raunverulegi borgarstjóri?  Ef svo er þá má alveg spara að gera styttu af Ólafi F. Magnússyni eins og af öðrum borgarstjórum.  Hann gæti einfaldlega setið á stól við hliðina á öllum styttunum og auðvitað á fullum launum.  Eins vakti það athygli að Ólafur fór ekki á sameiginlegan fund allra borgarstjóra í höfuðborgum Norðurlanda sem nú er haldinn.  Heldur fóru þau Vilhjálmur Þ., Gísli Marteinn og Hanna Birna sem fulltrúar Reykjavíkurborgar en Ólafur sat heima vegna anna að því sagt var.  Ég er farinn að halda að í raun og veru treysti Sjálfstæðismenn ekki Ólafi F. Magnússyni og honum sé haldið í einskonar stofufangelsi í Ráðhúsinu og litið á hann sem hækju til að halda þessum meirihluta saman.  Það hefur mikið verið rætt um að Spaugstofan hafi gert grín að Ólafi F. Magnússyni sem ekkert er við að athuga því það er hlutverk Spaugstofunnar að gera grín að fólki.  En nú eru það borgarfulltrúar Sjálfstæðismanna sem gera mest grín að Ólafi með sinni framkomu í hans garð.  Og er það miklu alvarlegra en grín Spaugstofunnar, því þetta eiga víst að kallast ábyrgir stjórnmálamenn, þótt þau séu í sjálfstæðisflokknum.

Írak

Talið er að hundrað tuttugu og einn bandarískur hermaður hafi framið sjálfsvíg á síðasta ári og er það 20% aukning frá árinu 2006. Talsmenn hersins segja að fyrst og fremst megi rekja aukninguna til álags vegna stríðarekstursins í Írak og Afganistan. Þetta kemur fram á fréttavef CNN.

Þetta er nú að verða meiri skrípaleikurinn.  Nú er bandarísku hermennirnir farir að fremja sjálfsmorð í stórum stíl.  Kannski fer stór hluti af þessum her heim í líkkistum.  Nú held ég að Bush ætti að hengja sig sem fyrst.

Sjálfsvígum fjölgar innan Bandaríkjahers