Stólar keisarans

Áratugum saman hefur venjuleg finnsk fjölskylda setið í sófasetti síðustu rússnesku keisarafjölskyldunnar án þess að vita af því. Húsgögnin voru keypt af bolsjevikum á þriðja áratug síðustu aldar.

Hún er heppinn þessi fjölskylda að eiga þessi verðmætu húsgögn.  Svo eru uppboðshaldarar að vona að einhver auðmaður kaupi þessi húsgögn.  Af hverju þar allt sem er dýrmætt að lenda í höndum auðmanna??  Má þessi finnska fjölskylda ekki eiga sín húsgögn í friði fyrir auðmönnum??

Sátu á stólum keisarans í tugi ára

Til liðs við Frjálslynda flokkinn

Karl V. Matthíasson, þingmaður Samfylkingarinnar, hefur ákveðið að ganga til liðs við Frjálslynda flokkinn. Segir í tilkynningu frá Karli að ákvörðun þessi helgist af því að skoðanir hans og hugsjónir um sjávarútvegsmál á Íslandi eiga ríkan hljómgrunn í Frjálslynda flokknum.

Þetta er eitt dæmið enn þar sem menn ná ekki þeim árangri í prófkjöri sem þeir vonast eftir.  Það er orðið óþolandi þetta eilífa flokkaflakka hjá þingmönnum. 

Hvað varðar prófkjörin, forval, netkosningu eða póstkosningu, þá á fólk ekki að taka þátt í slíku ef það er ekki tilbúið að sætta sig við niðurstöðurnar.

Karl V. til liðs við Frjálslynda

Magnús Þór

Magnús Þór Hafsteinsson hefur ákveðið að gefa kost á sér til formennsku í Frjálslynda flokknum, á landsþingi flokksins sem haldið verður í Stykkishólmi 13. og 14. mars. Magnús Þór, sem er núvaraformaður Frjálslynda flokksins varð í 4. sæti í póstkosningu hjá Frjálslynda flokknum í NV-kjördæmi nýverið.

Nú lýst mér ekki á það hjá þessum flokki.  Magnús er auðvitað svekktur að hafa einungis náð 4. sætinu í póstkosningu flokksins í Norðvesturkjördæmi, en hann stefndi á 2. sætið það sæti fékk hinsvegar Sigurjón Þórðarson og 3. sætið Ragnheiður Ólafsdóttir.  Það verða örugglega mikil læti á landsfundi flokksins í Stykkishólmi í dag og á morgun.  Auk Magnúsar, hefur Guðjón Arnar Kristjánsson, sitjandi formaður óskað eftir endurkjöri.  Einnig er í kjöri til formanns Guðni Halldórsson. 

Nú held ég að endanlega verði gengið frá flokknum og er alvarlega að hugsa um að segja mig úr honum og ganga í Samfylkinguna.  Það er eins og ekkert geti gengið upp hjá Frjálslynda flokknum.  Eilíf átök og deilur milli manna.  Ég efast um að þessi flokkur fá mann kjörin á Alþingi í kosningunum.

Magnús Þór stefnir á formanninn

Markaðurinn

Í þættinum Markaðnum með Birni Inga á Stöð 2 í gærkvöld var Björn Ingi að ræða við athafnarmanninn Jón Ólafsson og þar kom margt áhugavert fram.  Jón útskýrði hvernig salan á Senu hefði gengið fyrir sig, en hún átti að vera mjög gegnsæ og heiðarleg.  Jón ásamt bandarískum manni, sem er mjög þekktur í afþreyingariðnaði, áttu hæsta tilboð í Senu um 800 milljónir.  En þeir félagar drógu tilboð sitt til baka þegar þeir komust að því að búið var að ákveða fyrirfram hver ætti að kaupa en það var félag í eigu tveggja fyrrum stjórnenda Glitnis.  Sá munur var á tilboðunum að Jón og félagi hans ætluðu að yfirtaka hluta skuldanna sem greiðslu.  Hitt tilboðið var staðgreiðslutilboð upp á 500 milljónir.  Fljótt á litið lítur það tilboð betur út sem bauð staðgreiðslu en hitt sem ætlaði að taka yfir hluta skuldanna.  En þegar nánar er skoðað þá er staðgreiðsluboðið svona;  Kaupverð kr. 500 milljónir - afsláttur vegna staðgreiðslu kr: 50 milljónir, niðurfærsla á lager kr: 150 milljónir.  Þannig að á endanum var greitt kr: 300 milljónir fyrir Senu og afskrifa þurfti stóran hluta skuldanna.  Hefði nú ekki verið skynsamlegra að taka tilboði Jóns og félaga og leyfa þeim að yfirtaka hluta skuldanna og greiða mismuninn í peningum.  Þá hefði viðkomandi banki fengið 800 milljónir fyrir Senu.  Eða 500 milljónum meira en fékkst í raun.  Ef þetta er forsmekkurinn af því hvernig staðið verður að sölu fyrirtækja sem bankarnir kunna að eignast, þá verður þetta ein allsherjar útsala með tilheyrandi afskriftum.

Krónan

Gengi krónunnar veiktist umtalsvert í viðskiptum dagsins í dag, en gengisvísitalan hækkaði um 2,39% og veiktist krónan sem því nemur.

Hvað er verið að hanga með handónýtan gjaldmiðil ef hann þolir ekki að ríkið greiði vexti af sínum lánum, án þess að falla.

Vaxtagreiðslur þrýsta niður krónu

Ný ríkisstjórn

Flestir þeirra, sem tóku þátt í skoðanakönnun sem Fréttablaðið birtir í dag, eða 54,2%, vilja að Samfylking og Vinstrihreyfingin-grænt framboð myndi ríkisstjórn eftir kosningar. 12,6% vilja stjórn Framsóknarflokks og Sjálfstæðisflokks.

Það liggur alveg ljóst fyrir að Samfylkingin og VG munu mynda næstu ríkisstjórn.  Þessir tveir flokkar munu fá hreinan meirihluta á Alþingi í kosningunum í vor.  Sjálfstæðisflokkurinn mun þurfa að sætta sig við að vera mjög lengi í stjórnarandstöðu.  Það er að segja ef flokkurinn verður til í núverandi mynd eftir landsfund flokksins, en þar er mjög líklegt að hann klofni.

Flestir vilja stjórn S og V

Nýtt blóð á vígvöllinn

Þetta er kjörorð tveggja frambjóðenda í prófkjöri Sjálfstæðisflokksins.  Hvað eru þessi menn að hugsa.  Þeir eru að líkja lýðræðislegum kosningum í lýðræðisríki, sem vígvelli.  Það verður þokkalegur andskoti ef þessir menn ná sæti á framboðslista og fara í Alþingiskosningarnar.  Þeir munu þá að sjálfsögðu verða vel vopnum búnir til að geta höggvið mann og annan, blóðugir upp fyrir haus.  Á hvaða tíma lifa þessir menn.  Flestir landsmenn vita að við lifum á 21. öld en ekki á Sturlungaöld.

Mér finnst nú ansi lagst lágt til að vekja á sér athygli í prófkjöri.  En vitleysingarnir leynast víða og þeir verða alltaf til.  En hvort svona hugsandi menn eigi erindi á Alþingi dreg ég í efa.

Auknar heimildir

  Ragna Árnadóttir dóms- og kirkjumálaráðherra lagði í gær fram frumvarp um breytingu á lögum um embætti sérstaks saksóknara. Með frumvarpinu er lagt til að heimildir embættisins til þess að kalla eftir upplýsingum og gögnum verði gerðar skýrar og ótvíræðar.

Þetta er rétt hjá Rögnu, þessi sérstaki saksóknari á að fá allar þær heimildir sem hann þarf við sína vinnu.

Lagt til að auka heimildir sérstaks saksóknara

Landsbankinn

Steingrímur J. Sigfússon, fjármálaráðherra, sagði á Alþingi í dag að ekki væru allir jafn bjartsýnir og skilanefnd Landsbankans á hve miklar eignir Landsbankans í Bretlandi verði endurheimtar. Viðræður við bresk stjórnvöld um uppgjör Icesave-ábyrgðanna munu væntanlega hefjast síðar í þessum mánuði.

Sennilega hefur Steingrímur rétt fyrir sér í þessu máli.  Það á ekki að vera að fegra myndina af ástandinu sem hér ríkir.  Best að fá hlutina á hreint og vita hvað vandinn er stór.  Fyrr verður ekki hægt að taka á vandanum.

Mat Landsbankans of bjartsýnt?

Fæðing

  Foreldrar drengja í Tsjetsjeníu sem fæðast á fæðingardegi Múhammeðs spámanns fá framvegis upphæð sem samsvarar rúmlega tveimur mánaðarlaunum.

Þetta getur nú varla verið há upphæð því ekki eru launin svo mikil í þessu landi.  Annars er forseti þessa ríkis snarbilaður náungi.  Nú vill hann að drengir sem fæðast á þessum degi verði skýrðir eftir spámanninum.  Hann er líka þeirra skoðunar að konur séu eign karla og hann hvetur til fjölkvænis svo þjóðinni fjölgi nógu mikið.

Við ættum kannski að skoða þetta með fjölkvænið hér á Íslandi.  Þá yrði mikil aukning í barnsfæðingum og fleiri til að greiða okkar skuldir sem eru að leggjast á komandi kynslóðir.

Bónus fæðist drengir á fæðingardegi Múhammeðs