Eiturgufur

Að sögn Ófeigs Þorgeirssonar, yfirlæknis á slysa- og bráðadeild Landspítalans var mönnum mjög brugðið í morgun þegar fólk tók að streyma inn á slysadeild eftir eiturefnalekann í Þvottahúsi Ríkisspítalanna. Fólkinu verður undir eftirliti fram eftir degi og jafnvel í sólarhring.

Þarna fór betur en á horfðist, því margir hefðu geta látið lífið af þessum eiturgufum, en sem betur fer sluppu allir í bili.  Því eftirköst af svona eitrun geta komið mjög harkalega.

Var mjög brugðið

Svínaflensan

Mikið hefur dregið úr inflúensunni. Í síðustu viku greindist samtals 101 einstaklingur með inflúensulík einkenni samkvæmt skráningu heilbrigðisþjónustunnar. Tilfellum fækkaði bæði á höfuðborgarsvæðinu og á landsbyggðinni.Frá 29. júní – 6. desember höfðu greinst 9733 einstaklingar með inflúensulík einkenni, þar af voru 4453 karlar og 5280 konur.

Þá minnka mínar líkur á að fá þessa flensu, sem ég var að vonast til að ég fengi svo slæma að ég dræpist úr henni.  Ég segi nú bara eins og Pétur Jóhann í Fangavaktinni;

Já ég tel mig greindan, alla veganna núna.

Tæplega 10 þúsund greindir

Icelandair

Alls ferðuðust 106 þúsund farþegar með Icelandair í nóvember sem er 5% aukning frá sama mánuði í fyrra er farþegarnir voru 101 þúsund talsins. Hins vegar fækkaði farþegum um 11% fyrstu 11 mánuði ársins samanborið við sama tímabil í fyrra.

Það er þó eitt lítið ljós í öllu myrkrinu og Icelandair virðist vera að gera góða hluti.  En ætli Íslendingar séu ekki frekar fáir í þessari aukningu á farþegum.  Einu Íslendingarnir, sem nú geta nýtt sér þjónustu Icelandair eru embættismenn og aðrir, sem ekki þurfa að greiða fyrir flugfarið sjálfir.  Það dapurlega við Icelandair er það að flestir eigendur félagsins eru farnir á hausinn og á íslenska ríkið nú ráðandi hlut í þessu félagi.

Farþegum fjölgar hjá Icelandair

Hæg vaxtalækkun

Vilhjálmur Egilsson, framkvæmdastjóri Samtaka atvinnulífsins, segist fagna lækkun vaxta en honum sýnist lækkunin vera á hálfri ferð og að hann hefði viljað sjá enn frekari lækkun. Hann segist eiga von á verulegri vaxtalækkun á næsta vaxtaákvörðunardegi Seðlabanka Íslands í janúar.

Seðlabankinn lækkar stýrivexti með hraða snigilsins og með sama áframhaldi gætu vextir hér á landi verið orðnir eðlilegir um 2050.  En þá verða flest fyrirtæki farin á hausinn svo vaxtalækkunin mun engu skila.

Vilhjálmur átti von á meiri lækkun

Stenst ekki lög

Umboðsmaður Alþingis hefur komist að þeirri niðurstöðu, að gjaldskrárhækkun Lyfjastofnunar í janúar árið 2008 hafi ekki verið í samræmi við lyfjalög.

Hvað gerir Lyfjastofnun nú, sennilega kemst hún að þeirri niðurstöðu að úr því sem komið er sé allt í lagi að brjóta lög og heldur sínum verðum óbreyttum.

Gjaldskrárhækkun ekki í samræmi við lög

Friðað hús selt

Fjögur tilboð bárust í Gamla barnaskólann að Kópnesbraut á Hólmavík en hann var auglýstur til sölu í haust. Gamli skólinn var byggður árið 1913 og er eina friðaða húsið á Hólmavík, en er mjög farinn að láta á sjá.

Það er ekki nægjanlegt að kaupa hús, sem er friðað fyrir lítinn pening.  því fylgja miklar skyldur, sem eru að koma ytra útliti hússins í upprunalegt horf og á myndinni af húsinu mun það verða talsvert verk og dýrt.   En innan dyra má húseigandinn gera það sem hann vill, ef hann á þá nokkra peninga eftir.

Fjórir buðu í friðað hús

Erlendir aðilar með veð í stórum hluta kvótans

Það var athyglisvert viðtal í Kastljósi í gær, þar sem rætt var við Guðmund Kristjánsson, forstjóra Brims hf.  En í lok árs 2008 gerðu eigendur Brims tilraun til að færa eignarhald á þremur togurum Brims í nýtt félag.  Söluverð hvers skips var undarlega lágt miðað við allan þann kvóta sem þessi skip hafa.  Þetta útskýrði Guðmundur með því að aðeins væri um að ræða skipin sjálf en ekki kvótann.  Síðar í viðtalinu sagði Guðmundur þó að alltaf væru fiskiskip seld sér en bætti síðan við að kvótinn fylgdi að sjálfsögðu hverju skipi en væri ekki verðlagður sér.  Þessi gjörningur var háður samþykki veðhafa eins og alltaf er við sölu skipa og kaupandi á að yfirtaka einhver lán.  Þessi lán höfðu verið tekin hjá Glitnir og þegar leitað var eftir samþykki þeirra, kom í ljós að Glitnir átti ekki lengur þessi skuldabréf.  Þau höfðu ásamt mörgum öðrum verið seld til Seðlabanka Evrópu.  þar með féll niður þessi áform um að selja skipin og eru nú í eigu Brims hf.  Það munu fleiri stór fyrirtæki í sjávarútvegi vera í sömu sporum og Brim hf.  Nú hefur Seðlabanki Evrópu í hendi sér hvað verður um þessi skuldabréf.  Bankinn gæti hugsanlega selt þau öðrum eða gengið að veðinu og hirt þessa togara og miðað við orð Guðmundar fylgir aflakvóti alltaf hverju skipi.  Það eru að vísu í lögum á Íslandi að erlendir aðilar geti ekki átt aflakvóta hér við land.  En spurningin er hvort þau lög haldi, ef Seðlabanki Evrópu verður orðin stærsti kvótaeigandi á Íslandi, því eins og áður sagði eru mörg stór fyrirtæki í sjávarútvegi búinn að missa sínar skuldir til erlendra aðila.  Aðeins einu sjávarútvegsfyrirtæki hefur tekist að færa eignir úr gjaldþrota fyrirtæki yfir í nýtt.  En það gerðu eigendur fyrirtækisins Soffanías Cesilsson hf. í Grundarfirði.  Þar var stofnað nýtt félag sem eignaðist öll fiskiskipin og allar aflaheimildir en skuldirnar ásamt einum hluthafa var skilið eftir í gamla fyrirtækinu og þetta var gert með samþykki viðskiptabanka þessa félags.  En það mál er nú fyrir dómstólum og óvíst hvernig það fer að lokum.  Það verður því ekki svokölluð fyrningarleið, sem mun færa allar veiðiheimildir á Íslandsmiðum í hendur réttra eigenda.  Heldur mun Seðlabanki Evrópu sjá til þess.

Það eru komnir alvarlegir brestir í núverandi kerfi og LÍÚ þegir, sem aldrei fyrr.

Margir um spillinguna

Félag í eigu Bjarna Ármannssonar lýsir tæplega 130 milljóna króna kröfu í þrotabú Glitnis. Þetta kemur fram í kröfuskrá bankans sem Morgunblaðið hefur undir höndum.

Það munað ekki um það aðeins 130 milljónir frá einum þingmanni.  Bjarni Benediktsson mun vera flæktur í mikið fjármálahneyksli í Dhabai, Þorgerður Katrín Gunnarsdóttir og hennar maður voru svo heppinn að fá allar sínar skuldir vegna hlutabréfakaupa, felld niður og rétt sluppu fyrir horn, en aumingja Bjarni Benediktsson situr í súpunni og þykist ekkert vita og er hissa á að hans nafn skuli dregið inn í þessa umræðu um hneykslið í Dahbai, þótt til séu skjöl með hans undirskrift sem sýna að hann tók fullan þátt í þessari tilraun til að verða ríkur.  En því miður fór þetta allt til fjandans og ágóðinn varð enginn. 

Sjálfstæðisflokkurinn logar stafa á milli af spillingu og óheiðarleika.

Bjarni vill 130 milljónir

Spakmæli dagsins

Þessu Icesave-máli var stolið frá,

Sjálfstæðisflokknum, Þetta er okkar,

eign og engra annarra.

(Bjarni Benediktsson)

Í haldi í Rússlandi

Færeyska togaranum Skálabergi hefur verið haldið í Múrmansk í tæpar þrjár vikur vegna meintra ólöglegra veiða í Barentshafi en ekki er enn ljóst hvenær rússneskur dómstóll tekur málið fyrir.

Það er ekkert grín að lenda í rússnesku strandgæslunni og löng bið getur orðið þar til rússneskur dómstóll tekur málið fyrir. 

Þessi togari á sennilega eftir að liggja í Múrmansk lengi.

Togara haldið í Múrmansk