Innistæður

Ríkisstjórnin lýsir því yfir að yfirlýsing frá 3. febrúar sl. um að allar innstæður í innlendum bönkum og sparisjóðum og útibúum þeirra hér á landi séu tryggðar, er enn í fullu gildi.

Hvaða þörf er á þessari yfirlýsingu

Innistæður tryggðar

Íslenskt ál

Aðeins má nota ál frá Íslandi í framkvæmdum, sem standa yfir í borgarhverfinu Masdar í Abu Dhabi í Sameinuðu arabísku furstadæmunum. Ástæðan er sú, að íslenska álið framleitt með raforku úr endurnýjanlegum orkugjöfum en Masdar á að verða algerlega umhverfisvæn og laus við losun gróðurhúsalofttegunda.

Þetta er rothögg á þá sem eru að berjast á móti álverum á Íslandi.  En sennilegasta skýringin er þó samt sú að fáar þjóðir vilja selja þessu ríki eitt né neitt, vegna þess að þetta Masdar-ævintýri er gjaldþrota og því mun álið sem fer frá Íslandi þangað aldrei verða greitt.

Aðeins ál frá Íslandi í Masdar

Nýr framkvæmdastjóri

Borgarahreyfingin hefur ráðið Tryggva Haraldsson, 28 ára stjórnmálafræðing sem framkvæmdastjóra. Tryggvi verður þar með fyrsti formlegi starfsmaður Borgarahreyfingarinnar. Borgarahreyfingin fékk fjóra menn kjörna á þing í síðustu alþingiskosningum en þeir hafa allir yfirgefið Borgarahreyfinguna. Þrír þeirra eru nú þingmenn Hreyfingarinnar en einn er utan flokka.

Þetta virðist vera eftirsótt starf, þar sem umsækjendur voru 9, en verst er þó að allir þeir 4 þingmenn, sem Borgarahreyfingarinnar, hafa yfirgefið flokkinn. 3 eru í Hreyfingunni og einn er utan flokka.  Þetta mun þýða það að þótt Borgarahreyfingin bjóði fram aftur mun fólk ekki treysta því að ef flokkurinn nær manni á þing, hvort hann muni starfa þar fyrir þá sem kjósa þessa Borgarahreyfingu.

Ráðinn framkvæmdastjóri Borgarahreyfingarinnar

Icesave

Forystumenn stjórnarflokkanna telja að það eigi ekki að þurfa að taka langan tíma að ljúka umræðu í fjárlaganefnd um Icesave-málið. Nefndin hefur nú fengið málið aftur til skoðunar.

Þetta er óshyggja, því auðvitað mun fjárlaganefnd kalla á sinn fund alla þá sérfræðinga og álitsgjafa, sem komu fyrir nefndina eftir fyrstu umræðu og hlusta á sömu upplýsingarnar aftur og aftur. Því þessir sem áður voru kallaðir fyrir fjárlaganefnd, munu ekki hafa neitt nýtt að segja.  Síðan verður málið afgreitt í ágreiningi frá nefndinni.  Þá fyrst hefst þriðja umræðan á Alþingi og þar sem 106 ræður voru fluttar við aðra umræðu verður að toppa það með enn fleiri ræðum svona 300-400 ræður um ekki neitt, sem máli skiptir.  Þá verður komið vor og þingmenn fara í sumarfrí.  Þannig að þessu máli lýkur í fyrsta lagi 2010.

Engin lokadagsetning í Icesave-málinu

Norræna

Ferjan Norræna, sem siglir reglulega milli Færeyja, Íslands og Danmerkur, hefur nú fengið nýtt hlutverk um tíma en hún er notuð sem hótelskip í Kaupmannahöfn þar sem umhverfisráðstefna Sameinuðu þjóðanna stendur yfir.

Auðvitað eru öll hótel í Kaupmannahöfn yfirfull á meðan þessi ráðstefna stendur yfir og þá kemur Norræna sér vel.  Það er einn smá galli á þessari ráðstefnu, en hann er sá að þessi ráðstefna mun engu skila, nema nokkur þúsund tonnum af pappír, sem aldrei verða skoðaðir frekar.

Norræna notuð sem hótelskip

Öryrkjar

Á síðustu 10 árum hefur einstaklingum sem ekki taka þátt á vinnumarkaði vegna skertrar starfsgetu fjölgað mikið. Fjöldi örorkulífeyrisþega er um 15.000 og hefur fjölgað um ríflega 6.000 manns á síðustu 10 árum. Kostnaður samfélagsins vegna þessa nemur tugum milljarða króna á ári.

Þetta er auðvitað alltof mikið og nú verður með öllum ráðum að fækka öryrkjum.  Það mætti spara mikla peninga ef öryrkjar fengjust til að hætta að vera öryrkjar og yrðu heilbrigðir á ný. Ef skipulega yrðu skotnir 1500 öryrkjar á ári tæki það ekki nema 10 ár að útrýma þessu vandamáli.  Eina hættan við slíka aðgerð er sú að þeir sem væru í aftökusveitunum yrðu svo taugaveiklaðir að þeir yrðu öryrkjar.  Það væri líka hægt að einkavæða örorkuna og þá gæti hver öryrki selt sína örorku og fengið í staðinn heilbrigt líf.

Um 15 þúsund öryrkjar

Heyrnalausi þingmaðurinn

Alltaf setur að mér hroll þegar Vigdís Hauksdóttir, þingmaður Framsóknar tekur til máls á Alþingi, bæði er hún mjög skrækróm og hefur vanið sig á að næstum hrópa úr ræðustólnum, eins og hún telji að allir viðstaddir séu heyrnarskertir.  Ég hef ekki hugmynd um hvort þingmaðurinn er heyrnaskertur en þessi skerandi öskur úr ræðustól Alþingis fá hárin til að rísa á flestum sem á eru að hlusta.  Þessu til viðbótar hefur þessi þingmaður aldrei neitt til málanna að leggja, sem vit er í.

Alþingi

Það var fróðlegt að fylgjast með atkvæðagreiðslunni á Alþingi í gær, sem lauk með því að Ivesave-frumvarpið var samþykkt til fjárlaganefndar og þriðju umræðu, með 32 atkvæðum gegn 29.   Margir þingmenn gátu ekki stillt sig um að taka til máls og gera grein fyrir atkvæði sínu og bæta aðeins meira við athugasemdum um þetta frumvarp.  Meira að segja Ögmundur Jónasson, tók til máls og sagðist greiða atkvæði gegn málsmeðferð þessa frumvarps og greiddi atkvæði gegn frumvarpinu.  En sat ekki þessi sami Ögmundur í þeirri ríkisstjórn, sem undirbjó þetta frumvarp.  Lilja Mósesdóttir, sagði að í sumar hefði skuldir þjóðarinnar verið áætlaðar 250% ef væru nú orðnar yfir 360% og greiddi síðan atkvæði gegn frumvarpinu.  En Lilja gleymdi að segja frá því af hvaða upphæð þessar prósentur eru reiknaðar.  Er þetta hlutfall af landsframleiðslu? eða af skuldum Færeyinga?  Hvaða hlutfall er Lilja að tala um?  Það veit enginn eftir þessar upplýsingar Lilju.  Ásmundur Einar Daðason, gerði einnig grein fyrir sínu atkvæði, sem var svona;

"Ég er á móti þessu frumvarpi en núna ætla ég að greiða því mitt atkvæði."

Björn Valur Gíslason benti réttilega á hverjir bæru ábyrgð á að þetta vandræðamál væri komið til, en Sjálfstæðisflokkurinn ber þar auðvitað alla ábyrgð.

Haustið 2008 lagði Ríkisstjórn Geirs H. Haarde fram á Alþingi tillögu um að ríkisstjórnin fengi umboð til að semja við Breta og Hollendinga um Icesave-skuldina.  Dómstólaleiðin væri talin ófær og þessi tillaga var samþykkt og samninganefnd skipuð og sú nefnd kom heim með' samning um að Bretar og Hollendingar lánuðu Íslandi til að greiða þessa skuld.  Sá lánasamningur var til 12 ára með 6,5% föstum vöxtum og afborgunarlaus í þrjú ár.  Þar með var lögð sú lína að semja, frekar en fara með málið fyrir dómstóla.Nú þykjast Sjálfstæðismenn hvergi hafa komið nærri og núverandi samningur, sem er með 5,5% vöxtum og afborgunarlaus í sjö ár sé einn versti milliríkjasamningur, sem Ísland hafi gert og ekkert þýði að vísa til þess sem Alþingi samþykkti haustið 2008.  Meira að segja þeir ráðherrar sem sátu í ríkisstjórn haustið 2008 sverja allt af sér. 

Eins og Ólína Þorvarðardóttir benti réttilega á er Icesave ekki orsök kreppunnar, heldur afleiðing, sem verður að glíma við.  Þetta er bein afleiðin af græðgisvæðinu Sjálfstæðisflokksins undanfarin 18 ár.  Bankar voru gefnir, óveiddur fiskur í sjónum varð að verslunarvöru og allt var gefið frjálst og frjálshyggjan blómstraði sem aldrei fyrr.  En það gleymdist að efla þær eftirlitstofnanir, sem áttu að hafa eftirlit með því að ekkert færi úr böndunum.  Ef einhver benti á að of geyst væri farið var viðkomandi úthrópaður vitleysingur.  Ísland ætlaði að gleypa heiminn.  Þegar erlendur sérfræðingur benti Íslendingum á að allt væri komið út á ystu nöf og ætti ekkert eftir nema að springa framan í ríkistjórnina, þá sagði Þorgerður Katrín Gunnarsdóttir varaformaður Sjálfstæðisflokksins þessi fleygu orð;

"Ég held að þessi maður ætti að leita sér endurmenntunar, því ljóst er að hann hefur ekki hundsvit á töframætti Íslendinga."

Það er því Sjálfstæðisflokkurinn, sem ber alla ábyrgð á Ivesave-málinu, en er nú að reyna að flýja frá því eins og hundur frá eigin spýju.

Spakmæli dagsins

Glötuð er,

greidd skuld.

(Fjárlaganefnd)

Loksins, loksins

Það hlaut að koma að því að eitthvað vitrænt kæmi út úr öllum þessum ræðum um Icesave á Alþingi og það skeði í gær.  En þá upplýsti Ragnheiður Elín Árnadóttir að hún hefði unnið innan Stjórnaráðs Íslands.  En aðspurð sagðist hún ekki hafa hugmynd um hvað þar færi fram og enn síður vissi hún neitt hvað hún var að gera þarna.  Eftir að þessi orð féllu tók umræðan á sig aðra mynd og nú skildu allir um hvað Icesave-frumvarpið er.

Gott hjá Þér Ragnheiður.