Fjárfestingasjóðir

Útgreiðsluhlutfall úr verðbréfa- og fjárfestingasjóðum Glitnis, Landsbanka og Kaupþings verður á bilinu 65 til 84 prósent, samkvæmt gögnum sem Morgunblaðið hefur undir höndum. Í gögnunum, sem voru tekin saman fyrir viðskiptaráðuneytið, Fjármálaeftirlitið (FME) og skilanefndir yfirtekinna banka, var staða sjóða Landsbankans föstudaginn 3. október þannig að ekkert laust fé var í þeim.

Gátu nú ekki okkar fjármálasnillingar ávaxtað þessa sjóði á réttan hátt, heldur tapað hluta þeirra líka.  Voru eintómir vitleysingar sem stjórnuðu þessum bönkum og var ekkert eftirlit haft með þessum mönnum.  Launakerfi bankanna var ein vitlaust og hægt var að hafa það.  Launin voru árangurstengd, þannig að eftir því sem hver starfsmaður gat platað fleiri til að leggja fé í þessa sjóði, þeim mun meira hækkuðu launin og svo hækkuðu þau aftur þegar starfsmaður nýtti þessa sjóði til að fjárfesta í einhverri andskotans vitleysu.

Sem sagt vitleysingar stjórnuðu vitleysingum og eftir hverja vitleysu sem var gerð hækkuðu launin.  Þannig að hver vitleysan rak aðra áfram og launin hækkuðu og hækkuðu, síðan varð mest hækkun hjá þeim sem voru á toppunum og vitlausastir allra.  Þeir fengu bónusa og kaupréttarsamninga og tugi milljóna í mánaðarlaun.  Hvað með heilbrigða skynsemi?  Var hún ekki til í þessum bönkum?

Hluti af innistæðum í sjóðum endurgreiddur

Veður

Veðurstofan spáir vestan 5-10 m/s og stöku skúrum eða slydduéli sunnanlands, en norðan 10-15 og slyddu eða snjókomu norðantil. Búist er við stormi suðaustanlands seint á morgun.

Svo furðulegt sem það er að á hverju hausti verð allir steinhissa á að veðrið sé ekki eins og það var í sumar.  Og enn meiri undrun verður þegar veturinn skellur á.  Þjóð sem búin er að búa á þessu landi í rúm 1.000 ár virðist ekki enn skilja að veðrið breytist eftir árstíðum.

Skúrir og slydduél sunnanlands

Hvert er gengi íslensku krónunnar

Nú er ástandið orðið þannig að enginn veit hver er gengi íslensku krónunnar.  Seðlabankinn veit það ekki og heldur nú dagleg uppboð á erlendri mynnt til að reyna að fá vitneskju um gengið.  Hið rétta er að gengi krónunnar er 0,00.  Mynnt sem enginn vill kaupa er verðlaus og þessi uppboð sýna aldrei rétt gengi.  Við eigum núna að semja við Noreg um að taka upp norska krónur og líka að fá að vera fylki í Noregi.  En smákóngaveldið samþykkir það aldrei og því mun leitin að gengi íslensku krónunnar halda áfram næstu ár, en það sem verra er að það mun aldrei finnast.

Kapítalisminn ekki dauður ennþá

Það hefur farið frekar lítið fyrir Hannesi Hólmsteini Gissurarsyni undanfarið, meðan kapítalisminn og frjálshyggjan hafa verið að hrynja um allan heim.  En í Morgunblaðinu í dag eir kappinn með grein um ástandið.  Hann segir að kapítalisminn og frjálshyggjan sé enn í fullu gildi, það hafi bara komið smá skekkja, sem ríkisstjórnir í hverju landi hafi auðvitað þurft að leiðrétta.  Svo sé það þessir vitleysingar í Bandaríkjunum, sem gátu ekki greitt af húsnæðislánunum sínum enda hefðu þeir aldrei átt að fá lán.  Þetta séu blökkumenn og letingjar og kommúnistinn Clinton hafi ákveðið að allir ættu að vera jafnir til að fá húsnæðislán.  En þetta muni allt lagast af sjálfu sér, hinn frjálsi markaður sjái til þess.  Þá fari kapítalisminn og frjálshyggjan á flug aftur.  Núverandi ástand sé bara tímabundin svo komi góðærið á ný.  Ísland þurfi engu að kvíða á meðan hinn mikli leiðtogi Davíð Oddsson sé í Seðlabankanum.  Mikill spekingur er Hannes Hólmsteinn, það virðist alveg hafa farið framhjá honum að nánast allt íslenska bankakerfið er orðið ríkisvætt að frumkvæði Davíðs Oddssonar.

Milljarðar gufa upp

Milljarðamæringurinn Alan Sugar er einn þeirra mörgu sem hafa orðið fyrir barðinu á íslensku bankakreppunni í Bretlandi. Í gær kom í ljós að millifærsla Sugar vegna kaupa hans á hlut í bresku verslunarkeðjunni Woolworths hafði gufað upp. Samkvæmt frétt Independent hefur þetta vakið grunsemdir um að dótturfélag Kaupþings, Singer & Friedlander, gæti ekki afhent Sugar bréfin sem hann reyndi að kaupa í síðustu viku. Um 3,88% hlut er að ræða.

Peningarnir eru ekki gufaðir upp heldur sitja þeir fastir í dótturfélagi Kaupþings í Bretlandi, en þar eru allar eignir kyrrsettar.

Millifærslur milljarðamærings gufa upp

ESB

Sjötíu prósent kjósenda vilja að efnt verði til þjóðaratkvæðagreiðslu um aðildarviðræður um inngöngu í Evrópusambandið, samkvæmt nýrri skoðanakönnun Capacent. Meirihluti innan allra flokka er því hlynntur. Um helmingur er hlynntur aðild.

Auðvitað á að kjós um þetta mál og í framhaldi sækja um aðild að ESB, sem gefur okkur mikla möguleika.  ESB fær ekki yfirráð yfir okkar fiskimiðum þótt við verðum þar meðlimir, vegna þess að sú regla er í gildi hjá ESB að veiðihefð á ákveðnum fiskimiðum er látinn ráða og engir hafa sterkari hefð til veiða á Islandsmiðum en íslendingar.  Við fengjum líka aðgang að öðrum fiskimiðum sem við höfum ekki í dag.  Svo má líka benda á að ESB rekur mjög öfluga byggðastefnu sem kæmi landsbyggðinni til góða í því hörmungarástandi sem þar er vegna núverandi kvótakerfis.

70% vilja þjóðaratkvæðagreiðslu um ESB

Ofurlaun

Nú eru bankastjórar ekki lengur á ofurlaunum, en samt eru þau ekki horfinn að fullu.  Heldur hafa þau færst til og í dag er tekjuhæsti embættismaður þjóðarinnar Davíð Oddsson með 1.8 milljónir á mánuði.  Sami maðurinn og mest talaði um ofurlaun hjá viðskiptabönkunum.  En af því þetta er Davíð þá er allt í lagi.  Maðurinn sem sinnti ekki sínu starfi sem skildi og til stendur að reka fyrir vanrækslu.

Öryggisráðið

Nú liggur fyrir að Ísland komst ekki í Öryggisráð Sameinuðu Þjóðanna og er það gott.  Því þangað áttum við ekkert erindi.  Kostnaður við þetta framboð er um 300 til 400 milljónir og hver ætlar að borga það.  Mín tillaga er að þessi upphæð verði dregin af launum ráðherranna á næstu mánuðum.  Það á ekki að líða það að skattborgarar verði látnir greiða fyrir þessa vitleysu.  Þeir sem stofnuðu til þessara útgjalda að ástæðulausu eiga að greiða þetta.  Það vantar ekki afsakanir fyrir því hvernig fór.  Margar þjóðir sem varsagt að styddu okkar framboð greiddu okkur ekki atkvæði og ástæðan er sögð vera sú að svo mikil neikvæð umræða hefði verið um Ísland undanfarið, en samt hefur hver ráðherrann eftir annan sagt að sú umræða hefði enginn áhrif á okkar framboð.  Og til að toppa alla vitleysuna er nú sagt að Ísland standi nú sterkara á eftir þessa atkvæðagreiðslu.  Ef það er rétt vorum við þá að fara í þetta framboð til að verða veikari ef við hefðum fengið þarna sæti?  Hver skilur þessa andskotans vitleysu.

Peningasjóðir

„Það er búið að þurrausa sjóðinn,“ segir Ómar Sigurðsson um peningamarkaðssjóði Landsbankans og gagnrýnir svör Stefáns Héðins Stefánssonar hjá Landsbankanum í viðtali við Morgunblaðið í gær.

Auðvitað er búið að klára þennan sjóð eins og alla aðra.  Stjórnvöld hafa algerlega sofið á verðinum hvað varðar fjármagnsflutninga úr landinu.  Eftir bankahrunið hafa útrásarvíkingarnir flutt milljarða til annarra landa og enginn hefur reynt að hindra það.

„Það er búið að þurrausa sjóðinn“

Dóp-verksmiðjan

Illa finnst mér farið með þá menn sem stóðu að dóp-verksmiðjunni í Hafnarfirði.  Þetta var mjög fullkomin verksmiðja og engu til sparað við gerð hennar og erlendi lögreglumaðurinn sem hingað kom hafði aldrei séð eins vel gerða og fullkomna verksmiðju og greinilegt að þarna voru snillingar á ferð.  Það var metið að þessi verksmiðja gæti framleitt dóp fyrir um 6 milljarða á mánuði og megnið af framleiðslunni átti að fara á erlendan markað.  Var ekki Geir H. Haarde að hvetja landsmenn til að auka framleiðslu og skapa gjaldeyristekjur.  Það var einmitt þetta sem þessir menn voru að gera, en í stað þess að hvetja þá áfram og byggja stærri verksmiðju er öllu lokað og verksmiðjan rifin niður.  Ef mönnunum hefði verið gert kleyft að stækka verksmiðjuna hefði getað komið gjaldeyristekjur fyrir 1-2 milljarða á ári og ekki veitir nú af í öllum okkar vandræðum.  Þetta var einfaldlega nýsköpunarverefni sem átti að styðja eða má ekkert framleiða hér á landi nema ál.  Það kann að vera að þessi starfsemi hafi eitthvað stangast á við lög.  En var þá ekki hægt að breyta þeim lögum.  Það þýðir lítið að hvetja menn til að framleiða vörur til útflutnings og siga síðan lögreglunni á þá sem reyna að gera sitt besta til að þóknast stjórnvöldum.  Hvort sem mönnum líkar það vel eða illa þá er þessi vara mjög eftirsótt.  Miklu meira en ál og ekki skapar þetta mengun eða skaðar náttúruna.  Ef fara á svona með öll ný sprotafyrirtæki þá er ekki von á góðu.  Ég hefði talið að allt sem skapar gjaldeyrir væri af hinu góða.  Hvað kemur okkur við þótt fólk erlendis sé að nota dóp.  Okkur kemur það akkúrat ekkert við.  En efnilegt fyrirtæki sem hefði skapað mikinn gjaldeyrir er bara lokað og rifin niður.  Þetta er ljóta andskotans vitleysan og öllum til skammar sem að komu til að stöðva þetta ágæta fyrirtæki.  Dóp er bara eins og hver önnur verslunarvara og keypt af þeim sem vilja nota hana.  Það vantar öll rök fyrir þessum aðgerðum lögreglunnar.  Ég t.d. nota ekki ál og á ég þá heimtingu á að öllum álverksmiðjum verði lokað og síðan rifnar?