Verðbólga

Glitnir hefur nú sent út endurskoðaða verðbólguspá. Fyrri spá gerði ráð fyrir 1,6% hækkun vísitölu neysluverðs (VNV) í júlí en ný spá hljóðar upp á 1,1% hækkun VNV sem þýðir 13,7 ársverðbólgu.

Þá fá allir hagfræðingarnir hans Geirs H. Haarde smá verkefni við að finna út hvernig hagfræðingar Glitnis fundu þetta út og fatta að lokum að tala Glitnis er rétt.

Endurskoðuð verðbólguspá Glitnis

Hagfræðingar

Hvað eiga allir þessir hagfræðingar að gera sem nú er verið að hrúga á ríkisjötuna eru okkar efahagsmál orðin svo flókin að ríkisstjórnin skilur þau ekki.

Geir H. Haarde, forsætisráðherra er hagfræðingur að mennt.  Bolli Þór Bollason ráðuneytisstjóri hjá Geir er hagfræðingur að mennt.  Nýleg var forstjóri Icebank sem er hagfræðingur ráðinn sem ráðgjafi og nú síðast var Tryggvi Þór Herbertsson hagfræðingur ráðinn sem ráðgjafi.  Undir forsætisráðherra heyra Seðlabankinn og þar vinna 40 hagfræðingar og Hagstofa Íslands með 10-20 hagfræðinga.  Í fjármálaráðuneytinu eru um 20 hagfræðingar  Þetta gerir í allt milli 70 og 80 hagfræðingar sem eru að vinna við efnahagsmálin sem aldrei hafa verið í eins miklu rugli og nú.  Þessu til viðbótar eru svo bankarnir með sínar greiningadeildir og þar eru nokkrir tugir hagfræðingar.  Þegar á heildina litið má ætla að það séu á annað hundrað hagfræðingar að skoða efnahagsástandið og gefa álit út og suður.  Ég hefði nú talið að það væri ekki góð leið til að leysa vandamál að þeir sem kæmu að slíku verkefni hefðu allir sömu menntun og sama bakgrunn og litu allir eins á málin og fyndu allir sömu lausn  Þessu til viðbótar er sumum í stjórnarliðinu farið að detta í hug að endurreisa Þjóðhagsstofnun og þar þarf að ráða slatta af hagfræðingum.  Það hefur verið mikið gert úr ráðningu Tryggva Þórs Herbertssonar og margir verið hissa á að hann skildi hætta tímabundið hjá Askar Capital þar sem hann var bankastjóri og væri að færa miklar fórnir fyrir íslenskt þjóðfélag.  Ég heyrði á útvarpi Sögu í morgun að til hefði staðið að segja honum upp störfum hjá Askar Capital a.m.a. tímabundið á meðan skoðuð eru margar ákvarðanir sem hann tók þar.  En Askur Capital mun vera eina íslenska fjármálafyrirtækið á Íslandi sem tók mikla áhættu í sambandi við kaup á hinum bandarísku húsnæðislánabréfum sem eru verðlítil eða jafnvel verðlaus í dag.  Það hefði verið nær hjá Geir að ráða þá hagfræðinga sem verið hafa með gagnrýni á efnahagsstjórina t.d. Guðmund Ólafsson ofl. í stað þess að ráða eingöngu Já-menn, þar verður árangurinn enginn.  Þetta er örvænting hjá Geir og stór spurning hvort hann veldur því verkefni sem hann tók að sér.  Það er síðan ekki til að hjálpa Geir að vera með aftursætisbílstjóra sem er Davíð Oddsson og er að hræra í öllu hjá Sjálfstæðisflokknum.  Það réttasta sem Geir gerði í stöðunni núna væri að slíta stjórnarsamstarfinu og boða til kosninga og fá nýtt fólk til að taka við.  Eins og ástandið er núna stefnir í fjöldagjaldþrot bæði einstaklinga og fyrirtækja með bullandi atvinnuleysi í haust eða byrjun næsta árs.  Því bjarga ekki allir þessir hagfræðingar sama hvað þeir reyna og eftir því sem þeim fjölgar á stjórnarheimilinu þeim mun verra verður ástandið.  Þetta er orðið eitt allsherjar hagfræðingahæli hjá Geir Hilmari Haarde.

Viltir ferðamenn

Sænsk hjón, sem ætluðu á ráðstefnu á Íslandi, urðu frekar hissa þegar þau voru send í vegabréfaskoðun á Gardemoenflugvelli í Ósló þaðan sem þau ætluðu að fljúga til Íslands. Í ljós kom að þau höfðu bókað flug til Rijeka í Króatíu og þangað fóru þau.

Eitthvað hafa þessi blessuð hjón verið utan við sig þegar þau bókuðu flugið, en kannski er ekkert verra að fara til Króatíu en Íslands.

Ætluðu til Reykjavíkur - lentu í Rijeka

Jólasveinar

Jólin koma tvisvar á ári í Kaupmannahöfn en í dag hófst árleg ráðstefna jólasveina í skemmtigarðinum Dyrehavsbakken norður af Kaupmannahöfn. Þessi ráðstefna hefur verið haldin árlega í rúma hálfa öld og í ár koma 136 jólasveinar þar saman, flestir frá Norðurlöndunum en sumir eru komnir lengra að.

Hvaða alþingismenn og ráðherrar ætli mæti á þessa ráðstefnu í Kaupmannahöfn fyrir Íslands hönd.

Jólasveinar á sumri

Bensínverð

Olíufélögin hækkuðu öll eldsneytisverð um helgina. Hjá stóru olíufélögunum þremur hækkaði lítraverð um 3 krónur. Er algengt verð á bensínlítra nú 173,60 krónur í sjálfsafgreiðslu og verð á dísilolíu er 191,60 krónur.

Það hlaut að koma að því og að lækkanirnar undanfarið stæðu ekki lengi og yrðu teknar fljótt til baka og meira en það.

Eldsneytisverð hækkaði um helgina

Hass

Lögreglan í Marokkó lagði hald á yfir 10 tonn af hassi í kjölfar áhlaups sem fíkniefnalögreglumenn gerðu við strandlengjuna á norðurhluta landsins.

Það munaði ekki um það bara 10 tonn takk.  Svo þótti mikið þegar einhver 70 ár Hollendingur var tekinn í Leifsstöð með nokkur hundruð kíló af hassi.

Lögðu hald á rúm 10 tonn af hassi

Bubbi

  Fylgdarlið Bjarkar Guðmundsdóttur skýtur föstum skotum að Bubba Morthens á bloggi sínu.

Ég las þetta viðtal við Bubba og skil ekki öll þessi læti.  Hann var ekkert að tala um að hann væri fátækur heldur sagðist hann vera ágætlega settur þótt hann hefði tapað á hlutabréfum.  Hins vegar var hann að benda á hve víða á Íslandi er mikil fátækt og því þyrfti að breyta og taldi að það ætti að hafa forgang fram yfir náttúruvernd.  Enda alveg rökrétt því hvers virði er ósnortin náttúra ef margir geta ekki notið hennar sökum fátæktar.   Bubbi var á engan hátt að gera lítið úr þessum tónleikum, heldur sagði aðeins að hann vildi frekar sjá fólk berjast gegn fátækt en náttúruvernd það væri mikilvægara.

Nú stendur til að byggja álver á Bakka við Húsavík og hvort heldur nú fólk að atvinnulaus maður á Húsavík kjósi heldur að fá vinnu í álveri eða sitja heima á atvinnuleysisbótum og berjast við fátækt, þótt hann gæti hlustað á tónlist þessa fólks heima hjá sér.  Þótt Bubbi hafi ekki sagt það , þá ætla ég að segja það um Björk og SigurRós að ég get ekki kallað þetta tónlist sem þetta fólk er að flytja bara öskur og vein út í loftið.  Bubbi er aftur á móti tónlistarmaður af lífi og sál.

Bubbi liggur undir ámælum