Arður

Hagnaður Alfesca á síðasta rekstrarári, sem endaði í lok júní, jókst um 28%. Nam hagnaðurinn 28,6 milljónum evra samanborið við 22,4 milljónir evra árið á undan. Jafngildir það um 3,5 milljörðum króna. Salan jókst um 9% á rekstrarárinu og nettóskuldir minnkuðu um 25 milljónir evra.

Það væri gott að eiga hlutabréf í þessu félagi það er greinilega á góðri siglingu og með hlutina í lagi.

MvCain

Flokksþing repúblikana er nú hafið í Bandaríkjunum. McCain var kynntur á sviðið af öðrum repúblikönum, og einum demókrata, sem maður sem færi sínar eigin leiðir í stjórnmálum.

Nú hvaða leiðir átti maðurinn að fara, fara ekki allir eigin leiðir ef vel er að gáð.

Fer sínar eigin leiðir

Obama

Fred Thompson, fyrrverandi öldungadeildarþingmaður fyrir Tennessee og leikari, hélt ræðu á flokksþingi Repúblikanaflokksins í gærkvöldi.

Má ekki vera frjálslyndur í Bandaríkjunum, en það var eitt af þeim atriðum sem þessi maður var að gagnrýna Obama fyrir.

Obama gagnrýndur fyrir frjálslyndi

Leir

„Ég var í Kína og við vorum að skoða þar fleiri þúsund ára gamlar fornminjar. Þá fóru þeir að segja við mig félagarnir sem voru með mér að þetta væru nú heldur merkilegri fornleifar en þetta sem væri verið að grafa upp úti á Gásum, þar fyndust bara bein úr rollum og hundum. Ég sagði að það væri nú hægt að laga það eitthvað,“ segir Gylfi Traustason.

Bera þessir menn eind og Gylfi Traustason, enga virðingu fyrir öllu því fólki sem vinnur við fornleyfagröft.  Mér finnst ekkert sniðugt að læða kínverskum styttum frá því 200 f. Krist í fornleifar að Gásum og rugla þar með allt starfið.

Læddi leirher í fornleifaskurð

Sprengingar

Lögregla og slökkvilið höfuðborgarsvæðisins voru kölluð til um hálftíu í gærkvöldi vegna tilkynningar um mikla sprengingu, svartan reyk og eldglæringar við Úlfarsfell. Er komið var á staðinn reyndust starfsmenn Borgarvirkis hafa verið að sprengja fyrir grunni við Bauhaus.

Það er því óhætt að segja að hinn nýi risi á byggingarvörumarkaðnum byrji með hvelli.  Annars hefur heyrst að eigendur Húsasmiðjunnar hafi boðið Bauhaus sínar verslanir til kaups en því hafi verið hafnað að þessum þýska risa, sem mun koma til með að slátra bæði Húsasmiðjunni , BYKO. ofl. á þessum markaði.

Mikill hvellur vegna sprengingar

Nýr sparisjóðsstjóri

Gísli Kjartansson, sparisjóðsstjóri Sparisjóðs Mýrasýslu, hefur óskað eftir að láta af störfum. Þá hefur stjórn SPM ráðið Bernhard Þór Bernhardsson í stöðu sparisjóðsstjóra frá og með morgundeginum. Þetta kemur fram í tilkynningu frá sparisjóðnum, sem fréttavefur Skessuhorns vitnar til.

Er þetta ekki vegna þess að Kaupþing er að yfirtaka rekstur þessa sparisjóðs og ráðbinginn bara sýndarmennska.

Sparisjóðsstjóraskipti í Sparisjóði Mýrasýslu

Norðurvíkingur

Heræfingin Norðurvíkingur sem hófst í fyrradag kostar íslenska skattgreiðendur fimmtíu milljónir. Á sama tíma og æfingin stendur yfir fer fram loftrýmiseftirlit bandaríska flughersins yfir landinu í nánu samstarfi við æfinguna.

Erum við ekki með samning við Bandaríkin um varnir landsins og eiga þeir ekki að greiða þessar 50 milljónir en ekki íslenskir skattgreiðendur?

Norðurvíkingur kostar 100 milljónir

Frysting lána

Fimmtíu umsóknir hafa borist Íbúðalánasjóði um frystingu lána síðan byrjað var að bjóða upp á þann kost um miðjan ágústmánuð. Þá var tekin sú ákvörðun að heimila þeim sem eiga tvær húseignir, en hafa ekki getað selt aðra þeirra, að fresta afborgunum af lánum af annarri eða báðum eignunum.

Þetta er auðskilið flestir eiga nú nóg með að borga af einni íbúð hvað þá tveimur.  Þetta er mun betri kostur fyrir Íbúðalánasjóð, heldur en eignast nokkur hundruð íbúðir á nauðungaruppboði, ef ekki nokkur þúsund íbúðir.

Mikill áhugi á frystingu lána

Akranes

Samgöngumálaráðuneytið hefur sent Akraneskaupstað erindi þar sem beðið er um umsögn bæjarins vegna stjórnsýslukæru á hendur bænum. Eyjólfur R. Stefánsson tölvurekstrarfræðingur kærði afgreiðslu tölvumála hjá bæjaryfirvöldum til samgönguráðuneytisins og fer hann fram á að kannað verði hvort jafnræðis hafi verið gætt við við val á aðilum sem sjá skuli um tölvuþjónustu við bæjarfélagið.

Þetta er allof algengt á landsbyggðinni að menn halda alltaf að grasið sé grænna hinum megin og í stað þess að efla atvinnurekstur í eigin bæjarfélagi.  Þá er margs konar rekstur smáfyrirtækja hrakinn í burtu.

Kæra á hendur Akranesbæ

Ekkert að á Íslandi

Alþingi var sett í gær og á víst að standa í tvær vikur, en þá verður gert hlé til 1. október og hefst þá nýtt þing.  Fyrsta málið á dagskrá var ræða Geirs H. Haarde, forsætisráherra um efnahagsmálin á Íslandi.  Geir var einnig í viðtali á Stöð2 og RÚV um þetta sama málefni.  Megin boðskapur í ræðu Geirs var að ná verðbólgunni niður, en hún mælist núna 14,5% og svo kallaði hann eftir nýrri þjóðarsátt um stöðugleika og við hinir óbreyttu íbúar eigum að taka á okkur kjaraskerðingu og vera sátt við hækkanir á eldsneyti, matvælum ofl.  Honum var einnig tíðrætt um að nýta okkar náttúruauðlindir og framleiða meira og meira til að rétta af viðskiptahallan.  Ríkisstjórnin er að auka gjaldeyrisforðann og taka 30 milljarða lán til þess.

Ég er sammála Geir í því að við eigum að framleiða meira og nýta okkar náttúruauðlindir, en það er ekki sama hvað er gert.  Ef við ætlum að auka raforkuframleiðslu og fá fleiri álver þá bjargar það ekki neinu.  Að vísu minnkar viðskipahallinn vegna aukins útflutnings á áli, en álframleiðslan skilur ekki nem um 20% af veltu eftir í landinu 80% fara erlendis.  En við eigum fleiri auðlindir en þær sem framleiða raforku.

Við eigum stóra auðlind sem er fiskurinn í sjónum og ef við færum nú með þorskkvótann í 250 þúsund tonn næstu þrjú árin og bönnuðum loðnu-síld- og kolmunaveiðar nema til manneldis, yrði það gífurleg innspýting í okkar hagkerfi.  Þegar álfyrirtækin skilja eftir í landinu 20% af veltu þá skilur sjávarútvegurinn eftir 80% af veltu.  Við værum ekki að taka neina áhættu þótt við færum með þorskkvótann í 250 þúsund tonn.  Því miðað við óbreytt ástand í efnahagsmálum verður Ísland gjaldþrota og til hver að vera að friða fisk fyrir aðrar þjóðir.  Með þessu yrði viðskiptahallinn fljótur að hverfa og lítil hætta á atvinnuleysi.

Í viðtalinu á RÚV sagði Geir að við ættum ekki að tala um kreppu, heldur væru þetta smá erfiðleikar og mikið af þeim myndi lagast af sjálfum sér og engin ástæða til að örvænta, verðbólgan sél of mikil og þegar honum var bent á að verðbólga á Íslandi vær hæst á Norðurlöndum, þá svaraði Geir því til að hún hefði hækkað líka á öðrum Norðurlöndum.  Hvað svo sem það eigi að bæta ástandið á Íslandi.

Ég man ekki hvor bræðranna Illugi eða Hrafn Jökulssynir, sem skrifaði grein í Fréttablaðið fyrir stuttu og sagði þar: "Fram til þessa hefur Geir H. Haarde ekki mátt sjá sandhrúgu án þess að stinga höfðinu í hana og nú er Ingibjörg Sólrún farin að gera það sama.".

.Það sjá það auðvitað allir að ríkisstjórn sem hefur ekki viðurkennt vandamálið er ófær um að leysa það, því verður að treysta á stjórnarandstöðuna.  Ráðherrarnir sitja bara rólegir í sínum stólum og bíða eftir að vandamálið leysist sjálft.