Á að drepa minkinn?

Miklu er kostað til að drepa minkinn hér á landi, því þetta telst vera skaðræðisskepna.  En er minkurinn svona slæmur?  Hann gerir þó ýmislegt gott sem lítið er talað um og þar á ég við að minkurinn heldur allri rottu í skefjum.  Á sínum tíma var á Bíldudal talsvert um rottur sem komu til af því að öllu sorpi var ekið á ákveðinn stað rétt fyrir utan þorpið og þar blómstraði rottan en svo fór að verða vart við mink á staðnum og ekki liðu margir mánuðir þar til rottan var horfinn með öllu,  Minkurinn hafði hreinlega útrýmt henni, mér finnst fátt viðbjóðslegra en rottur og þær sækja inn í hús sem minkurinn gerir ekki.  Nú er talsverður faraldur af rottum í Reykjavík vegna mikillrar úrkomu svo þær hafa sótt upp úr holræsum vegna vatnselgs.  Þessar rottur eiga síðan auðvelt að komast inn í hús og koma sér þar fyrir, það þarf ekki að fjalla mikið um alla smithættu og sjúkdóma sem þessi kvikindi geta borið með sér.  Þessar svokölluðu holræsarottur geta verið mjög stórar og grimmar, en þessum kvikindum slátrar minkurinn umsvifalaust.  Þá kýs ég nú heldur að mæta einum og einum mink, frekar en stórum ræsisrottum.