Dalvík

„Við erum mjög stolt af þessu. Mér heyrist á öllu að þetta sé mikilvægt forrit sem þarna er á ferðinni," segir Svanfríður Jónasdóttir, bæjarstjóri á Dalvík, en netrisinn Google hefur nefnt nýjan hugbúnað í höfuðið á Dalvík. Hugbúnaðurinn verður hluti af nýju stýrikerfi sem Google þróar fyrir næstu kynslóð farsíma. Hugbúnaðarverkfræðingurinn Dan Bornstein stendur fyrir nafngiftinni, en hann ku hafa mikið dálæti á Dalvík.

það er gott að einhver hefur svona mikinn áhuga á Dalvík enda er þetta fallegur staður, eina sem hefur skyggt á Dalvík er það að skrímslið Samherji er þarna með klærnar út um allt.

Dan hjá Google elskar Dalvík

Athugasemdir

[Ottó Freyr Ottósson 21.11.2007 kl. 08:18]

Þú átt ekkert að vera að hallmæla Samherja í þessu sambandi, það gerir bara fæsluna þína ómerkilegri fyrir vikið.  Ef ekki væri fyrir Samherja væri Dalvík ekki nálægt því eins lífvænlegur staður að búa á.  Þetta veit ég enda búið alla tíð á Dalvík og jafnframt verið hamingjusamur starfsmaður hjá Samherja frá því að ég byrjaði að vinna.

[Jakob Falur Kristinsson, 21.11.2007 kl. 09:45]

Er Samherji ekki búinn að hirða af ykkur öll skip og kvóta sem áður voru í eigu heimamanna.  Hver heldur þú að framtíð Dalvíkur verði ef Samherji tæki sig til og hætti allri starfsemi á staðnum, það skeði t.d. á Stöðvarfirði á sínum tíma.  Ég er hræddur um að þú yrðir þá ekki hamingjusamur maður af því að ganga um götur Dalvíkur atvinnulaus.  Það er stórhættulegt  á svona stöðum þegar aðilar sem búa annarsstaðar eru með nánast allt atvinnulíf í sínum höndum, það þarf ekki meira en einn hjónaskilnað til að Samherji springi í tætlur.

[Sandra Dögg Guðmundsdóttir, 21.11.2007 kl. 09:50]

En málið er bara að Samherji er ekkert á leiðinni burt frá Dalvík.

[Jakob Falur Kristinsson, 21.11.2007 kl. 11:26]

Því miður er ekkert öruggt í þeim málum, það hefur reynslan sýnt okkur.  Það var líka talið að ÚA yrði alltaf á Akureyri en nú eru öll þeirra skip skráð í Reykjavík og á þeim stendur RE en ekki EA eins og áður og það voru ekki bara skipin sem skiptu um einkennisstafi heldur fluttist allur kvóti ÚA frá Akureyri til Reykjavíkur.

[Eyrún Elva, 21.11.2007 kl. 13:22]

Ef það hefði ekki verið Samherji þá hefði það verið eitthvað annað, og þá væri þetta löngu farið frá Dalvík. Þá er Samherji skárri en ekkert. Eigum við ekki að segja að glasið sé hálffullt, þar sem Samherji virðist ekkert vera á leiðinni burt?

[Jakob Falur Kristinsson, 21.11.2007 kl. 14:22]

Já þú segir nokkuð Eyrún Samherji er skárri en ekki neitt og að glasið sé hálffullt, því Samherji virðist ekkert á leið í burt.  Þetta er alveg rétt hjá þér.  En það hafa orðið átök og ósætti í Samherja sem varð til þess að einn af þremur aðaleigendunum og sá sem í raun lagði mest fram í félagði sleit samstarfinu og fór út úr félaginu en það var Þorsteinn Vilhelmsson og það sem hann lagði fram umfram sína félaga var svokallaður skipstjórakvóti sem eitt sinn var leyfður svo Samherji fékk kvóta á sitt fyrsta skip Akureyrina í samræmi við það sem Þorsteinn hafði áður fiskað sem skipstjóri á Harðbak á milli 3-4 þúsund tonn.  Samherji var með miklar áætlanir um stórfellda uppbyggingu á landvinnslu sinni á Dalvík en við þær var allt í einu hætt og borið við niðurskurði á þorskkvóta, þótt félagði ætti eftir niður skurðinn nægan kvóta til að auka við sína landvinnslu.  Nú síðustu árin hefur Samherji lagt stöðugt meiri áherslur á uppsjávarveiðar og sína erlendu starfsemi.  Og margir sem ég hef rætt við og þekkja vel til segja mér að hin mikla samvinna Samherja og Síldarvinnslunnar á Neskaupsstað sé að þróast í þá átt að þessi tvö félög verði sameinuð.  Það eina sem hefur staðið í veginum hingað til er svokallað kvótaþak sem þessi félög færu upp fyrir ef af sameiningu yrði.  En nú er einmitt þrýst mjög á stjórnvöld af LÍÚ ofl. að hækka þetta þak.  Þannig að í stað þess að tala um hálffullt glas myndi ég segja að á Dalvík væri í gangi stundarglas.  Því þetta er ekki spurning um hvort heldur hvenær öllu verður lokað á Dalvík.