Jakob F. Kristinsson Gilsbakka 2-4 465 Bíldudal , Sími: 456-2107 XS

2.8.2008 | 11:32

Exista

Frá kynningarfundi Exista. Exista er fjármagnað að fullu út árið 2009, þ.e. í 79 vikur, og er vel í stakk búið að standa af sér sveiflur á mörkuðum. Þetta kom fram í máli Lýðs Guðmundssonar, starfandi stjórnarformanns, á kynningarfundi í gær.

Jæja þeir ætla að komast yfir þetta bræðurnir þótt þeir hafi tapað nokkrum milljörðum á sl. 6 mánuðum. En ef sala á þeirra hlutabréfum í Skiptum hf. móðurfélagi Símans er inn í þessari fjármögnun þá er ekkert að marka hana, því þau hlutabréf kaupir enginn maður í dag.

	Fjármagnað að fullu út árið 2009
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Þeir eru búnir að tryggja sér lánsfé út árið 2009. Þetta er fjármálafyrirtæki og þau eru venjulega ekki fjármögnuð til lengri tíma en þetta. Þetta segir þá væntanlega að þeir þurfi ekki að selja eignir. Bara gott mál fyrir þá.

Grétar 2.8.2008 kl. 12:26

Hef ekki mikið vit á svona fjármálafyrirtækjum, nenni ekki lengur að spá í fjármálamarkaðinn á nóg með mitt, en ekki þætti okkur slæmt Kobbi minn að fá smá aukatekjur, eigum við að senda þeim beiðni um fjárstyrk. ?? kær kveðja

Ásdís Sigurðardóttir, 2.8.2008 kl. 15:34

Sá hérna mynd frá Bíldudal, bjóstu þar? góð vinahjón mín bjuggu þar lengi, maðurinn er dáinn, hann hét Sigurður "Siggi Haffi" konan Guðrún, þekktirðu þau.??

Ásdís Sigurðardóttir, 2.8.2008 kl. 15:35

Gö vuð hvað ég er biluð, auðvitað stendur í textanum um höfund að þú bjóst á Bíldudal, how stupid can I be.

Ásdís Sigurðardóttir, 2.8.2008 kl. 15:39

Ásdís, auðvitað þekkt ég Guðrúnu og Hafþór eða Haffa en við Haffi vorum verkstjórar sama í Fyrirtækinu Trostan ehf. á Bíldudal og í eitt skipti vorum við að fylla sápufroðu á hreinsikerfið, en það var gert með því að full 200 ltr. plast tunna var lögð á borð í tækjasalnum og tengd með slöngu inn á kerfið síðan var loftslanga tengd við tunnuna og loftið látið þrýsta efninu inn á kerfið. Það varð að passa vel að hafa ekki loftþrýstingin ekki of háan. En þegar tunnan var að verða tóm vorum við að snúa henni til á borðinu og þá mun takkinn á loftinu hafa rekist í og opnað að fullu fyrir loftið. Því allt í einu kemur þessi svaka sprenging. Ég flaug nokkra metra aftur á bak og lenti á frystitækjunum en Hafþór tókst á loft og lenti á steyptu gólfinu þar sem höfuðið skall illa í. Krafturinn í sprengingunni var svo mikill að hurðir í frystihúsinu þeyttust upp og hávaðinn heyrðist um allan Bíldudal. Við steinrotuðumst báðir og þegar við rönkuðum við okkur heyrðum við ekkert en tunnan lá á borðinu og var eins og stór hnífur hefði rist á hana stóran skurð. Við vorum báðir sendir í læknisskoðun og ég er enn með verk af og til í öðru herðablaðinu. Hafþór var alltaf með höfuðverk sem engin skýring fannst á og tel ég að þetta atvik hafi leitt hann til dauða. Ég held að Guðrún búi núna í Þorlákshöfn.

Ég væri alveg til í að sækja um styrk með þér til þessa auðugu manna.

Jakob Falur Kristinsson, 2.8.2008 kl. 17:59

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jakob Falur Kristinsson

Ég er fyrrverandi vélstjóri og útgerðarmaður en er nú 75% öryrki eftir slys á sjó 2003. Bjó lengst af á Bíldudal en flutti til Sandgerðis haustið 2005. En er nú aftur fluttur á Bíldudal. Að svo miklu leyti sem myndir á síðunni eru eftir Mats Wibe Lund, þá liggur fyrir tímabundið samþykki hans um birtingu hjá mér og þakka ég honum sérstaklega fyrir. Mats á að sjálfsögðu hönundaréttin að öllum sínum myndum. Vilja menn sjá fleiri myndir þá vísast á www.mats.is Ég var flokksbundinn í Frjálslynda flokknum og hef starfað þar, en sagði mig úr flokknum 24. apríl og gekk í Samfylkinguna. Föðurætt mín er úr Arnarfirði og móðurættin frá Jökulfjörðum og Hornströndum og í báðum tilfellum, langt aftur í aldir. Er ég því ekta Vestfirðingur.

Undir fyrirsögninni Færsluflokkar er flokkur sem heitir Vefurinn og ef smellt er á hann opnast síður þar sem ég er að skrifa ýmsar frásagnir. Einnig er undir liðnum spaugilegt smá grín ofl.

Ég leyfi öllum að skrifa athugasemdir við mín skrif. En af gefnu tilefni hef ég ákveðið að þeir sem ekki kunna sér hófs í athugasemdum og nýta þær til persónulegra árása á mig og mína persónu, með allskonar skömmum og svívirðingum, mun ég hér eftir loka á slíka aðila. Einnig mun ég henda út nafnlausum athugasemdum. Því ég einn ber ábyrgð á því sem skrifað er á mína síðu.

jakobkr@internet.is

GSM: 823-2954