Sýknun

Hæstiréttur hefur staðfest sýknudóm yfir þremur karlmönnum voru grunaður um tilraun til kynferðisbrots með því að hafa farið í íbúð í Reykjavík í því skyni að hafa samræði við 13 ára stúlku.

Alveg er það makalaust hvað kynferðisafbrotamenn sleppa alltaf vel frá sínum málum.  Ég held að þeir sem sitja í Hæstarétti ættu að hugsa aðeins um hver þeirra viðbrögð yrðu ef þeirra eigin börn ættu í hlut.

Sýknaðir af tilraun til kynferðisbrots

Athugasemdir

[Jón Gunnar Ásbjörnsson 23.10.2008 kl. 16:59]

Hér áttu engin börn í hlut...

[Egill 23.10.2008 kl. 17:04]

Nú já Jón Gunnar hvað kallar þú 13 ára stúlkur þá annað en börn ?

Mikið rosalega er ég orðinn þreyttur á  ö m u r l e g u  réttarfari á Íslandi !!!

[Jakob Falur Kristinsson, 23.10.2008 kl. 17:08]

Er 13 ára stúlka ekki barn?

[Haukur 23.10.2008 kl. 17:16]

,,umrædd stúlka var í raun uppspuni sjónvarpsþáttarins Kompáss á Stöð 2.''

[Jakob Falur Kristinsson, 23.10.2008 kl. 17:18]

Svo þér finnst þetta bara eðlilegur dómur Laissez Faire.  Tálbeitur tæla ekki menn til afbrota, þær aftur á móti geta oft hindrað að afbrotið eigi sér stað.  En viljinn til afbrota er eigi að síður fyrir hendi.  Hvað er athugavert við að fólk vakti hvert annað og segi frá ef það verður vitni að afbrotum.  Nei þessi dómur er til skammar og einungis hvatning kynferðisafbrotamanna til að stunda sína iðju.  Ég get sagt það hér og nú að ef einhver gerði álíka hluti gagnvart yngstu dóttur minni og ég frétti af því, þá myndi ég ekki bíða eftir einhverri lögreglurannsókn og dómsmáli.  Ég færi beina leið og dræpi viðkomandi mann.

[Páll Ingi Pálsson, 23.10.2008 kl. 17:19]

Hvað eiga dómarar í Hæstarétti að hundsa þau lög sem gilda í þessu landi?

Löggjafinn (Alþingi Íslendinga sem íslenskur almenningur velur í kosningum) hefur tekið þá afstöðu að lögreglu sé ekki heimilt að tæla menn út í glæpi. Hlutverk Hæstaréttar er ekki að dæma menn í fangelsi af persónbundnum skoðunum gagnvart hverjum og einum. Hæstiréttur þarf að rökstyðja niðurstöður sínar og ef þeir geta það ekki geta þeir ekki dæmt menn og sagt "já okkur finnst þú vera vondur maður og því ætlum við að dæma þig í fangelsi".

Endilega lestu dóminn áður en þú sakar Hæstarétt um að vinna ekki vinnuna sína.

Ef þér langar hins vegar að koma á framfæri skoðun þinni á hvernig hægt sé að breyta löggjöfinni til þess að tryggja að kynferðisbrotamenn sleppi síður þá geturu ritað grein sem birtist opinberlega, s.s. í Morgunblaðinu. Svo getur þú sent þingmanni þínum (eða öllum þingmönnum) erindi og vonast eftir að hann taki það upp á Alþingi í þeirri von um að samstaða myndast um lausn gegn þessu.

[Birgir 23.10.2008 kl. 17:23]

"Ég get sagt það hér og nú að ef einhver gerði álíka hluti gagnvart yngstu dóttur minni og ég frétti af því, þá myndi ég ekki bíða eftir einhverri lögreglurannsókn og dómsmáli.  Ég færi beina leið og dræpi viðkomandi mann."

Segjum svo að lögreglan notaði sömu aðferð á þig nú þegar þú hefur upplýst alheim um þinn hugsunarhátt..
Segjum svo að þeir myndu tilkynna þér að einhver aðili hefði framið kynferðsbrot gagnvart dóttur þinni (sem væri að sjálfsögðu ósatt þar sem að þetta er tálbeita) og þú færir af stað með það að hugarfari að myrða viðkomandi. Lögreglan myndi síðan handtaka þig og þú yrðir dæmdur fyrir að hafa ætlað að fremja morð.

Hvernig myndir þú líta á það? 

[Jakob Falur Kristinsson, 23.10.2008 kl. 17:36]

Ég nenni nú ekki að svara öllu þessu rugli en mér ofbýður hugsunarháttur ykkar gagnvart kynferðisafbrotamönnum og þeir eiga góða stuðningsmenn í ykkar hópi.  Þið ættuð að skammast ykkar.

[Páll Ingi Pálsson, 23.10.2008 kl. 17:37]

Reyndar svo ég leiðrétti sjálfan mig er að ekkert stendur um tálbeitur hjá löggjafanum, en löggjafinn veitir stjórnvöldum heimildir til ýmisa reglugerða og fyrirmæla, eins og kemur fram í dómnum þá var það ríkislögreglustjóri sem setti fram fyrirmæli um notkun tálbeitu.

[Jakob Falur Kristinsson, 23.10.2008 kl. 17:51]

Þið eruð vitleysingar sem ég ætla ekki að svara meira.

[Hjörtur Haraldsson 23.10.2008 kl. 17:56]

Jakob Kristinsson, til hamingju.

Þú hefur hérmeð tapað rökræðum. Þú telst héðan af hafa rangt fyrir þér í þessu máli nema sýnt verði fram á hið gagnstæða.

[Páll Ingi Pálsson, 23.10.2008 kl. 18:06]

Góð rök hjá þér Jakob.

Ég er semsagt stuðningsmaður kynferðisafbrota út af því að ég vil að dómar gagnvart þeim eigi sér stoðir í lögunum. Já og ég á að skammast mín fyrir að hafa þessa skoðun.

Samkvæmt því sem ég les hjá þér þá finnst þér tálbeituaðferðin sjálfsögð í löggæslu, að Héraðsdómur og Hæstiréttur eigi að hundsa viðurkenndar réttarreglur og að allir sem viðurkenna ekki þessa skoðun þína séu stuðningsmenn kynferðisafbrota og ættu að skammast sín.
Sérðu ekkert rangt við málflutning þinn?

[Páll Jónsson, 23.10.2008 kl. 22:01]

Drengir, það er ekki erfitt að skilja af hverju Jakob sé hneykslaður. Ég er það eiginlega líka.

Það er óþarfi að gera lítið úr manninum þó hann sé ekki með agnúa laganna á hreinu. Og þetta var varla klippt og skorið mál. 

[Jakob Falur Kristinsson, 24.10.2008 kl. 10:58]

Ég er ekki löglærður maður en tel þó að ég kunni að gera mun á röngu og réttu.  Burt séð frá öllu ykkar lögfræðikjaftæði og að þetta hafi verið tálbeita hjá Kompás, þá skiptir það ekki öllu máli.  Mennirnir fóru í umrætt hús í þeim tilgangi einum að hafa samfarir við 13 ára stúlku.  Þannig að brotaviljinn var fyrir hendi.  Það er þetta atriði sem hneykslar mig.  En ég get ekki skilið orð margra ykkar hérna að slíkir hlutir séu bara allt í lagi ef þeir komast ekki upp.  En þið gleymið líka einu sem var í dómnum að einn mannanna var sektaður fyrir að vera með sína tölvu fulla af barnaklámi.  Þetta eru sko engir englar þessir menn og fyrst þeir sluppu núna, munu þeir halda áfram sinni iðju enda virðist mér þeir eiga góðan stuðningsmannahóp við sitt barnaníð.