Vegagerð

Skipulagsstofnun hefur ákveðið að vegagerð milli Eiðis í Vattarfirði og Þverár í Kjálkafirði í Reykhólahreppi og Vesturbyggð skuli háð mati á umhverfisástæðum. Ástæðan er sú að framkvæmdinni kunna að fylgja umtalsverð umhverfisáhrif.

Eftir langa búsetu á Bíldudal er mér vel kunnugt um fyrirhugaða staðsetningu á þessum nýja vegi.  Þessi vegaframkvæmd er gífurleg samgöngubót fyrir Vestfirði.  Það er oft búið að fresta þessari framkvæmd.  Þegar uppsveiflan var sem mest á Íslandi var þessu frestað vegna þenslu í þjóðfélaginu.  Sú þensla náði reyndar aldrei til Vestfjarða, svo var þessu frestað vegna samdráttar í þjóðfélaginu.  En nú þegar ákveðið hefur verið að fara í þessa vegagerð, þá kemur upp þetta andskotans rugl um umhverfismat. Nú er því haldið fram að þessi vegagerð muni hafa áhrif á arnarstofninn.  Það hafa oft verið við stjórn í þessu landi margir furðufuglar, en að alvöru fuglar eigi að stjórna hér vegagerð er orðið stórhættulegt.  Fuglar fljúga vítt um Ísland og ef ekki má leggja veg þar sem hugsanlega einhver fugl gæti flogið yfir, þá er vegagerð sjálfhætt á Íslandi.

Þetta er eitt andskotans rugl og kjaftæði.

Vegarlagning kann að hafa áhrif á erni

Athugasemdir

[Bjarki 31.3.2009 kl. 11:15]

Já þetta er klikkað. Aðeins austar, í Gufudalssveitm hefur vegagerð svo tafist vegna þess að umhyggja fyrir þangi og birkihríslum er sett í forgang frekar en öryggi vegfarenda. Mikið hefði verið gott ef vegurinn um Barðastrandarsýslur hefði verið fullbyggður áður en þessi umhverfisfasismi komst í tísku.

[Guðjón Sigþór Jensson, 31.3.2009 kl. 11:17]

Mér finnst þú ansi harðorður í garð arnanna. Kannski mætti slá þessari framkvæmd á frest og hefja fremur upp framkvæmdir við fyrirhugaða Sundabraut. Þegar fyrstu hugmyndir um þá braut komu fram um 1980 var talað um að framkvæmdum yrði lokið í síðasta lagi 2006. Nú 3 árum síðar eru framkvæmdir ekki hafnar!

Sundabraut kemur fleirum að gagni en framkvæmdir á Vestfjörðum sem nýtast fremur fáum.

Mosi

[Jakob Falur Kristinsson, 31.3.2009 kl. 16:55]

Það mun koma upp sama með Sundabraut, eitthvert umhverfismat og þar geta menn örrugglega fundið einhverja fugla sem þarf að vernda.

Auðvitað er miklu meiri þörf fyrir Sundabraut en þennan veg á Vestfjörðum.  En hlutunum er forgangsraðað svona.  En við tætlum víst að byggja landið allt og um vegi á Vestfjörðum aka fleiri en bara Vestfirðingar og ernir fljúga víðar en bara á þessum stað.  Reyndar er örninn þótt tignarlegur sé, hin mesta skaðræðisskepna, hann á það til að drepa lömb og hirðir egg úr hreiðrum sérstaklega hjá æðarfuglunum svo þeir aðilar sem hafa dúntekjur verða oft fyrir miklu tjóni.

Það sem tefur Sundabraut eru skipulagsyfirvöld hjá Reykjavíkurborg.

[Guðjón Sigþór Jensson, 2.4.2009 kl. 10:09]

Umhverfismat hefur farið fram hvað Leirvog varðar. Sennilega er þar um viðkvæmasta svæðið að ræða með tilliti til lífríkis en þar eru einhverjar mikilvægustu svæði vaðfugla á höfuðborgarsvæðinu. Áhyggjur líffræðinga snúast mest um að sömu mistök verði þar og gerðist við þverun Gilsfjarðar.

Annað sem tefur Sundabraut er að samgönguráðherra hefur ekki komið frá höfuðborgarsvæðinu síðastliðinn aldarfjórðung eða svo. Dreifbýlingar hafa nánast átt samgönguráðuneytið með manni og mús! Því hafa opinberar framkvæmdir á höfuðborgarsvæðinu fremur verið litlar miðað við öll jarðgöngin og varanlega vegagerð úti á landi.

Meðalvegurinn í þessum efnum er vandrataður.

Mosi