Kastró

 Fídel Kastró, leiðtogi Kúbu, hefur vísað á bug staðhæfingum John McCain, sem sækist eftir að verða forsetaefni bandarískra repúblíkana, þess efnis að Kúbumenn hafi pyntað bandaríska herfanga Norðanmanna í Víetnamstríðinu. McCain svarar því til að það sé fyrir neðan sína virðingu að munnhöggvast við einn versta harðstjóra heims. Þetta kemur fram á fréttavef BBC.

Sko þann gamla ekki dauður úr öllum æðum enn og fullfær um að senda Bandaríkjunum tóninn.

Kastró sakar McCain um lygar

Að endurvinna traust

Eitt af því sem Vilhjálmur Þ. Vilhjálmsson segist ætla að gera nú, er að endurvinna traust borgarbúa.  En eru hlutirnir bara svona einfaldir að eftir að hafa klúðrað REI-málinu og verða síðan margsaga í tilraunum til að kjafta sig frá málinu er alt traust farið.  Heldur Vilhjálmur að það sé bara nóg að koma nú og segja;  "Fyrirgefið mér, ég lofa að gera þetta ekki aftur."  Sá sem er rúinn öllu trausti er langan tíma að vinna það til baka og ég efast um að það sem eftir er af núverandi kjörtímabili dugi ekki til.  Svo Reykvíkingar munu sitja uppi með sakleysingjann Ólaf F. Magnússon sem borgarstjóra með sitt dýrmæta skjal sem á er letrað 17 atriði,fram að næstu kosningum.  Þá fyrst kemur i ljós hvort Vilhjálmi hafi tekist að endurvinna þetta traust sem hann er að ræða um núna, fyrr ekki.   Þetta mun verða einsdæmi í sögu Reykjavíkurborgar að maður frá flokki sem enginn kaus skuli vera borgarstjóri.

Innbrot

Lögreglan í Reykjavík er með einn mann í haldi en hann var handtekinn við innbrot í Endurmenntunarstofnun Háskóla Íslands í Reykjavík klukkan sex í morgun.

Ætlaði manngreyið ekki bara að endurmennta sig og mætti á röngum tíma.  Var þetta kannski gamli góði Villi.

Braust inn í Endurmenntunarstofnun

Af hverju er Ólafur F, Magnússon í stjórnmálum

Ég horfði á viðtal við Ólaf F. Magnússon, borgarstjóra í Kastljósi í gær og eftir það viðtal fór ég að velta fyrir mér hvaða erindi þessi sakleysingi á í stjórnmál.  Þegar hann var spurður um hvort hann hefði ekki neinar áhyggjur af því sem gengi á í samstarfsflokkum, þá svaraði hann eins og lítið barn sem er nýbúinn að opna jólapakka.  Hann sagði "Ég hef aldrei verið hamingjusamari en í dag og mín persóna, frami og völd í stjórnmálum skiptir ekki máli.  Það eru verkin sem við ætlum að hrinda í framkvæmd sem skipta öllu máli og með svona góða málefnaskrá í höndunum er framtíðin bara björt og fögur." Þessi svokallaða málefnaskrá í 17 liðum er nú ekki merkilegri en það að blekið var varla þornað á skjalinu þegar Gísli Marteinn fór að lýsa því yfir að eitt mesta hjartansmál Ólafs F.  Það er að flugvöllurinn í Vatnsmýrinni yrði þar áfram, væri ekkert að marka, þar ætti að rísa íbúðarbyggð og finna yrði nýjan stað fyrir flugvöllinn og svona verður hvert atriðið í þessu dýrmæta skjali Ólafs F. Magnússonar svikið, hvert á fætur öðru.  Mér finnst að einhver góðhjartaður maður ætti að benda Ólafi á að hann er að láta nota sig og í raun traðka á sinni persónu.  Ég segi bara að lokum um Ólaf F. Magnússon;

"Þar fór góður biti í hundskjaft"

Villi heldur áfram

Nú hafa sjálfstæðismenn í borgarstjórn tekið eina af sínum vitlausustu ákvörðunum til þessa og var nú ærið fyrir.  Þeir ætla að styðja Vilhjálm áfram sem oddvita borgarstjórnarflokksins og þá væntanlega sem borgarstjóra eftir 14 mánuði.  Gamli góði Villi telur að hann sé búinn að axla sína ábyrgð á öllu sínu klúðri með því að gefa eftir borgarstjórastólinn og þar með sé allt í lagi hjá sér.  Ég hef fram að þessu litið á Vilhjálm sem heiðarlegan og góðan stjórnmálamann en nú sé ég ekki betur að maðurinn er bjáni og refur í þokkabót.  Hann átti auðvitað að segja af sér og yfirgefa stjórnmálin með reisn en ekki halda áfram að berjast við vindmillur og gera sig að fífli eins og stefnan er í dag.  Auðvita standa sjálfstæðismenn í borgarstjórn með honum núna, því þeir vita að í næstu kosningum verða þau endanlega laus við hann.  Því ekki þýðir fyrir Vilhjálm að reyna að fara í framboð aftur.  Heldur þetta fólk virkilega að kjósendur í Reykjavík verði búnir að gleyma öllu þessu í næstu kosningum.  Með þessari ákvörðun eru borgarfulltrúarnir búnir að ákveð að Sjálfstæðisflokkurinn verð hér eftir lítill áhrifalaus stjórnmálaflokkur í Reykjavík og fær aðeins stuðning örfárra íhaldsmanna sem kjósa flokkinn bara af gömlum vana.

Auðlindir

Þingmenn Framsóknarflokksins hafa lagt fram stjórnarskrárfrumvarp þess efnis að náttúruauðlindir og landsréttindi, sem ekki eru háð eignarrétti, verði þjóðareign.

Þeir eru þá ekki eins vitlausir í Framsókn og ég hélt, það er einhver lífsvottur í þeim ennþá.  Ég hef þá trú að Guðni Ágústsson eigi eftir að rífa upp fylgi Framsóknar, ef hann fær frið til þess fyrir Valgerði Sverrisdóttur, sem virðist ekki enn skilja að Halldór Ásgrímsson er hættur í stjórnmálum.

Auðlindir í þjóðareign

Flugslys

Leit stendur yfir um 50 sjómílur vestur af Reykjanesi að tveggja hreyfla flugvél sem fór þar í hafið eftir að hafa misst báða hreyflana um klukkan 16 í dag. Einn maður var um borð. Landhelgisgæslan sendi þyrlu til móts við vélina.

Þetta eru hræðilegar fréttir og litlar líkur á að sá sem var í flugvélinni sé á lífi.  Þótt hann hafi komist út úr vélinni áður en hún sökk er kuldinn ísjónum svo mikill að þar lifir enginn  nema í nokkrar mínútur.

Leitað að flugvélinni

Rugl Vilhjálms

Geir H. Haarde forsætisráðherra vill ekki svara því hvort hann styðji Vilhjálm Þ. Vilhjálmsson til að taka sæti borgarstjóra. Vilhjálmur verði sjálfur að taka ákvörðun þar um. „Ég tek afstöðu til þess þegar þar að kemur,“ sagði Geir er hann ræddi við fréttamenn í Alþingishúsinu í dag.

Auðvitað verður Geir að tala svona á meðan Vilhjálmur þrjóskast við að segja að sér.  En hvorki stuðningur Geirs eða annarra sjálfstæðismanna mun duga til að vinna það traust sem öllu máli skiptir. efast ég um.  En það er traust hins almenna kjósenda, sem hefur síðasta orðið og mun láta sína skoðun í ljós í næstu kosningum.  Nú er Vilhjálmur Þ. Vilhjálmsson búinn að ganga svo frá málum að Sjálfstæðisflokkurinn kemst ALDREI  til valda framar í Reykjavík.  Hann verður bara lítill flokkur með lítið fylgi.  VERÐI ÞEIM AÐ GÓÐU.

Geir: „Tek afstöðu þegar þar að kemur“

Írak

      Varnarmálaráðherra Bandaríkjanna, Robert Gates, segist styðja það að hægt verði á því að senda hermenn heim frá Írak en í júlí verður búið að fækka bandarískum hermönnum um 30 þúsund í júlí. Þetta kom fram í máli Gates við blaðamenn eftir að hann átti tveggja tíma fund með yfirmanni Bandaríkjahers í Írak, David Petraeus, í Bagdad.

Ætla þessi menn aldrei að skilja það, að friður kemst aldrei á í Írak meðan þeir eru að þvælast þarna í algerri óþökk heimamanna.  Írakar verða sjálfir að leysa sín vandamál, sem þeir munu gera ef þeir fá frið til þess fyrir Bush og félögum hans.

Vill hægja á fækkun hermanna í Írak

Sjálfstæðismenn í vanda

Nú eru Sjálfstæðismenn heldur betur í vanda og allt vegna Vilhjálms Þ. Vilhjálmssonar, sem virðist ætla að þrjóskast við að segja af sér.  Heldur halda áfram að reyna að kjafta síg frá REI-klúðrinu og veða oft tvísaga og stundum hreinlega að ljúga, alltaf að biðjast afsökunar eða fyrirgefningar.  Á meðan týnist fylgið hægt og rólega af sjálfstæðisflokknum.  Hver mistökin eftir annað og allt á kostnað flokksins, Vilhjálmi er auðvitað andskotans sama, því hann veit að hans möguleikar til framboðs í næstu kosningum eru engir.  Það skynsamlegasta sem sjálfstæðismenn gerðu núna væri að slíta núverandi meirihluta og láta svokallaðan Tjarnarkvartett taka við og nýta næstu tvö árin til að byggja upp fylgið og láta Hönnu Birnu taka við forustu í borgarstjórnarflokknum.  Þá fyrst ættu þeir mikla möguleika á að fá aftur hreinan meirihluta í borginni en óbreytt ástand þýðir mikið fylgishrun sjálfstæðismanna í næstu kosningum ef þeir gera ekkert róttækt í sínum málum nú.  Ef þeir biðu nú aðeins í tvö ár og endurskipulegðu sitt starf og fylgi væri í næstu kosningum komin tveir skýrir valmöguleikar sem kosið yrði um.  Þá gætu sjálfstæðismenn farið í meirihlutastarf með stolti, með hverjum sem er, ef þeir fengju ekki hreinan meirihluta sem væri mjög líklegt.  Er virkilega enginn með fullu viti í þessum borgarstjórnarflokki sjálfstæðismanna og hafa þeir ekki einhverja framtíðarsýn?