Mjólk

Kínverskir mjólkurframleiðendur vissu af neikvæðum áhrifum melamín í framleiðslu sinni fyrir mörgum mánuðum. Þetta kemur fram í ríkisfjölmiðlinum Xinhua í Kína.

Þetta eru glæpamenn fyrst þeir vissu af þessu í fyrra og gerðu ekkert.  Það á að refsa þessum mönnum með því að láta þá drekka mikið af þessari eitruðu mjólk.

Vissu um mjólkurmengun í fyrra

Enn leitað

Erlend lögreglulið hafa enn ekki haft hendur í hári Ivans Konovalenko frá Litháen, sem eftirlýstur er af íslensku lögreglunni vegna hnífstunguárásar á Mánagötu fyrir hálfum mánuði.

Það er óhætt að gleyma þessum manni fyrst lögreglan missti hann úr landi næst hann aldrei.

Konovalenko enn leitað

Starfslokasamningur

Robert Willumstad, sem vikið var úr starfi sem forstjóri bandaríska tryggingafélagsins AIG í síðustu viku, hefur sent eftirmanni sínum tölvubréf þar sem hann afþakkar 22 milljóna dala, nærri 2 milljarða króna starfslokagreiðslu, sem hann átti rétt á samkvæmt ráðningarsamningi.

Þó ekki væri maðurinn búinn að koma fyrirtækinu á hausinn.  Það hefði verið hneyksli ef hann hefði þegið þessa greiðslu.

Vildi ekki 2 milljarða starfslokagreiðslu

Kárahjúkavirkjun

Skálað var með koníaksstaupi fyrir merkum áfanga í sögu Kárahnjúkavirkjunar þegar slegið var í gegn í Grjótárgöngum í gær.

Er virkilega enn verið að vinna við þessa virkjun.  Ég hélt að þarna væri öllu lokið, því virkjunin var vígð fyrir mörgum mánuðum.

Síðasta haftið sprengt

ESB

„Þetta viðhorf embættismanna ESB kemur okkur ekki á óvart og við vissum af því áður en við komum hingað,“ segir Illugi Gunnarsson, annar formanna Evrópunefndar ríkisstjórnarinnar. Á fundi nefndarinnar með Olli Rehn, stækkunarstjóra Evrópusambandsins, í gær, kom fram að upptaka Íslendinga á evru á grundvelli EES-samningsins væri ekki raunhæfur kostur, ekki væri vilji innan ESB fyrir þeirri leið.

Ég spyr nú bara "Til hvers var öll þessi sendinefnd að fara á fundinn ef þeir vissu niðurstöðuna áður en þeir fóru út" eins og Illugi Gunnarsson segir.  Var bara farið í þessa ferð ferðarinnar vegna.

Neikvæð viðbrögð frá ESB koma ekki á óvart

Flug

„Íslenskir atvinnuflugmenn sjá nú fram á einhverja hörðustu tíma í íslenskri flugsögu. Aldrei hefur jafnmörgum flugmönnum verið sagt upp störfum í einu vetfangi líkt og átt hefur sér stað að undanförnu hjá Icelandair,“ segir Elmar Gíslason ritstjóri Fréttabréfs FÍA, í ritstjórnargrein í nýútkomnu fréttabréfi.

Hvar endar þetta, nú þegar er búið að segja upp 112 flugmönnum og 169 starfsmenn lækka í tign sem er að flugstjórar verða að flugmönnum og lækka þar með í launum.  Ekki kemur neitt fram í þessari hagræðingu að nein uppstokkun verði í yfirstjórn Icelandair og myndi maður nú ætla að þar væri einnig hægt að spara.

Erfiðir tímar í fluginu

Landhelgisgæslan

Landhelgisgæslan þarf að draga úr siglingum varðskipa sinna um 50% að minnsta kosti fram að áramótum til að spara olíu. Þetta þýðir að skipin verða aldrei bæði á sjó samtímis að sögn Georgs Kr. Lárussonar forstjóra Gæslunnar.

Aumir erum við íslendingar að geta ekki gert út tvö varðskip.  Nú á aðeins eitt skip að vera úti í einu.  Auk þess á að spara eins og hægt er í flugi hjá Gæslunni og fljúga sem allra minnst.  Það er erfitt fyrir flesta að ímynda sér hvað svæðið er stórt sem þarf að hafa eftirlit með í okkar 200 mílna landhelgi og þegar tekin var ákvörðun um að láta smíða nýtt varðskip í Chile var það vegna þess að svæðið er svo stórt að vonlaust var talið að vakta það með tveimur skipum, en nú á að gera það með einu skipi.  Allt þetta er gert til að spara olíu.  En fyrir hvern er verið að spara?  Gæslan er ríkisfyrirtæki og af öllum þeirra olíukaupum fer stór hluti í ríkissjóð.  Þeim mun minna sem keypt er af olíu þá minnka tekjur ríkissjóðs.  Það skapar aftur þann vanda að minna fé verður til ráðstöfunar til Gæslunnar, sem verður þá aftur að draga meira úr olíukaupum.  Ég fæ ekki betur séð en að ríkið sé að elta skottið á sjálfu sér.  Hvernig verður svo með nýja varðskipið og til hvers var verið að smíða það?  Þarf það ekki olíu líka?  Höfum við efni á að sigla því heim?

Geta ekki haft bæði varðskipin úti samtímis

Háspennulínur

Bæjaryfirvöld á Akureyri eru ekki hrifin af hugmyndum Landsnets um að 220 kílóvatta háspennulína verði lögð um Eyrarlandsháls ofan Kjarnaskógar en þar er fyrirhugað útivistarsvæði.

Það gat nú verið að gera þyrfti athugasemd við þetta.  Það er hrópað og vælt um byggingu álvera í Helguvík og á Bakka við Húsavík, en þegar kemur að því að leggja háspennulínur til þessa staða þá er mótmælt á fullu.   Nú mótmæla bæjaryfirvöld á Akureyri vegna línu sem á að flytja rafman til álvers á Bakka.  Bæjaryfirvöld í Hafnarfirði mótmæla raflínu sem á að flytja rafmagn til álvers í Helguvík.  Vissu bæjaryfirvöld á Akureyri og í Hafnarfirði ekki að álverin nota rafmagn og til þess þarf háspennulínur.  Það er vissulega hægt að leggja jarðstrengi en þá kemur til gífurlegur kostnaður og hver ætlar að borga það.?  Ég get alveg viðurkennt að þessar línur eru ekki fallegar en fyrst að það á að byggja þessi álver þá er þetta fórnarkostnaður sem verður að færa.  Bæjarstjórnir í þessum bæjum verða að skilja það.  Eða hvaða hugmyndir höfðu þær um flutning á rafmagninu.?  Átti kannski að flytja það með bílum eða senda það í pósti.? Hvílík andskotans vitleysa.

Vilja ekki háspennu á útivistarsvæði

Reykjanesbrautin

Reykjanesbraut verður lokuð við gatnamót Vífilstaðarvegar til suðurs frá kl. 22:30 í kvöld og til kl. 05:30 í nótt, aðfaranótt þriðjudags. Gatnamót Reykjanesbrautar og Vífilstaðarvegar eru við golfvöll golfklúbbs GKG og Vífilsstaðaspítala.

Ætli vertakinn sé ekki að ganga frá einhverri tengingu á veginum, því síðast þegar ég fór þarna um virst lítið vera eftir til að klára tvöföldun vegarins frá Hafnarfirði til Keflavíkur.  Það hefur verið ótrúlega góður gangur á þessu verki eftir að Íslenskir aðalvertakar tóku við því og er miðað við að þetta verið búið í október, sem nálgast hratt.

Reykjanesbraut lokuð í nótt

Risatankur

Risatankur sem átti að flytja frá Grindavík til Helguvíkur í kvöld og nótt valt af flutningavagni sínum. Tankurinn vegur rétt tæp 90 tonn og stöðvaðist á gámi við verkstæðishús á hafnarsvæðinu, þetta kemur fram á vef Víkurfrétta.

Enn eitt dæmið um hvað sumir flutningabílstórar ganga illa frá farmi.  Það verður að fara beita verulegum sektum vegna þessa.  Maður sér þetta alltof oft í umferðinni, ég hef nú ekki töluna á öllum þeim fjölda sem hafa misst af farm í Ártúnsbrekkunni, en þau atvik skipta tugum og einnig að þessir stóru bílar eru  með svo háan farm að þeir hafa fest undir sumum brúm í Reykjavík.  Þetta atriði að 90 tonna tankur fer af stað hefði steindrepið hvern þann sem hefði orðið fyrir honum.

Risatankur valt í Grindavík