Siðareglur

Borgarstjórn Reykjavíkur staðfesti siðareglur fyrir kjörna fulltrúa hjá Reykjavíkurborg rétt í þessu á fundi sínum. Borgarfulltrúar allra flokka að frátöldum Ólafi F. Magnússyni greiddu siðareglunum atkvæði sitt og skrifuðu undir þær á fundinum.

Það er ekki nóg að setja siðareglur.  Það þarf líka að fara eftir þeim og nú held ég að sjálfhætt sé hjá nokkrum borgarfulltrúum, a.m.k. Óskari Bergssyni.  Það er líka augljóst að Ólafur F. Magnússon ætlar ekki að taka mark á þessum siðareglum.  Nú styttist í nýjar borgastjórnarkosningar og því eru borgafulltrúar að laga til hjá sér áður, svo allt líti vel út á yfirborðinu.  Þótt raunveruleikin sé allur annar.

Siðareglur borgarfulltrúa staðfestar

Brandari dagsins

Fannar og Erika voru að klæða sig eftir einn snöggan í aftursætinu;

"Ég biðst afsökunar" sagði Fannar; 

"Ef ég hefði vitað að þú værir hrein mey, þá hefði ég gefið mér meiri tíma."

"Það er ekki allt eins og verður best á kosið" svarar hún;

"Ef ég hefði vitað að þú hefðir meiri tíma þá hefði ég farið úr nærbuxunum."                                                                                                                                                                                                                                                                                                                                                                                                                                                                                                                                                                                                               

  

Fyring aflaheimilda

Eygló Harðardóttir, alþingismaður Framsóknarflokksins, segir að verði farið út í fyrningu aflaheimilda muni það leiða til gjaldþrots Landsbankans. Bankinn sé með um 50% af öllum skuldum sjávarútvegsins og fyrning aflaheimilda kæmi til með að hafa mikil áhrif á þau veð sem bankinn hefur fyrir þessum skuldum.

Alltaf skal Framsókn verða fyrst til ef breyta á núverandi kvótakerfi.  Það átti aldrei að heimila veðsetningu aflaheimilda.  Telur Framsókn að engin fiskur verði veiddur þótt breyting verði á kvótalögunum.  Þótt allar veiðiheimildir verði innkallaðar munu þau fyrirtæki sem skulda þessi lán halda áfram sínum rekstri óbreyttum og ættu þess vegna að getað greitt af þessum lánum.  Ég held hinsvegar að mörg fyrirtæki séu orðin svo skuldsett að þau geti aldrei greitt þessi lán og nú er leitað með logandi ljósi að ástæðu til að afsaka að lánin vera aldrei greidd.  Enda hvaða vit var að taka lán til að kaupa kílóið af þorski á kr. 4.000,- eins og það var hæst og fá kannski 250 krónur á kíló fyrir veiddan þorsk.  Slík dæmi gátu aldrei gengið upp en samt var lánað til að framkvæma þessa vitleysu. og ef illa fer þá fer bankinn bara á hausinn einu sinni enn.  Hjá öllum fyrirtækjum er það reksturinn sem greiðir af lánum, veðin gera það ekki ein og sér.

Fyrning setur fjárhag Landsbankans í voða

Sýknun

Héraðsdómur Reykjavíkur hefur sýknað skipstjóra á skuttogara af ákæru fyrir að hafa verið ölvaður við stjórn skipsins. Í ljós kom að 1. stýrimaður hafði stýrt skipinu að bryggju.

Hvað er verið að gera mál úr því þótt skipstjóri á togara hafi verið ölvaður á siglingu skipsins frá Bremenhafen til Reykjavíkur.  Því 1. stýrimaður tók við stjórn skipsins þegar það nálgaðist Reykjavík eða við Engey.  Þótt skipstjórinn hafi verið staddur í brúnni þá var það 1. stýrimaður sem var við stjórn og lagði skipinu að bryggju.

Ákærður fyrir að stjórna skipi ölvaður

Góðar tekjur

Árið 2009 er fyrir fjöldamörg fyrirtæki í ferðaþjónustu eitt besta rekstrarár í langan tíma og má gera ráð fyrir að erlendir ferðamenn komi með u.þ.b. 150 milljarða króna í erlendum gjaldeyri inn í landið, en það gera u.þ.b. 400 milljónir á dag að meðaltali.

Þessa upphæð mætti örugglega tífalda með lengingu á ferðamannatímanum.  Við eigum ekki að vera að reyna að selja erlendum ferðamönnum sól og gott veður.  Þar höfum við litla möguleika gagnvart öðrum þjóðum.  Við eigum að selja þeim vont veður og höfða til ríkra ævintýramanna.  Ég hef verið að vinna að hugmynd um ferðaþjónustu á Hornströndum yfir háveturinn.  En skortur á fjármagni hefur hindrað mig.  Það er vitað að margt fólk er tilbúð að greiða stórfé til að komast á bæði Norður- og Suðurpólinn.  Þegar veður eru hvað verst á Hornströndum er það ekki svo ólíkt því að vera staddur á Norðurpólnum.  Fólk gæti látið mynda sig í vitlausu veðri, dúðað í fatnað frá 66 gráður Norður og sagst hafa farið á Norðurpólinn.  Það myndi dvelja í notalegum húsum og hafa allt til alls, nema ekki væri sími,sjónvarp eða nein afþreying önnur en að spjalla saman og spila.  Svo væri hægt að leika sér á snjósleðum.  Ég kynnti þessa hugmynd mína fyrir ferðaskrifstofu í Bandaríkjunum og þeir sögðu mér að auðvelt yrði að selja mörg þúsund manns svona ferðir og því dýrari sem þær væru því betra.  Þannig að möguleikarnir í ferðaþjónustunni eru margir ef vel er gáð.

400 milljónir í erlendum gjaldeyri á dag

Endutekið efni

Nú eru Sjálfstæðismenn, sem bera alla ábyrgð á Icesave-skuldinni, farnir að endursýna leikritið, sem þeir sýndu á Alþingi sl. sumar.  Það var ríkisstjórn Geirs H. Harde, sem tók þá ákvörðun sl. haust að fara samningaleiðina við Breta og Hollendinga varðandi Icesave-skuldina í stað þess að fara strax með málið fyrir dómstóla.  Þetta var síðan samþykkt á Alþingi með miklum meirihluta.  Þannig að þegar núverandi stjórn tók við var hún bundin við samningaleiðina.  Nú þykjast Sjálfstæðismenn hvergi hafa komið nærri og beri enga ábyrgð og reyna all sem þeir geta til að tefja afgreiðslu þessa máls.  Það er stundum sagt; "Að kýrin man ekki alltaf að hún var eitt sinn kálfur." og á það mjög vel við hvernig Sjálfstæðismenn haga sér nú.  Þeir treysta á að íslenska þjóðin hafi "Gullfiskaminni".  En þar skjátlast þeim mikið.

 

 

Gleymdu 200 milljörðum

Baldur

Bæjarstjóra Vesturbyggðar var í gær afhentur undirskriftarlisti með á sjöunda hundrað nöfnum íbúa. Þeir mótmæla fyrirhugaðri fækkun á ferðum Breiðafjarðarferjunnar Baldurs. Heimamenn telja ferðaöryggi stofnað í hættu með þessum fyrirætlunum, enda einnig í farvatninu að fækka snjómokstursdögum.

Það væri brjálæði að fækka ferðum Baldurs, því þetta er eina leiðin fyrir sunnanverða Vestfirði, til að komast á hringveg 1.  Þótt vegir væru sagðir færir  er það oft miðað við velútbúna jeppa.  Að ætla að aka á venjulegum fólksbíl þessa leið er stórhættulegt, þar sem nánast öll byggð frá Barðaströnd og að Króksfjarðanesi er komin í eyði og ef eitthvað kemur fyrir er enga aðstoð hægt að fá.  Farsímasamband á þessari leið er mjög lélegt, svo það nýtist illa.  Einnig má benda á að það þarf að fara yfir marga hálsa og heiðar, sem varla er hægt í blindbil og lélegu skyggni.  Það skeði fyrir nokkrum árum að ungt fólk var á leið til Bíldudals og festi fólksbíl sinn á Kletthálsi og fólkið ætlaði að leita sér aðstoðar og gekk niður í eyðifjörð og komst síðan að bílnum aftur og varð úti þar. Þetta er líka eina leiðin sem vöruflutningabifreiðar geta notað yfir veturinn.

Mótmæla fækkun ferða Baldurs

Góðærið

Hið taumlausa góðæri síðustu ára var drifið áfram af botnlausri lántöku sem gat af sér eignabólu, sem aftur gaf almanna tilfinningu fyrir velsæld. Öll fyrirbrigði íslensks samfélags kaffærðu sig í lánum; sveitarfélög, opinber fyrirtæki, einkafyrirtæki, heimili og einstaklingar – allir nema ríkið, skrifar Gunnar Smári Egilsson, fyrrverandi forstjóri Dagsbrúnar á vef SÁÁ.

Ég man ekki betur en þessi sami Gunnar Smári hafi verið á fullu í allri vitleysunni og ætlaði að gleypa heiminn með fríblöðum.  Hann fékk að njóta sín vel á meðan allt var í lagi og tók botnlaust lán til að halda áfram í leiknum.  En þegar allt sem hann kom nálægt var rekið með botnlausu tapi, þá flúði kappinn eins og dauðadæmd rotta flýr sökkvandi skip og fór að gagnrýna öll viðskipti, jafnvel sín eigin og ég held að honum fari best að steinhalda kjafti.

Gunnar Smári: Góðærið drifið áfram af botnlausri lántöku

Persónuafsláttur

Fulltrúaráðsfundur Starfsmannafélags Reykjavíkurborgar mótmælir harðlega þeim áformum ríkisstjórnarinnar að standa ekki við þau fyrirheit sem gefin voru í tengslum við kjarasamninga á árinu 2008.

Þessi fyrirheit voru að persónuafsláttu hækkaði um kr: 7,000,- umfram verðlag á næstu þremur árum og hækkaði hann um kr: 2.000,- um síðustu áramót, þegar þetta loforð var gefið ríkti hér góðæri á öllum sviðum.  En nú ríkir hér hallæri, sem er vegna mesta hruns efnahags Íslandsögunnar.  Þess vegna verð allir íslendingar að taka á sig auknar byrgðar í formi hærri skatta.  Það er skorið niður útgjöld allstaðar þar sem það er hægt.  Meira að segja hafa bætur til ellilífeyrisþega og öryrkja verið skertar.  Þau loforð sem voru gefin í góðærinu er ekki hægt að standa við nú, eins og staða ríkissjóðs er í dag.  En þar sem þetta átti að gerast á þremur árum og fyrsti hlutinn kominn er ekki útilokað ef allt gengur vel að hægt verði að standa við þetta innan þess tímaramma sem gefin var.Félagar í starfsmannafélagi Reykjavíkurborgar hafa þó það umfram marga aðra að hafa örugga vinnu og ættu því að hafa meiri getu til að raka á sig tímabundið hækkun skatta.

 

Mótmæla harðlega sviknum loforðum

Bensínverð

Magnús Ásgeirsson, innkaupastjóri eldsneytis hjá N1, segir að hækkun eldsneytisverðs í gær sé til komin vegna hækkunar heimsmarkaðsverðsins.

Olíufélögin eru alltaf mög fundvís á ástæður til hækkunar, en bregðast mun seinna við að lækka verð þótt öll rök séu til þess. Að halda því síðan fram að nú sé verið orðið rétt og muni ekki breytast næstu árin.  Hvers konar andskotans kjaftæði er þetta, er þetta sett fram til að bifreiðaeigendur verði sáttari með þessa hækkun núna og trúi því að bensínverð muni ekki breytast hér á landi næstu ár.  Magnús Ásgeirsson veit ósköp vel að bensínverð mun halda áfram að breytast, bæði hækka og lækka.Bæði spilar þar inn í breytingar á gengi og olíuverði á heimsmarkaði.

Spáir svipuðu verði næstu ár