Rak alla umboðsmenn sína

Leikarinn og tónlistarmaðurinn Jared Leto hefur rekið alla umboðsmenn sína aðeins mánuði áður en hljómsveit hans 30 Seconds To Mars sendir frá sér nýja plötu, This Is War.

Ekki hefur Jared gefið upp neina ástæðu fyrir þessum brottrekstri, þótt eftir hafi verið leitað, enda ekki skyldugur til þess.  Ætli honum hafi ekki ofboðið allir þeir peningar, sem þessir menn fengu, vitað er að flestir umboðsmenn mergsjúga fræga listamenn.

Smámunasamur sérvitringur

Ættleiðingar

Samkvæmt bráðabirgðatölum Hagstofu Íslands voru 69 einstaklingar ættleiddir á Íslandi árið 2008. Þetta er talsvert hærri tala en árið á undan, en þá voru ættleiðingar 51, en það ár áttu sér stað mun færri ættleiðingar en árin á undan. Árið 2008 voru stjúpættleiðingar 46 en frumættleiðingar 23.

Hafa íslenskar konur nú ekki tíma til að fæða börn, ekki trúi ég að þær nenni ekki að fæða börn.  Eða kann fólk þetta ekki lengur.  Ef þetta er kunnáttuleysi þá er auðvelt að bæta úr því og ég skal með ánægju veita fólki upplýsingar um þetta.  Það eru tvær aðferðir til að búa til börn, ein til að barnið verði strákur og önnur ef barnið á að vera stelpa.  Ég á sjálfur 4 börn sem eru 2 strákar og 2 stelpur.Það má bæði hringja í mig eða senda tölvupóst á netfangið: [e-mail], ég get líka komið í heimahús og verið með verklega kennslu en það er nokkuð dýrt.

Ættleiðingum fjölgar

Siglufjörður

Mikil sala hefur verið á fasteignum í Siglufirði síðustu mánuði. Frá júlílokum hefur fasteignasalan Domus selt tólf eignir á staðnum, sem telst mikið þar í bæ.

Þetta telst ekki mikið bara á Siglufirði, heldur á landinu öllu.  Ef þetta hefði verið í Reykjavík væri það stórfrétt og flestir fasteignasalar komnir í fréttir um að fasteignamarkaðurinn væri allur að lifna við.  En það sem er að gerast er að fólk er að uppgötva að í dag er hægt að fá góð íbúðarhús á landsbyggðinni fyrir brot af því sem sæmilegur sumarbústaður kostar.  Hér á Bíldudal eru um 30 hús, sem fólk notar sem sumarhús, þessir farfuglar koma á vorin og fara á haustin og hefur þetta bæði kosti og ókosti.

Kostirnir eru;  íbúafjöldinn eykst mikið á sumrin og fólkið kaupir margskonar þjónustu og skilur því eftir peninga á stöðunum og þetta auðgar mannlífið um tíma.

Ókostirnir eru;  Nær allt þetta fólk er með lögheimili á öðrum stöðum og greiðir því ekkert í sameiginlegan bæjarsjóð en fær samt alla þjónustu frá viðkomandi sveitarfélagi, t.d. sorphirðu, vatn ofl.  Ef fólkið væri gert skylt að flytja lögheimili sín til að fá áðurnefnda þjónustu, yrði þetta mikil lyftistöng fyrr viðkomandi bæjarfélög.

Hefur selt 12 eignir í Siglufirði á nokkrum mánuðum

Tíma-viðmiðun

Það er oft skrýtið hvernig margt fólk miðað ákveðna atburði við biss tímamörk.  Eyjamenn tala um tímann fyrir og eftir Gos og nú geta Íslendingar talað um tímann fyrir og eftir Hrunið mikla.  Eða tímann fyrir og eftir Davíð

Gamall maður hér á Bíldudal var eitt sinn spurður um aldur einnar dóttur sinnar, sem hann gat ómögulega munað.  En taldi sig þó muna fæðingar árið nokkuð vel og sagði; "Æ það var sama árið og hann Guðbjartur gaf mér kartöflurnar." og þá var málið komið á hreint. 

Mörg svipuð svör hef ég heyrt, en man ekki núna.  En lesendur góðir ef þið kunnið sniðug tímamörk. skrifið þær í athugasemdirnar hjá mér bið þessa færslu.

Brann yfir

Slökkvilið höfuðborgarsvæðisins var kallað að einbýlishúsi við Hlíðartún í Mosfellsbæ um kl. 19.30 í gærkvöldi. Þar fór eldvarnakerfi í gang. Töluvert mikill reykur var í húsinu þegar slökkviliðið kom á staðinn. Tveir reykkafarar voru sendir inn og fundu strax brauðgerðarvél sem brunnið hafið yfir.

Fest getur nú skeð, Hús alelda í Eyjum og brauðgerðavél í Mosfellsbæ.  Það er eitthvað að í þessu húsi í Mosfellsbæ.  Því höfuðrofi í rafmagnstöflu á að slá út öllu rafmagni um leið og einhver rafmagnsbilun verður, því hefði þessi brauðgerðarvél ekki átt að geta brunnið svona mikið og fyllt húsið af reyk, nema það hafi verið ætlun húseigenda að láta þessa vél brenna.  Annars er mikið um sérkennilega bruna eftir Hrunið mikla og allt atvinnuleysið.  Nýir bílar brenna, þótt þeir séu ekki í gangi og bara stoppaðir á einhverjum stað.  Hvað verður næst?  Eru að rætast orð skáldsins sem orti;

Brennið þið vitar.

Brauðgerðarvél brann yfir

Icesave

Samtök hollenskra innistæðueigenda Icesave-reikninga Landsbankans í Hollandi, er nefna sig Icesaving, hafa sent kæru til Eftirlitsstofnunar EFTA í Brussel, ESA.

Hvaða andskotans rugl er nú þetta?  Eru Hollensk yfirvöld ekki með kröfur á íslendinga vegna þess að þau hafa fullyrt að þau væru búin að greiða öllum innistæðueigendum út sína innistæður.  Er þetta þá bara lygi og Hollendingar bara að reyna að ná sér í meiri peninga.  Það er augljóst að Samtök hollenskra innistæðueigenda, sem í eru um 200 manns væru ekki að senda þessa kæru ef allir væru búnir að fá greitt.

Kæra vegna taps á Icesave

Eldsvoði

Lifrarsamlagið við Strandveg í Vestmannaeyjum er nú alelda. Erfiðlega gengur að eiga við eldinn, að sögn lögreglunnar í Vestmannaeyjum. Allt slökkvilið bæjarins og slökkvilið Vestmannaeyjaflugvallar eru á staðnum. Tilkynnt var um eldinn um fjögurleytið í nótt.

Það mun vera elsta húsið, sem mesti eldurinn er í og talsverður vindur er í Eyjum, sem gerir slökkviliðinu erfitt fyrir að slökkva eldinn.  Eldurinn er kominn í lýsið og þá brennur þetta sennilega allt til grunna.  Þetta eru eldgamlir húskofar sem enginn eftirsjá er í.  Þetta er líka vel tryggt svo tjón eigenda verður lítið.

Þeir eru nokkuð duglegir í Eyjum að kveikja í húsum sínum, því ekki er langt síðan stórbruni varð í frystihúsi Ísfélags Vestmannaeyja, sem er eitt mesta tjón sem Tryggingarmiðstöðin hefur þurft að bæta.

Þeir njóta eldanna, sem fyrstir kveikja þá.

	Lifrarsamlagið er alelda
Ábyrgðarmaður færslu Tenging við þessa frétt hefur verið rofin vegna kvartana.

Spakmæli dagsins

Ástin er blind,

en nágrannarnir ekki

(Ókunnur höfundur)

Árásir á Bagdad

Átta létust og fjórtán særðust í árásum í verslunarhverfi í Bagdad í dag. Samkvæmt upplýsingum frá innanríkisráðuneyti Íraks voru árásirnar gerðar á sama tíma á þremur stöðum í hverfi sjíta í borginni.

Ég segi nú eins og kellingin sagði eftir fréttir af heimstyrjöldinni;

Þetta endar með því að þeir slasa einhver eða drepa í öllum þessum látum.

Mannskæðar árásir í Bagdad

Klósettferðir

Japanskt flugfélag hefur tekið markmið sitt um að draga úr þyngd flugvéla í flugi upp í nýjar hæðir með því að biðja flugfarþega á einhverjum áætlunarleiðum sínum um að fara á salernið áður en farið er um borð.

Flest getur nú mönnum dottið í hug, fólk verður ekkert léttara þótt það fari á salerni.  Hvað með ófrískar konur? Verður farið að taka ófædd börn með keisaraskurði áður en þær fá að fara um borð í flugvél.

Í þessu sambandi dettur mér í hug atvik ,sem ég lenti í fyrir mörgum árum.  En þá var ég að fara að fljúga með flugfélaginu Vængjum frá Reykjavík til Bíldudals og var með lítinn kassa sem í var rafmagnsmótor, sem þurfti nauðsynlega að komast með vestur.  Þegar ég lét minn farangur á vigtina sagði afgreiðslumaðurinn; "Þetta er talsvert mikið og hvað er í þessum kassa, sem er svona þungur"  Ég sagði að það væri rafmagnsmótor, sem ég yrði að koma vestur.  "Það gengur ekki, þú verður að skilja hann eftir, því vélin er að verða alltof þung."  Ég sagði manninum að þessi mótor væri í færiband í frystihúsinu sem ég rak og vinna hjá 80 manns væri í hættu ef mótorinn kæmist ekki með.  Hann klóraði sér í hausnum smá stund og sagði svo; "Ef þú treystir þér til að hafa mótorinn sem handfarangur og sitja með hann í fanginu vestur þá sleppur þetta með þyngdina."  Ég samþykkti það strax og vestur komst ég með mótorinn en hvers vegna vélin var léttar við það eitt að ég sæti með mótorinn í fanginu en hann væri ekki í farangursgeymslu vélarinnar skildi ég aldrei.

Fyrst á klósettið - síðan um borð