Brandari dagsins

  Eitt sinn hittust þeir og voru kynntir í samkvæmi.  Séra Baldur prófastur í Vatnsfirði í Ísafjarðardjúpi og  Auðunn Karlsson athafnamaður í Súðavík.  Voru menn aðeins í glasi og þegar Auðunn heilsar prestinum segir hann allhátt svo allir máttu heyra;

"Þú ert nú ekkert nema kjafturinn." 

Auðunn er maður lávaxinn og þétt holda.  Séra Baldur hvessir á hann augum og svarar;

"Og þú ert ekkert nema meltingarfærin góði".

Hjúskaparmiðlun

Átta vel stæðir piparsveinar í Kína hafa greitt sem samsvarar 675 þúsundum íslenskra króna hver til þess að mega taka þátt í keppni þar sem markmiðið er að finna framtíðarmaka.

Vonandi finna þessir auðugu menn maka við sitt hæfi.  Ástin skiptir engu máli, þeir líta á þetta eins og hver önnur viðskipti.

Keppni í hjúskaparmiðlun

Þýskaland

Angela Merkel, kanslari Þýskalands, sagði í morgun, að sameiningu Þýskalands væri enn ekki lokið þótt 20 ár séu í dag liðin frá falli Berlínarmúrsins. Lífsgæði í austurhluta landsins eru enn lakari en í vesturhlutanum.

Það eru eðlilegar skýringar á þessum mismun milli austurs og vesturs Þýskalands.  Í austur hlutanum var fólk orðið vant því að fá alltaf vinnu og laun.  Þótt vinnan væri í raun tilgangslaus og skilaði engu.  Það mun taka heila mannsævi að ljúka þessari sameiningu endanlega.

Merkel: Sameiningu ekki lokið

Þjóðkirkjan

Þjóðkirkjunni er samkvæmt fjárlagafrumvarpi næsta árs gert að hagræða í rekstri sínum um 161 millj. kr. Heildartekjur á næsta ári nálgast að vera tæpir fjórir milljarðar króna.

Ekki er nú hægt að kalla þetta mikinn niðurskurð 161 milljón af 4 milljarða tekjum.  En auðvitað verður Þjóðkirkjan að spara eins og aðrir í þjóðfélaginu.

Þjóðkirkjan þarf að skera niður um 161 milljón króna

Reiði

Ingibjörg Sólrún Gísladóttir, fyrrum utanríkisráðherra og fyrrum formaður Samfylkingarinnar, segir í viðtali við fréttamanninn Sölva Tryggvason að hún ásaki sjálfa sig fyrir að hafa valdið reiðibylgju í samfélaginu.

Er Ingibjörg nú ekki að ofmeta sjálfa sig, ef hún telur að öll reiði í samfélaginu megi rekja til hennar.

Ásakar sjálfa sig fyrir að hafa valdið reiði

Hækkun á olíu

Verð á hráolíu hefur hækkað á heimsmarkaði í morgun og er það m.a. rakið til þess að fellibylurinn Ida er kominn inn á Mexíkóflóa. Mjög hefur þó dregið úr styrk óveðursins.

Þetta er með ólíkindum, það virðist nánast flest sem skeður í heiminum, leiði til hærra olíuverðs.  En ekkert sem leiðir til lækkunar.

Olíuverð hækkar vegna fellibyls

HS-orka

HS Orka hefur átt í viðræðum við lánveitendur sína undanfarið en í lok síðasta árs uppfyllti félagið ekki kröfur í lánasamningum eiginfjárhlutfall og rekstrarhlutföll sem veitir lánveitendum heimild til gjaldfellingar lána. Eru viðræður á lokastigi en ekki hefur náðst samkomulag við lánveitendur.

Ekki er ástandið gott hjá þessu fyrirtæki og ef öll þessi lán verða gjaldfelld mun fyrirtækið komast í þrot.  En hvernig var með þetta kanadíska félag, sem á orðið stóran hlut í HS-orku, ætlaði það ekki að koma með mikla peninga inn í fyrirtækið.  Eða var þetta bara sýndarmennska?

Reynt að semja við lánveitendur HS Orku

Innflytjendur

Ný viðhorfskönnun gerð meðal tæplega 800 innflytjenda hérlendis leiðir í ljós að 60% þeirra telja sig hafa aðlagast íslensku samfélagi vel eða mjög vel.

Það má vel vera að þeir telji sig hafa aðlagast íslensku þjóðfélagi vel.  En mikið skortir nú á íslenskukunnáttu hjá mörgum.

Íslenskukunnátta lykill að þjóðfélaginu

ESB

Fyrsti fundur samninganefndar Íslands vegna fyrirhugaðra aðildarviðræðna við Evrópusambandið verður haldinn á miðvikudag. Erindisbréf nefndarinnar var sent út fyrir helgi en hefur ekki borist öllum nefndarmönnum.

Hvaða mikli hraði er á þessu.  Er ekki nóg að halda fund þegar nefndarmenn hafa fengið sín skipunarbréf.  Án þeirra eru allir nefndarmenn umboðslausir og tilgangslaust að vera með fund vegna ESB.

Áhersla á auðlindirnar

Ungbarnadauði

Hvergi í heiminum var ungbarnadauði fátíðari en á Íslandi árið 2007 eða 1,5 af 1.000 lifandi fæddum. Í Evrópu var ungbarnadauði tíðastur í Tyrklandi eða 16,7 af 1.000 lifandi fæddum árið 2007.

Þetta eru auðvitað jákvæðar fréttir, en það neikvæða við þetta er að hvert nýfætt barn, kemur í þennan heim, sem stórskuldugur Íslendingur.  Framtíð þessara barna er sú að verða þrælar Alþjóðagjaldeyrissjóðsins alla sína ævi.

Ungbarnadauði fátíðastur hér