Spakmæli dagsins

Lífið er ekki eins slæmt og halda mætti.

Hið eina sem þarf er að sætta sig við hið ómögulega,

Komast af án þess sem er ómissandi

og afbera það sem er óþolandi.

(Kathleen Norris)

Afsökun

Fullorðnir karlmenn sem sofa hjá stúlkum undir lögaldri geta ekki lengur afsakað sig með því að þeir hafi verið drukknir þegar þeir hittu þær og þeir þ.a.l. haldið að þær væru eldri. Þessu halda vísindamenn við Háskólann í Leicester í Bretlandi.

Mikið er mér létt að þetta er komið á hreint.

Áfengið er engin afsökun

Umferðareftirlit

Þrjátíu ökumenn voru staðnir að hraðakstri í Skógarseli í Reykjavík í gær en þar var staðsett ómerkt lögreglubifreið sem var búin myndavélabúnaði. Á einni klukkustund eftir hádegi óku 250 ökutæki suður Skógarsel fram hjá bensínstöð N1s. Alls óku 12% ökumanna því of hratt eða yfir afskiptahraða.

Verður aldrei hægt að láta umferðina í Reykjavík ganga eðlilega fyrir sig, á afskipta lögreglu.

Lögreglan fylgist með lögbrjótum í umferðinni

Atvinnuleysið

Atvinnuleysið virðist orðið nokkuð stöðugt að mati Aðalsteins Árna Baldurssonar, formanns Framsýnar stéttarfélags. Hann segir nú rúmlega 200 manns á atvinnuleysisskrá í Þingeyjarsýslum en það er svipaður fjöldi og var fyrir hálfum mánuði. Aðalsteinn segir að talan muni þó hækka þegar skólafólk streymir út á vinnumarkaðinn.

Þá er atvinnuleysið orðið stöðugt en hvort það er gott eða vont veit ég ekki.

Atvinnuleysið stöðugt

Skólabygging

Íslandsbanki og Fljótsdalshérað hafa gert með sér samning um fjármögnun á ný- og endurbyggingu við Grunnskólann á Egilsstöðum. Verkefnið er eitt það stærsta sem sveitarfélagið hefur ráðist í en gert er ráð fyrir að nýja byggingin verði rúmir fjögur þúsund fermetrar.

Er þetta ekki sama sveitarfélagið og Kristján Möller var að færa 100 milljóna króna aukaframlag úr jöfnunarsjóði sveitarfélaga.  Þegar virðist rofa til í fjármálunum, þá á að hella sér í stórfelldar lántökur.

Samið um fjármögnun skólabyggingar

Greiðir bætur

Kópavogsbæ var í Héraðsdómi Reykjaness í dag gert að greiða fjórum einstaklingum bætur vegna skerðingar á lóðarleigurétti þeirra að lóðunum Vatnsenda­bletti 381 og 382 sem þau hafa orðið fyrir vegna skipulags og uppbyggingar svonefnds Hvarfahverfis í Kópavogsbæ. Jafnframt var Kópavogsbæ gert að greiða hverju þeirra 150 þúsund krónur í málskostnað.

Hvernig má það vera að skipulagsmál hjá einu bæjarfélagi virðist vera tómt rugl og bærinn þurfi að greiða skaðbætur þess vegna.

Kópavogsbæ gert að greiða bætur

Ljósastraur

Ökumaður fólksbifreiðar missti stjórn á bifreiðinni á Digranesvegi í Kópavogi með þeim afleiðingum að bifreiðin hafnaði á ljósastaur. Lögreglan og sjúkralið er á staðnum, en tilkynning barst um kl. 13:50. Að sögn Slökkviliðs höfuðborgarsvæðisins er ökumaðurinn ekki alvarlega meiddur.

Enn og aftur eru ljósastaurar að þvælast fyrir bifreiðum, svo úr verður slys.

Ók á ljósastaur á Digranesvegi

Hlutur kvenna í framboði

Mun færri konur eru á framboðslistum flokkanna fyrir alþingiskosningarnar á laugardag en í kosningunum 2003 og 2007. Hlutfall kvenna er nú rúm 40% en var rúm 47% árið 2007. Lakast er hlutfall kvenna í Norðausturkjördæmi eða 33%.

Hvernig getur staðið á þessu þegar nær allir flokkar hafa lýst því yfir að hafa á sínum framboðslistum jafnt af konum og körlum.

Færri konur á framboðslistum

Framlag

Kristján L. Möller samgönguráðherra afhenti bæjarstjóra Fljótsdalshéraðs í dag staðfestingu á greiðslu 100 milljóna króna viðbótarframlags Jöfnunarsjóðs sveitarfélaga vegna sameiningar Austur-Héraðs, Norður-Héraðs og Fellahrepps árið 2004.

Einhver kosningarlykt er nú af þessu.  Ég hélt að það væri allt í blóma þarna fyrir austan, það var alla veganna fullyrt að svo yrði ef þangað kæmi álver og það er komið og byrjað starfsemi.  Þess vegna skil ég ekki þetta aukaframlag.

Fljótsdalshérað fær 100 milljónir í viðbótarframlag

Sparnaður

Sérfræðingar norsku hönnunar- og ráðgjafarfyrirtækjanna Momentum Arkitekter AS og Hospitalitet AS telja ávinninginn af því að sameina rekstur Landspítala vera um 19 milljarða króna á núvirði til næstu 40 ára. Þetta kom fram á blaðamannafundi sem nú stendur yfir. Framkvæmdakostnaður er áætlaður 51 milljarður króna eða ríflega 600.000 krónur á fermetra.

19 milljarðar í 40 ár í sparnað er sæmileg upphæð og ef þetta er rétt mun byggingarkostnaður nýs spítala skila sér fljótt til baka.

Segja sameiningu spara 19 milljarða