Nýr framkvæmdastjóri

Nú hefur Jónmundur Guðmarsson, bæjarstjóri á Seltjarnarnesi verið ráðinn framkvæmdastjóri Sjálfstæðisflokksins.  Það mun ekki vera létt verk sem bíður hins nýja framkvæmdastjóra því fjármál Sjálfstæðisflokksins eru mjög erfið um þessar mundir og bæði á að endurgreiða styrkina frægu á 7 árum og svo eru sveitarstjórnarkosningar á næsta ári.

Það er talsvert skrýtið með endurgreiðsluna á þessum styrkjum að hvorki á að greiða af þeim vexti eða verðbætur.   Þetta ætti fólk að taka sér til fyrirmyndar og hætta að greiða vexti og verðbætur af sínum lánum.  Annars finnst mér að þarna hefði verið mjög heppilegt starf fyrir Gunnar Birgisson, bæjarstjóra í Kópavogi, sem er að hrökklast frá völdum vegna spillingar.  Gunnar hefði ekki verið lengi að koma fjármálum flokksins í lag með útgáfu á nokkrum reikningum til fyrirtækja og krafist greiðslu.  Gunnar er einmitt nægjanlega ósvífinn til að gegna þessu starfi.

Jónmundur framkvæmdastjóri Sjálfstæðisflokks

Áfengisauglýsingar

Nú hefur Héraðsdómur Reykjavíkur dæmt fyrrverandi ritstjóra Mannlífs. og auglýsingarstjóra útgáfufélagsins Birtings í 400 þúsund króna sekt hvorn fyrir áfengisauglýsingar sem birtust í Mannlífi í maí á síðasta ári. 

Hefði ekki verið nær að sekta félagið Birting sjálft um þessar upphæðir, því félagið naut tekna af þessum auglýsingum.  En hvenær ætli útvarpsstjóri Páll Magnússon verði dregin fyrir dóm vegna áfengisauglýsingar.  Því Ríkissjónvarpið birtir mjög of auglýsingar um bjór og þótt það standi litlum stöfum léttöl neðst í hægra horni slíkra auglýsinga, þá dylst það engum að verið er að auglýsa sterkan bjór.

Sektaðir fyrir áfengisauglýsingar

Dómur

Frekar þykir mér þessi dómur harður fyrir það eitt að greiða ekki fyrir nokkrar flöskur úr míníbar á hóteli, en kannski er hann ekkert harður jafnvel frekar mildur þar sem maðurinn notaði greiðslukort annars manns auk ýmiskonar fjársvik.

Borgaði ekki á míníbarnum

Vinnuslys

Alltaf er gaman að fá svona fréttir þegar óhöpp verða og allt fer vel að lokum.  Það getur margt skeð þegar menn eru að vinna á stórvirkum vinnuvélum.

Björguðu vinnufélaganum

Ný bók

Nú er komin út ný bók eftir þá Halldór Guðmundsson og Dag Gunnarsson, um íslenska efnahagshrunið.  Þessi bók mun líka verið gefin út í Þýskalandi og vakið þar mikla athygli og mun sjónvarpsstöðin ZDF ætla að sýna í kvöld þátt um íslensku kreppuna.

Ég held að þeim væri nær að sýna þátt um þýsku kreppuna, sem mun ekkert vera skárri en sú íslenska.  Kannski er þetta þeim einhver huggun í sinni kreppu að horfa á vandræðin á Íslandi.

„Velviljaður áhugi“ Þjóðverja á íslenska efnahagshruninu

Henging

Alveg er hún ótrúleg grimmdin hjá þessum íslamstrúarfólki.  Ásakanir á 15 ára dreng og málið ekkert skoðað betur heldur er drengurinn bara hengdur strax.

Hengdur af fjölskyldunni

Efnahagsvandræðin

Nú standa öll spjót á Steingrími J. Sigfússyni, fjármálaráðherra varðandi samningana um Icevsave og mikið gert úr því hvernig hann talaði um þessi mál þegar hann var í stjórnarandstöðu.  Steingrímur j. Sigfússon er ekki öfundsverður af sínu hlutverki núna, þegar allt er í rúst og allt hrunið sem hrunið getur.  Það verður þó að virða Steingrími til vorkunnar að hans flokkur VG kom ekki nálægt því að skapa þær aðstæður sem ollu þessum ósköpum, heldur margoft vöruðu við að þetta gæti skeð, en á það var ekki hlustað.

Þetta hrun á sér langan aðdraganda og margir hagfræðingar segja að upphafið megi rekja til upptöku kvótakerfis í sjávarútveginum.  Þá fyrst kynntust íslendingar því að hægt var að búa til peninga úr engu eða bara pappírum.  Þann grunn lögðu Sjálfstæðisflokkur og Framsókn á sínum tíma og seinna tók Samfylkingin við stöðu Framsóknar.  Bankarnir voru einkavæddir á furðulegan hátt, sem var mjög umdeilt á sínum tíma svo ekki sé meira sagt.  Það urðu mikil átök í einkavæðingarnefnd sem leiddi til þess að fulltrúi fjármálaráðherra, Steingrímur Ari Arason sagði sig úr nefndinni vegna óvandaðra vinnubragða að eigin sögn.  Niðurstaðan var sú að Sjálfstæðismenn fengu að kaupa Landsbankann og Framsóknarmenn Búnaðarbankann.  Glitnir hafði alltaf verið í einkaeign með fjölda hluthafa og þar á meðal mikla áhrifamenn í íslensku viðskiptalífi.  Reyndar hafði Glitnir fengið í vöggugjöf alla lánasjóði atvinnuveganna og var Fiskveiðasjóður þar stærstur.  Síðan fengu þessir bankar að vaxa og vaxa og allt eftirlit með þeim var í molum.  Upp spratt ný stétt nýríkra íslendinga, sem flaug um heiminn á einkaþotum og keypti þekkt fyrirtæki bæði í Bretlandi og Danmörku og allt á lánum.  Það virtist allt vera hægt, bæði þingmenn og ráðherrar lofuðu þessa miklu útrás íslendinga og meira að segja forsetinn fór erlendis í þeirra boði til að hrósa þeim og hampa.  Stjórnvöld voru meira að segja farin að tala um að Ísland gæti í framtíðinni orðið fjármálamiðstöð heimsins.  Það fóru að sjást laun af þeirri stærðargráðu að enginn hafði látið sig dreyma um áður.  En við fyrsta mótbyr hrundi allt eins og spilaborg og eftir sat þjóð sem var nánast skuldlaus en nú skuldug upp fyrir haus.  Fyrirtæki fóru að falla hvert af fætur öðru enda flest keypt með skuldsettri yfirtöku og út úr þeim hirt allt það fé sem þar var að finna.  Þá tók við eitt mesta atvinnuleysi í Íslandssögunni.  Meira að segja okkar aðal flugfélag Icelandair fékk nafnið FL-Group og var fljótlega fyrirferðamikið í fjárfestingum og braski síðar var skipt um nafn á því félagi og heitir það nú Stoðir og er í greiðslustöðvun og sennilega gjaldþrota.  Einnig keyptu íslendingar flugfélagið Sterling og gekk það kaupum og sölum milli manna og alltaf hækkaði verðið, en nú er það gjaldþrota

 Allt  þetta fékk Steingrímur J. Sigfússon í fangið þegar hann tók við embætti fjármálaráðherra og nú þegar tekist hafa samningar um Icesave-reikninganna sem á að gera upp með 15 ára láni með 5,5% vöxtum og afborgunarlaust fyrstu 7 árin og inn í samningnum er ákvæði um að ef greiðslugeta Íslands versni á samningstímanum skuli taka málið upp aftur og semja upp á nýtt.  Sjálfstæðismenn hafa gagnrýnt þessa vexti sem þeir telja  alltof háa, en þeir gleyma því að í október 2008 samdi þáverandi fjármálaráðherra Árni Matthíssen við Hollendinga um þeirra hlut í þessu máli og það var samið til 10 ára og afborgunarlaust fyrstu 3 árin og vextirnir voru 6,8%.  Þessi samningur Árna við Holland á sínum tíma gerði samningsmönnum íslands núna mjög erfitt fyrir og má teljast nokkuð afrek að hafa þó náð þeim samningi sem nú liggur fyrir.

Alþjóða Gjaldeyrissjóðurinn

Vigdís Hauksdóttir þingmaður Framsóknar sagði á Alþingi í dag að nú væri starfandi skuggaríkisstjórn Alþjóða Gjaldeyrissjóðsins.

Hún má svo sem alveg halda þessu fram en ætli hún viti ekki að við óskuðum eftir aðstoð frá þessum sjóði og skuldbundum þar með til að vinna eftir þeim reglum sem hann setur.

Skuggaríkisstjórn Alþjóðagjaldeyrissjóðsins

Hvalkjöt

Þetta er nú ekkert nema kjaftæði og áróður, hvað kemur Grænfriðungum það við hvort markaður er fyrir hvalkjöt í Japan eða ekki.  Það er fyrirtækið Hvalur hf. sem tekur alla fjárhagsáhættu af því hvort að markaður er eða ekki.  Það var líka fullyrt þegar veitt var síðast að enginn markaður væri fyrir kjötið en samt tókst Kristjáni Loftsyni að selja það til Japans á góðu verði.  Það sama verður einnig nú.

Segja ekki markað fyrir hvalkjöt í Japan

Mótmæli

Nú fer mótmælendum fjölgandi fyrir utan Alþingishúsið og ber potta og pönnur sem aldrei fyrr.  En nú eiga þessir mótmælendur sína 4 fulltrúa á þingi, sem eru þingmenn Borgarhreyfingarinnar.  Ætli þeir berji þá potta og pönnur inni í húsinu.

Hver veit?

Berja í búsháhöld