Spakmæli dagsins

Tækifærið gríptu greitt,

giftu mun það skapa,

járnið skaltu hamra heitt,

að hika er sama og tapa.

(Steingrímur Thorsteinsson)

Jennifer Aston

Nú er Jennifer Aston, sögð vera að slá sér upp með leikaranum Bradley Cooper.

Mikið lifandi skelfingar er ég feginn að Aston komst á deit.

Aniston aftur á séns

Hylur nekt sína með þorsk

Leikkonan Greta Sacchi hefur hafið baráttu til varnar fiskistofnum í hafinu.  Liður í þeirri baráttu er að láta taka mynd af sér með íslenskum þorski, sem hún notar til að hylja nekt sína.

Gerir leikkonan sér ekki grein fyrir að það getur ekki verið vörn fyrir fiskistofnum í hafinu ef byrja þarf á því að drepa einn þorsk.  Eins vaknar sú spurning hvar hún fékk þorskinn og hvort til var kvóti fyrir honum. 

Þetta mál er einmitt verkefni fyrir Fiskistofu að skoða.

 

Hylur nektina með íslenskum þorski

Mávar herja á hvali

Nú herja mávar á hvali við strendur Árgentínu og finnast nú æ fleiri dauðir hvalir.  Mávarnir ráðast á hvalina og gogga í gegnum ysta lag húðar hvalanna og komast í spiklag þeirra.  Vísindamenn standa ráð þrota gegn þessari plágu.

Hvað ætli hvalverndarsinnar segi við þessum fréttum.  Þeim sem er annt um hvali hljóta frekar vilja að þeir séu skotnir og drepist um leið, eins og við Íslendingar erum að gera með okkar hvalveiðum, frekar en þeir séu drepnir af mávum og kveljist jafnvel í marga daga.

Mávar ógna hvölum við Argentínu

Slæm staða

Ríkisendurskoðun segir að fjárlög muni ekki halda hjá um fjórðungi þeirra stofnanna, sem ný úttekt var gerð hjá.

Ef forstöðumenn ríkisstofnana geta ekki haldið sig innan ramma fjárlaga, þá á einfaldlega að reka þá.  Það getur ekki gengið að ár eftir ár fara sömu stofnanir ríkisins út fyrir fjárlög.

Fjárhagsstaða slæm hjá stofnunum

Sáttmáli

Nú hefur Jóhanna Sigurðardóttir, forsætisráðherra boðað til blaðamannafundar í Þjóðmenningarhúsinu klukkan 13:30 þar á að skrifa undir stöðuleikasáttmála ríkisstjórnarinnar og aðila vinnumarkaðsins.

Það var mikið að þessi ríkisstjórn kláraði eitt verk án þess að klúðra því.En óljóst hvort BSRB verður með og hvað gerir Ögmundur Jónasson formaður BSRB þá?

Sáttmálinn undirritaður eftir hádegi

Alvarleg staða

Fangelsin á Íslandi eru nú svo yfirfull að stórar líkur eru á því að það bitni á starfsfólki.

Eru ekki tómt húsnæði víða um land sem nota mætti sem fangelsi.  Hvað með alla gömlu stóru héraðsskólanna eru þeir ekki flestir auðir.  Eins ætti að senda alla erlenda fanga til síns heimalands og láta þá afplána sinn dóm þar.  Það er alveg fáránlegt að til skuli vera biðlistar á að komast í fangelsi á Íslandi.  Hegningarhúsið við Skólavörðustíg er talið heilsuspillandi enda byggt 1874.

Þarf að vera einhver lúxus í okkar fangelsum.  Það mætti leysa þetta að hluta með GPS-tækninni, en þá eru fangar sem ekki eru taldir hættulegir umhverfi sínu sendir úr fangelsum og heim til sín og ökklaband sett á fanganna svo að alltaf er með GPS hægt að fylgjast með ferðum þeirra.  Þetta er algengt víða erlendis.

Alvarleg staða í fangelsum á Íslandi

Siðlaust

Aldrei hefði ég trúað að Jóhanna Sigurðardóttir tæki þátt í að skerða kjör okkar lífeyrisþega.  Ég sem kaus Samfylkinguna vegna þess að ég taldi að það væri eini flokkurinn sem ALDREI myndi skerða okkar  kjör meira en orðið er.  En nú á að ráðast á okkur sem minnsta möguleika höfum til að bjarga okkur.  En það á að vernda alla sem eiga fullt af peningum inn í bönkum, sama hverra þjóðar það fólk er.  Væri ekki nær að reyna að ná í þá peninga, sem útrásarvíkingarnir stungu undan í erlend skattaskjól.

Ég held að tími Jóhönnu sé liðinn og burt með þessa andskotans ríkisstjórn. Hvað var úr hugmyndinni að hinu norræna velferðarkerfi, sem mikið hefur verið talað um.

Siðlaus bótaskerðing

Hæfasti starfsmaðurinn

Starfsmannastjóri í einu fyrirtæki þurfti að ráða einn starfsmann.  Eftir að hafa farið yfir allar umsóknirnar, sem bárust, stóðu eftir fjórir allir jafnhæfir.  Hann ákvað að boða þá alla á sinn fund og leggja fyrir þá eina spurningu.  Svörin myndu síðan ráð hver yrði ráðinn.  Þegar þessir fjórir eru síðan allir mættir í fundarherbergi fyrirtækisins, spyr starfsmannastjórinn; "Hvað er það hraðasta sem þið vitið um?"

Sá fyrsti segir: HUGSUN.   "Mannshugurinn virkar ótrúlega hratt og maður getur fengið ótrúlegustu hugmyndir á nokkrum sekúndum."   "Mjög gott segir starfsmannastjórinn."

Næsti segir: BLIKK AUGANS.  "Það kemur og fer án þess að þú þurfir að hugsa um það."  Frábært segir starfsmannastjórinn.  "Augnablik er einmitt mjög oft nota, sem mælikvarði á eitthvað sem gerist mjög hratt."

Sá þriðji segir: HRAÐI LJÓSINS.  Starfsmanna stjórinn var yfir sig hrifinn og hélt sig hafa fundið rétta manninn.

Sá fjórði segir: NIÐURGANGUR.  " Ha? spyr starfsmannastjórinn, steinhissa á svarinu." "Bíddu leyfðu mér að útskýra þetta sagði sá fjórði.  Sjáðu til um daginn leið mér ekki vel og fór á klósettið.  En áður en ég gat hugsað, blikkað, eða kveikt ljósin þá var ég búinn að drulla í buxurnar."

Sá fjórði var ráðinn.

Stóð sig vel

Sverrir Guðnason var valinn besti leikarinn á alþjóðlegu kvikmyndahátíðinni í Shanghai.  Hvaða áhrif þetta kann að hafa á framtíð þessa leikara er óráðið, en hlýtur samt að auka möguleika hans í kvikmyndaheiminum.

„Við komum alveg af fjöllum“