Spakmæli dagsins

Melrakka-augað er flóttaflátt

flærðin rist í hver andlitsdrátt,

og glottið ein glæpasaga.

(Einar Benediktsson)

Fjárdráttur

Fyrrum fjármálastjóri Garðabæjar hefur verið dæmdur í 6 mánaða skilorðabundið fangelsi fyrir fjárdrátt.  Það voru nú ekki nema 9,2 milljónir sem manngreyið fékk að láni.

Ég hélt að þeir væru svo ríkir þarna í Garðabæ að þeir væru ekki að kippa sér upp við svona smá upphæðir.

Fyrrum fjármálastjóri dæmdur fyrir fjárdrátt

Norður-Kórea

Þá hefur sonur Kim Jong leiðtoga Norður-Kóreu, sem einnig heitir Kim Jong verið settur yfir leyniþjónustu landsins.

Þá liggur það fyrir hver muni taka við völdum þegar Kim Jong eldri deyr.  Auðvitað er óþarfi að hafa kosningar í þessu einræðisríki.  Þetta er alveg eins og konungsríki að sonurinn erfir völd föður síns, en þá er það yfirleitt elsti sonurinn en í þessu tilfelli er um að ræða yngsta soninn.  Hinir tveir eru taldir of vitlausir til að þeim séu falin einhver völd.

Sonur leiðtoga Norður-Kóreu hækkar í tign

Hrafnshreiður

Nú hefur hrafninn tekið upp á því að gera sér hreiður upp í trjám.  Ég hélt að hrafninn héldi sig aðallega hátt upp í fjöllum og gerði sín hreiður þar.  En nú er greinilega að verða breyting á því, enda ólíkt notalegra að vera með hreiður upp í tré frekar en á einhverri klettasyllu.

Hrafnshreiður uppi í tré

Túnfiskur

Svo kann að fara að með hlýnun jarðar þá muni túnfiskur geta þrifist vel í Norðursjó.  Þá verður kannski ekki langt að bíða þess að túnfiskur verði algengur hér við land.

Túnfiskur í Norðursjó?

Fangar

Nú hafa fangar á Litla-Hrauni fengið það verkefni að skanna inn ljósmyndir fyrir Ljósmyndasafn Siglufjarðar.  En fangarnir hafa litla vinnu haft undanfarið vegna þess að nær öll framleiðsla á númeraplötum á bíla hefur stöðvast.

Fangar skanna myndir

Atvinnuleysi

Það er áætlað að 22% erlendra ríkisborgara á íslenskum atvinnumarkaði séu án atvinnu og þiggi atvinnuleysisbætur.  Dæmi munu vera um að erlent fólk sem var flutt burt af landinu, hafi komið hingað aftur.  Þar sem atvinnuleysisbætur hér á landi eru hærri en þau laun sem hægt var að fá í heimalandinu.

Hvers vegna er verið að hleypa erlendu fólki inn í landið bara til þessa að þiggja atvinnuleysisbætur?  Er Atvinnuleysistryggingasjóður ekki við það að tæmast og er það ekki nægjanlegt að greiða íslenskum ríkisborgurum atvinnuleysisbætur.  Ég hefði haldið að nægt atvinnuleysi væri á Íslandi nú þegar og óþarfi að flytja fólk inn til að auka atvinnuleysið.

Mikið atvinnuleysi meðal erlendra ríkisborgara

Einar Karl

Nú hefur Einar Karl Haraldsson verið ráðinn tímabundið í forsætisráðuneytið og á að vinna það að ýmsum verkefnum á meðan hann er á biðlaunum.

Þetta finnst mér vera rétt stefna að láta þá sem eru á biðlaunum vinna fyrir þeim launum.  Það hefur alltof oft tíðkast að fólk á biðlaunum fari baraheim og geri ekki neitt nema hirða launin sín.  Sumir hafa jafnvel gengið svo langt að fara í annað starf þótt þeir séu á biðlaunum.  Margir þingmenn á Alþingi í dag fá bæði þingfarakaup og þiggja biðlaun, sem fv. ráðherrar.  Það var aðeins einn ráðherra sem afsalaði sér biðlaunum en það var Björgvin G. Sigurðsson fv. viðskiptaráðherra.

Einar Karl tímabundið í forsætisráðuneytinu

Nýr framkvæmdastjóri

Þá hefur Guðmundur Þ. Þórhallsson verið ráðinn framkvæmdastjóri Lífeyrissjóðs verslunarmanna.  Nú er spurningin á kvaða kjörum hann var ráðinn. 

Vonandi ekkert svipað og fyrrverandi framkvæmdastjóri hafði í laun og hlunnindi.

Guðmundur ráðinn framkvæmdastjóri LV

Að græða í kreppunni

Fjárfestingarbankinn Goldman Sachs ætlar að greiða starfsfólki sínu risabónusa í lok ársins ef reksturinn verður jafn góður og hingað til.  Ég ætla að vona að íslensku bankarnir fari ekki að taka slíkt upp aftur.

Risabónusar þökk sé kreppu