Reykingar

Lögreglan á Suðurnesjum tók á móti flugfarþega sem hafði kveikt sér í sígarettu á salerni flugvélar Iceland Express með þeim afleiðingum að reykskynjari á salerninu fór í gang. Einn flugfarþega sagði í samtali við mbl.is að umræddur „reykdólgur“ hafi staðið upp og gengið inn á salernið bæði þegar vélin tókst á loft og við lendingu.

Hvað var maðurinn eiginlega að hugsa, veit hann ekki að það er stranglega bannað að reykja í flugvélum.  Þótt ég sé mikill reykingarmaður kann ég þó að virða lög og reglur.  Að fara inn á klósett til að reykja við lendingu get ég hreinlega ekki skilið.  Það er enginn svo forfallinn reykingarmaður til að hann geti ekki sleppt því að reykja í nokkra klukkutíma.  Þetta er rugl sem taka á hart á, það er engin afsökun til fyrir því að haga sér svona.  Þennan mann ætti að setja í algert flugbann. 

Kveikti sér í sígarettu við flugtak

Athugasemdir

[Jón Bragi Sigurðsson, 20.11.2007 kl. 18:25]

Já, það er auðvelt að hneykslast á og úthúða einum óþekktum manngarmi sem verður á í messunni. En það eru víðar reykingadólgar en um borð í flugvélum.

Hvenær ætlið þið Íslendingar að taka á ykkur rögg og kæra þá þingmenn sem reykja innan veggja alþingishússins í trássi við þau lög sem þeir sjálfir settu? Eða við hvaða lög eða undanþágu frá lögum styðjast þeir við?

Einu rökin sem ég hef heyrt voru eftir forseta alþingis sem sagði að "við getum ekki haft þingmenn standandi úti að reykja". Sem sagt fullgott fyrir skrílinn að standa úti í hvaða veðri sem er!

Á bara að nöldra eitthvað í skeggið og láta þetta óátalið?

[Helgi Hrafn Gunnarsson 20.11.2007 kl. 19:08]

Algert flugbann, nei, fjandinn hafi það... sekta hann bara svolítið, það ætti að virka. Hann þarf bara að spyrja sig hvort hann geti haldið í sér gegn því að missa ekki svosem einhverja þúsundkalla (og ekki nenni ég að rífast um hversu marga nákvæmlega). Algert flugbann er nú vissulega óþarfi.

[Guðrún Magnea Helgadóttir, 20.11.2007 kl. 22:47]

Bann við reykingum á að virða... Hvar sem er...

[Olafur Alexander Lúkas Alvaro, 21.11.2007 kl. 01:59]

það er greinilegt að það vantar á eitthvað í hausinn á höfindi þessarar síðu

[Jakob Falur Kristinsson, 21.11.2007 kl. 11:20]

Getur þú þá ekki bent mér á Ólafur hvað vantar í mitt höfuð, eða ert þú á þeirri skoðun að það sé allt í lagi að brjóta lög og reglur.  Það sem er bannað er einfaldlega bannað flóknara er það ekki. 

Jón Bragi: Þótt einhverjir hafi komist upp með að reykja í flugvélum er þar með ekki verið að um leið sé komin heimild fyrir alla að gera slíkt hið sama.  Hvernig heldur þú að ástandið yrði um borð í flugvélum ef allir væru að reykja inn á klósettum vélanna.  En hvað varðar alþingismennina þá eru þeir ekki að brjóta nein lög því það er heimild í lögunum að veita undanþágu ef útbúið er sérstakt reykherbergi sem enginn fer um nema þeir sem reykja, eins þarf að vera þannig gengið frá að reykur geti ekki borist úr slíku herbergi á svæði þar sem aðrir ganga um.  Þessa undanþágu er Alþingi að nota.  Reykingar á salernum flugvéla verða auðvitað til þess að um leið og hurðin er opnuð fer reykurinn í hið almenna farþegarými.

[Jón Bragi Sigurðsson, 21.11.2007 kl. 17:31]

Nei ég er ekkert að mæla því bót að menn brjóti reglur. Hins vegar er enginn vandi ef vilji er fyrir hendi að hafa reykingaaðstöðu með loftræstingu einsog er á mörgum flugvöllum ef vilji væri fyrir hendi.

Bentu mér endilega á þessa undanþágu í lögunum. Hef lesið lögin en ekki fundið neitt um hana.