Meira um sátt Svandísar

Þar sem ég var að enda við að skrifa um þessa frægu sátt og tók fram að ég vissi ekki í hverju sáttin væri fólgin en þar sem þetta er komið inná vef mbl.is verð ég að láta eftirfarandi koma fram: 

Sátt náðist í máli Svandísar Svavarsdóttur gegn Orkuveitu Reykjavíkur í Héraðsdómi Reykjavíkur í morgun að sögn Ragnars Hall, lögmanns Svandísar. Fellst sáttin í því að Orkuveitan viðurkennir að eigendafundurinn 3. október hafi verið ólögmætur og Svandís fellur frá kröfu um að ákvarðanir fundarins verði dæmdar ólögmætar þar sem þær hafa þegar allar verið dregnar til baka, segir Ragnar.

Orkuveitan greiðir málskostnað Svandísar. Ragnar segir Svandísi sátta við þessa niðurstöðu enda í samræmi við það sem hún fór fram á. Þannig að hún telur sig hafa náð fram öllum sínum markmiðum með þessari málshöfðun að sögn Ragnars í samtali við Fréttavef Morgunblaðsins.

Í síðustu viku var samþykkt á eigendafundi OR að taka aftur ákvarðanir á umdeildum eigendafundi 3. október sl. varðandi samruna Reykjavik Energy Invest og Geysis Green Energy.

Jafnframt fólu eigendur stjórnarformanni Orkuveitunnar að ræða við aðra eigendur Reykjavík Energy Invest og Geysi Green Energy um stöðu og framhald málsins og að gera eigendum grein fyrir framgangi viðræðna á eigendafundi sem haldinn verður eftir viku.

Sátt í máli Svandísar gegn OR

Sögulegar sættir

Það var í fréttum Útvarps núna í hádeginu að Hjörleifi Kvaran forstjóra OR hefði tekist að ná sáttum við Svandísi Svavarsdóttur um að hún drægi mál sitt gegn OR til baka um ógildingu á sameiningu REI og Geysis Green Energy.  Ekki var skýrt nánar frá í hverju þessi sátt felst, en yfirleitt þegar sátt næst í einhverju máli þá gefa báðir aðilar eitthvað eftir.

Þar sem Svandís var áður búinn að standa að samþykkt borgarráðs um ógildingu á þessari sameiningu og tók einnig þátt í þeirri ákvörðun að OR leitaði sátta við hana sjálfa.

Nú er Svandís Svavarsdóttir búinn að koma því í kring að hún er orðin sátt við sjálfa sig og út af fyrir sig er það talsverður sigur á pólitískum mælikvarða.

Til hamingju Svandís Svavarsdóttir, þetta er pólitískt afrek.

 

Mannamál

Sigmundur Ernir Rúnarsson er byrjaður með nýjan þátt á Stöð 2 í opinni dagskrá og kallast þátturinn "Mannamál"og er sýndur strax á eftir fréttum.  Þessi þáttur er kynntur þannig að þar verði hin ýmsu mál tekinn fyrir og ekkert gefið eftir og stjórnmálamenn sem kæmu fengju ekki að komast upp með neitt múður og kjafta sig frá hlutunum, hart yrði gengið eftir svörum og á því máli sem venjulegt fólk skilur og á nafnið á þættinum einmitt að höfða til þess.  Ég hef orðið fyrir miklum vonbrigðum með þennan þátt og finnst Sigmundur Ernir alltof linur í sínum spurningum og gengur ekki nægjanlega vel eftir svörum.  Þó fannst mér þátturinn í gærkvöld slá öll met, en þar var aðalgestur þáttarins Finnur Ingólfsson og var hann ótrúlega fimur í að koma sér undan að svara spurningum.  Mestur tíminn hjá Finni fór í að útskýra hvað hann hefði verið góður stjórnmálamaður og góðan tíma fékk hann til að níða niður Sverrir Hermannsson, sem ekki er nú smekklegt þegar Sverrir hafði engin tök á því að svara fyrir sig.    Ég ætla ekki að fjalla hér um allar þær sakir, sem Finnur bar á Sverrir, því hann á örugglega eftir að svara fyrir sig á öðrum vettvangi. En sú spurning vaknar ef spillingin var eins mikill í Landsbankanum í tíð Sverris sem bankastjóra og Finnur var að lýsa hvers vegna gerði núverandi viðskiptafélagi Finns, Helgi Guðmundsson, sem var þá formaður í bankaráðinu, ekkert?  Var hann kannski svo upptekinn við að fara með bænirnar sínar?.   Hinsvegar ofbauð mér þegar Finnur var að lýsa aðkomu sinni að kaupum svokallaðs S-hóps á Búnaðarbankanum sem hann fullyrti að hann hefði ekki komið nálægt.  Ekki var hann spurður mikið út í af hverju hann hefur auðgast svona mikið á undanförnum árum.  Hann fullyrti að hann hefði persónulega ekki hagnast um eina einustu krónu á kaupum S-hópsins á Búnaðarbankanum og væri ekki auðmaður aðeins venjulegur bóndi á Skeiðum.  Og það sem meira var að Sigmundur Ernir gerði ekki neina athugasemdir við það.  Það er sennilega rétt að persónan Finnur Ingólfsson hafi ekki hagnast neitt á þessum viðskiptum.  En hitt vita margir að Finnur á með öðrum mörg eignarhaldsfélög sem hafa grætt mörg hundruð milljónir á kaupum og sölum á hlutabréfum í því fyrirtæki sem nú heitir Kaupþing.  Það mál sem Sverrir Hermannsson hefur verið að gagnrýna Finn mest fyrir er þegar S-hópurinn með Finn innanborðs, keypti VÍS af Landsbanka Íslands áður en sá banki var einkavæddur.  Finnur og Helgi Guðmundsson, guðsmaður og fyrrverandi bankaráðsformaður í Landsbankanum, áttu saman fyrirtæki sem var í hópi þeirra sem keyptu VÍS af Landsbanka Íslands, sem þá var í eigu ríkisins.  Og var Helgi þá í hlutverki seljandans sem formaður bankaráðs Landsbankans en Finnur var hinum megin við borðið sem kaupandi.  Ég tek heilshugar undir orð Sverris Hermannssonar að þessi sala á VÍS á sínum tíma er eitt mesta hneyksli í viðskiptasögunni þegar tveir einstaklingar nánast stela heilu tryggingarfélagi frá banka í ríkiseigu og græða síðan sjálfir nokkra tugi milljarða.  Kaupverið var 14 milljarðar nokkrum árum seinna var VÍS selt til Exista fyrir 60-70 milljarða.  Mismunur um 50-60 milljarðar og með þessum peningum fóru þeir félagar inn í hóp sem keypti Icelanair Group og var Finnur þar stjórnarformaður og ekki er langt síðan Finnur seldi bréf sín í þessu félagi og hagnaðist um nokkra milljarða.  Ég er hræddur um að Sigmundur Ernir verði að taka sig verulega á í undirbúningi þessara þátta ef þeir eiga að standa undir nafni.  Oft hefur maður orðið vitni að hann nánast bugtar síg og beygir fyrir ráðherrum og gætir þess að spyrja ekki um neitt sem gæti komið sínum viðmælendum í vandræði.  En núna fer hann heldur betur langt yfir strikið með því að leyfa Finni Ingólfssyni, sem löngum hefur verið talinn holdgerfingu um spillingu í viðskiptum, að koma fram í sjónvarpi, níða þar niður fjarstadda menn og ljúga svo upp í opið geðið á Sigmundi Ernir að hann hafi aldrei hagnast persónulega um eina einustu krónu í sínum viðskiptum og hann sé í raun saklaus bóndi á Skeiðum og Sigmundur Ernir er ekki meiri maður en það að hann kokgleypir allt kjaftæðið frá einum spiltasta manni í íslenskri viðskiptasögu.

Boeing

Bandarískir ráðamenn þrýsta á flugvélaframleiðandann Boeing um að stunda ekki viðskipti við Icelandair Group vegna Kúbuferða íslenska fyrirtækisins. Stjórnvöldum vestanhafs er illa við að Boeing vélar séu notaðar til að fljúga til og frá Kúbu, þar sem að Bandaríkjamenn hafa haldið uppi viðskiptabanni við Kúbu í áratugi.

Hvern andskotann kemur Bandaríkjamönnum við hvort okkar flugvélar fljúga.  Þótt þeir séu með viðskiptabann á Kúpu er það ansi mikill yfirgangur að heimta að önnur lönd sniðgangi þetta land.  Ég reikna fastlega með því að Icelandair Group hafi greitt fyrir þessar flugvélar sínar og eigi þar með að ráða hvert þær fljúga.  Ef þeir komast upp með þetta þá þýðir það einfaldlega að flest flugfélög hætta að skipta við Booeing-verksmiðjurnar.  Hvað verður næst?  Verður kannski bannað að selja ameríska bíla til þeirra sem einhvern tíman hafa farið til Kúbu?  Við eru sjálfstæð þjóð og eigum ekki að hlusta á þetta kjaftæði.

Finna að Kúbu-flugi íslenskra flugfélaga

Útflutningur

Á fyrstu níu mánuðum ársins hefur útflutningur ferskra þorskflaka dregizt saman um 30% eða um tæp 2.600 tonn miðað við sama tíma í fyrra. Þótt 18% verðhækkun hafi orðið á milli ára er útflutningsverðmæti nú nálægt 1,1 milljarði lægra en í fyrra, en í lok september síðastliðins hafði árið skilað um 5,3 milljörðum.

Þetta þarf ekki að koma neinum á óvart, þegar búið er að skerða þorskveiðar um rúm 30% hlýtur það auðvitað að koma fram í útflutningi.  Þessi kvótaskerðing veldur líka því að minna magn af þorski er til sölu á fiskmörkuðum, en þau fyrirtæki sem hafa verið stærstir í þessum útflutningi og brautryðjendur eru ekki með eigin útgerð og verða því alfarið að stóla á fisk frá fiskmörkuðum og þetta hefur þeim tekist vegna þess að þau selja alla sína framleiðslu á hæðstu verðum. 

Þetta er ein staðfestingin í viðbót um nauðsyn þess að skilja að vinnslu og veiðar og allur fiskur verði seldur á fiskmörkuðum.  Með því væru allir að keppa á jafnréttis grundvelli, en í dag eru fiskvinnslur án útgerðar að kaupa sinn fisk á miklu hærra verði en þau fyrirtæki sem kaupa fisk af eigin skipum á lámarksverði.  Þetta hefði átt að vera einn liðurinn í hinum svokölluðum "mótvægisaðgerðum" ríkisins.  Því þá hefðu sjómenn fengið mikla kjarabót í stað rúmlega 30% skerðingu á sínum tekjum.

Eins og staðan er í dag að fyrirtæki sem eru með eigin útgerð, geta ekki keppt við hin fyrirtækin í að greiða þokkalegt verð fyrir fiskinn.  Heldur verða þau að fá fisk til vinnslu af eigin skipum sem í raun er niðurgreiddur af sjómönnum.  Enda er staðan víða að verða þannig að erfitt er að manna skip sem eru í föstum viðskiptum og fá aðeins lámarksverð fyrir fiskinn, en eins og kunnugt er byggja laun sjómanna að mestu leyti á því hvaða verð fæst fyrir fiskinn.

Minna utan af þorskflökum

Bann

Ákvörðun íranskra stjórnvalda um að banna aðra prentun á persneskri þýðingu á nýjustu skáldsögu Gabriels Garcia Marquez, "Minningar um döpru hórurnar mínar," hefur vakið mikinn áhuga fólks þar í landi á bókinni, að því er haft var eftir bóksölum í dag. Eru eintök af þýðingunni farin að seljast á offjár.

 

Þetta er besta leiðin til að auglýsa og selja bók og ættu bókaútgefendur að kanna áður en bók er gefi út, hvort ekki væri hægt að fá viðkomandi bók bannaða.  Þá fyrst fara bækur að seljast því allir vilja lesa það sem ekki má.

Bann vekur mikinn áhuga á bók Marquez

Fellibylur

Talið er að allt að tíu þúsund manns kunni að hafa látið lífið af völdum fellibyls sem gekk yfir strandhéruð Bangladesh á fimmtudagskvöldið, að því er hjálparsamtökin Rauði hálfmáninn greindu frá í dag. Þegar hafa verið staðfest þrjú þúsund dauðsföll.

Ætli allar hörmungarnar séu komnar fram ennþá, í fyrstu var sagt í fréttum að 1600 manns gefðu látist en nú er búið að staðfesta 3.000 dauðsföll og áætlunin um tíu þúsund gæti alveg eins endað í tuttugu þúsund.  En hver sú tala verður skiptir kannski ekki öllu máli heldur hitt að þetta eru hræðilegar hörmungar hvernig sem á það er litið og var nú ekki ábætandi við ástandið sem fyrir var í þessu landi.

Rauði hálfmáninn: Allt að 10.000 fórust í Bangladesh

London

Mynd af tattóveruðum snoðhaus að spræna í postulínstebolla hefur vakið nokkra athygli í Belgíu, en myndin er notuð þar til að auglýsa ferðir til London með Evrópuhraðlestinni (Eurostar). Myndin á að sýna hvað London er mikil heimsborg, sagði talskona Eurostar.

Ég hef nú nokkuð oft komið til London og man aldrei eftir því að hafa séð einhvern vera að spræna í eitt né neitt.  Þess vegna sé ég ekki hvernig þetta á að geta mynnt fólk á að London sé sérstaklega mikil heimsborg.  Ég held að þetta sé eitthvað sem Belgar einir skilja. 

Sprænir í tebolla til að auglýsa London

Bruni

Nú liggur ljóst fyrir að 34 skepnur sluppu úr brunanum á bænum Stærra-Árskógi í Dalvíkurbyggð í gær, en alls voru rúmlega 200 gripir í húsunum sem brunnu. Megnið af bústofni kúabúsins drapst því en þeim sem lifðu var í morgun komið í hús á bænum Kálfsskinni. Aðkoman var ömurleg, húsin ónýt og dauðar skepnur á víð og dreif í rústunum.

Alltaf tekur maður nærri sér þegar svona hlutir koma fyrir og hefur samúð með fólkinu sem lendir í svona löguðu.  Megnið af bústofninum dautt og öll hús gjörónýt og aumingja fólkið á þessum bæ verður að byrja nánast alveg upp á nýtt.  Auk þess vill oft ske í svona miklu tjóni að eitt og annað er farið sem ekki er hægt að bæta.

34 skepnur af rúmlega 200 sluppu úr brunanum

Líkamsárás

Maður sem mun hafa veitt vinnufélaga sínum áverka með hnífi í gærkvöldi gaf sig fram við lögregluna á höfuðborgarsvæðinu eftir hádegið í dag. Fórnarlambið var flutt á sjúkrahús, en hafði ekki hlotið jafn alvarlega áverka og í fyrstu var talið, þar sem mikið blæddi úr sárum mannsins.

Jæja hann er þá búinn að gefa sig fram, enda varla annað hægt eftir að birt var mynd af honum í sjónvarpinu.  Munu þetta víst vera erlendir farandverkamenn.

Árásarmaðurinn gaf sig fram við lögreglu