Rússar

Langdrægar rússneskar sprengiflugvélar flugu yfir Atlantshafið í gær til að taka þátt í heræfingum í Karíbahafi. Flugvélarnar hafa viðdvöl á herflugvelli í Venesúela.

Rússar reyna alt sem þeir geta til að skapa svipað ástand og var í Kalda-Stríðinu.  En hver er tilgangurinn?

Heimshornaflakk Rússa

Gamlar konur

Portúgölsk kona, Maria de Jesus, er talin vera elsti núlifandi Evrópubúinn, en hún hélt upp á 115 ára afmæli sitt á miðvikudaginn. Hún á heima í þorpinu Corujo í Mið-Portúgal. De Jesus er næst-elsti jarðarbúinn, á eftir Ednu Parker í Bandaríkjunum, sem er hálfu ári eldri.

Ekki vildi ég verða svona gamall, það getur engum manni verið hollt að fara yfir 100 árin.

Elsti Evrópubúinn 115 ára

Nýbakaðar mæður

„Þetta er mjög mikil skerðing á þjónustu við fæðandi konur, ég get ímyndað mér að þetta nálgist það að fara undir öryggismörk,“ segir Helga Björg Ragnarsdóttir sem var að eiga sitt þriðja barn í gær.

Ætlar ríkið að þrjóskast við þar til að eitthvað barnið deyr við fæðingu.  Liggja mörkin þar?

Nýbakaðar mæður finna mjög fyrir álaginu

Dagmæður

„Þetta yrði jákvæður vinkill inn í þjónustu við foreldra sem ekki geta nýtt sér frístundaheimilin,“ segir Þorbjörg Helga Vigfúsdóttir, formaður leikskólaráðs um þá hugmynd sem hún setti fram að dagforeldrar gætu tekið að sér umönnun þeirra barna sem ekki komast inn á frístundaheimili.

Hvað er jákvætt við það að borgin vilji heldur nýta sína fjármuni til að greiða dagforeldrum fyrir aukna þjónustu.  Væri málið ekki leyst ef laun á leikskólum yrðu hækkuð eitthvað og hægt að nýta þá til fulls.

Skólabörn til dagmæðra

Ljósmæður

Fjögur börn komu í heiminn á fæðingadeild Landspítalans í nótt, en í gær fæddust þar alls 17 börn. Ekki þurfti í nótt að fá undanþágu fyrir ljósmæður, sem eru í verkfalli. „Enda erum við hörkutól og getum brett upp ermar hér, eins og við höfum gert í áratugi,“ sagði Björg Pálsdóttir ljósmóðir.

Hvenær ætlar ríkisvaldið að semja við ljósmæður svo eðlilegt ástand verði á ný.  Verður kannski ekkert við þær samið og ástandið látið vera eins og það er nú.  Í hinum nýju lögum um Sjúkratryggingastofnun er ákvæði sem bannar þeirri stofnun að semja við stéttarfélög.  Samkvæmt lögunum má stofnunin bara semja við verktaka.

Hvers konar andskotans rugl er þetta að banna með lögum að ríkisstofnun megi ekki semja við sitt starfsfólk.  Koma kannski álíka lög um aðrar ríkisstofnanir, það kæmi ekki á óvart.  Sannleikurinn er sá að ríkisstjórnin virðist vera í stríði við einn mann, sem er Ögmundur Jónasson og er formaður BSRB.  En er þetta ekki full langt gengið í því stríði, því að þótt ástandið sé svona með ljósmæður þá bitnar það ekkert á Ögmundi, heldur á ófrískum konum.

„Enda erum við hörkutól“

Dvalarleyfi

„Við höfðum rökstuddan grun um að hér væri fólk að reyna að fá dvalarleyfi á fölskum forsendum,“ sagði Jóhann R. Benediktsson, lögreglustjóri á Suðurnesjum.

Það var í fréttum í gær að lögreglan væri að gera húsleit í flóttamannabúðunum í Njarðvík. En ekkert hefur verið sagt frá hvort þar fannst eitthvað sem réttlæti þessa aðgerð.  Á nú loksins að fara að gera eitthvað í málum þessa fólks eða verður það bara láti dvelja þarna áfram.

 

Dvalarleyfi á fölskum forsendum

Eimskip

„Ég sagði upp skriflega í nóvember 2007 og hætti störfum hjá félaginu í febrúar á þessu ári. Félagið sjálft ber svo ábyrgð á því hvenær gengið var frá kaupum og sölum á hlutum mínum í félaginu. Ég jós ekki fúkyrðum yfir stjórnendur félagsins, það geta þeir staðfest sjálfir,“ segir Baldur Guðnason, fyrrverandi forstjóri Eimskipafélags Íslands (Eimskips).

Þarna er Baldur að skjóta sig í fótinn, því auðvitað segir hann bara frá sinni hlið.  En það sem var í fréttum í gær var haft eftir stjórnarmönnum Eimskips og ég tek meira marka þeim en Baldri, sem fór frá Eimskip með nokkur hundruð milljónir í vasanum sem hann fékk í formi kaupréttarsamninga.  Það vor verðlaunin sem hann fékk fyrir að vera næstum því búinn að koma félaginu á hausinn með röngum fjárfestingum.

Baldur: Átti gott samstarf við samstarfsmenn

Íbúðalánasjóður

„Það eina sem hefur verið rætt er að hugsanlega verði að aðskilja félagslegu og almennu lánin,“ segir Guðbjartur Hannesson, formaður félags- og tryggingamálanefndar en Birkir Jón Jónsson, þingmaður Framsóknarflokks, spurði um málefni Íbúðalánasjóðs á Alþingi í gær.

Þá er það ljóst hvað verður um Íbúðalánasjóð.  En íslenslu bankarnir höfðu kært sjóðinn til eftirlitsstofnun EFTA vegna þess að sjóðurinn væri í samkeppni við þá á íbúðarlánamarkaðinum og nyti ríkisábyrgðar.  Samt gátu þessir sömu bankar þegið nokkra milljarða að láni frá Íbúðalánasjóði eða alla þá upphæð, sem þeir höfðu lánað til íbúðakaupa.

Þetta er ekkert annað en frekja hjá bönkunum, þeir vilja að Íbúðarlánasjóður verði nokkurs konar heildsölubanki og láni aðeins til bankanna.  En hvað með alla landsbyggðina þar lánuðu bankarnir ekkert og húsbyggjendur þar urðu alfarið að treysta á Íbúðalánasjóð.

Impregilo

Rökstuðningur Árna Mathiesen fjármálaráðherra í svörum hans við óundirbúinni fyrirspurn vegna skuldar íslenska ríkisins við Impregilo stangast á við úrskurði dómstóla.

Það mun hafa verið ríkisskattstjóri sem felldi þann úrskurð að Impregilo ætti að standa skil á staðgreiðslu starfsmanna.  Þarna er bæði um að ræða staðgreiðslu sem dregin var af launum og áætlanir og er fjárhæðinn kominn í 1,5 milljarð.  Hæstiréttur felldi hinsvegar ákvörðun ríkisskattstjóra úr gildi.

Því er ég hissa á fjármálaráðherra að fullyrða að krafa Impregilo stangist á við úrskurð dómstóla.  Ég held að ráðherra væri hollt að lesa dóm Hæstaréttar svo svör hans væru sannleikanum samkvæm.

Segir endurgreiðslukröfu Impregilo óljósa

Hæstiréttur

Úrskurður Hæstaréttar síðan á föstudag um gæsluvarðhaldsvist manns sem grunaður er um aðild að hasshlassmálinu sem kom upp á Seyðisfirði í byrjun sumars hefur ekki verið birtur.

Hvað er nú verið að fela þarna.  Þetta er eitthvað sem ekki má koma fyrir sjónir almennings.  Þarna er greinilega ekki um neinn meðal Jón að ræða.

Dómur ekki birtur