Slær í gegn

J.K.Rowling ánægð með málalyktir í dómsmáli, Britney slær í gegn á MTV, Michelle Obama í spjallþættinum Ellen og Rússar íhuga að banna South Park. Það er Talk of the Town sem kemur með glóðheitar fréttir af skemmtanalífinu og fína og fræga fólkinu.

Þetta er líka nauðsynlegt að vita til að vera viðræðuhæfur í samkvæmislífinu, sem ég stunda svo stíft þessa daganna.

Britney slær í gegn

Rafmagnslaust

Rafmagnslaust varð í hluta af Heimahverfi og í Vogum í Reykjavík um kl. hálf níu í morgun. Að sögn Orkuveitu Reykjavíkur gekk viðgerð gekk vel og var rafmagn komið á eftir tæpan hálftíma.

Svona hlutir eiga ekki að geta skeð.  Ætli einhver hafi óvart rekið sig í einhvern takka eins og maðurinn sem tók rafmagn af hálfu landinu í vor gerði.

Rafmagnslaust í hluta Reykjavíkur

Höfundaréttur

Leikstjórinn Steven Spielberg og kvikmyndafyrirtækin Dreamworks, Viacom og Universal Pictures hafa verið kærð fyrir meintan stuld á söguþræði kvikmyndar Alfreds Hitchcock, Rear Window, og að hafa notað hann í handriti myndarinnar Disturbia. Með því hafi verið brotið á höfundarrétti.

Jafn reyndir menn og þessir eiga ekki að láta hanka sig á svona atriðum.  Því höfundarrétt skal alltaf virða hver sem í hlut á.

Kærður fyrir höfundarréttarbrot

Dauðaslys

Vinnueftirlit ríkisins hefur sent út dreifibréf til fyrirtækja í byggingariðnaði þar sem skorað er á fyrirtækin að gera átak í öryggismálum á vinnustöðum.

Frá byrjun árs 2006 hafa 23 látist í vinnuslysum og flest eru þau við mannvirkjagerð af ýmsu tagi.  Þau fyrirtæki sem starfa í þessum geira atvinnulífsins verða að huga betur að öryggismálum.  Við gerð Kárahnjúkavirkjunar reiknaði ítalski verktakinn með ákveðnum fjölda banaslysa við verkið og lét gera kirkjugarð á svæðinu.  En sem betur fer urðu ekki jafn mörg banaslys við verkið og reiknað hafði verrið með.  Mér líkar ekki svona hugsanaháttur að gera ráð fyrir að ákveðin fjöldi manna láti lífið við eitthvert verk.  Hver verktaki á að hafa þann metnað að sjá til þess að engin banaslys verði.

Dauðaslysum á vinnustöðum fjölgar

Fálki

Heimilisfólk á bænum Flugumýrarhvammi í Skagafirði handsamaði síðastliðinn fimmtudag ungan fálka sem sest hafði á stein við íbúðarhúsið. Eitthvað var augsýnilega bogið við ástand fálkans sem sýndi lítil viðbrögð við fólki í kringum sig.

Fálkinn var vís allur útataður í grút svo það er ekkert skrýtið þótt hann hafi sýnt fólki lítil viðbrögð.  Eru virkilega til aðilar á Íslandi, sem dæla grút í sjóinn.  Þetta er alvarlegt mál sem þarf að rannsaka.  Því það má teljast nokkuð öruggt að fleiri fuglar en þessi fáki hafi lent í þessu og sennilega drepist.

Fálkinn sat sem fastast

Síldveiðar

Ákveðið hefur verið að senda skip HB Granda til síldveiða á nýjan leik eftir það hlé sem gert var á veiðunum í síðustu viku. Lundey NS fer til veiða í dag, Faxi RE í fyrramálið og Ingunn AK fer væntanlega til veiða á fimmtudag.

Þetta er hárrétt ákvörðun hjá HB-Granda, því hvaða vit er í því að moka upp síld til bræðslu þegar miklu meiri verðmæti fást út úr hverju tonni ef það er veitt til manneldis og nú fyrst er síldinn orðin hæf til frystingar.

Skip HB Granda til síldveiða á ný

Ekkert kynlíf fyrir hjónaband

Bandaríska söngkonan Jordin Sparks, sem bar sigur úr býtum í Idol-keppninni 2007, gengur með sérstakan meydóms-hring sem tákn um að hún ætli ekki að stunda kynlíf áður en hún gengur í hjónaband.

Þessi kona giftist aldrei, því enginn vill eignast eitthvað sem ekki má prufa til að sjá að allt virki rétt.

Ekkert kynlíf fyrir hjónaband

Flutningur á síma

Símafyrirtæki er ekki heimilt að synja neytanda um að flytja viðskipti sín með vísan til þess að hann eigi óuppgerðar skuldir við fyrirtækið. Þetta kemur fram í umsögn talsmanns neytenda um nýjar reglur um númera- og þjónustuflutning.

Það getur verið flókið mál að fá síma fluttan.  Því fékk ég að kynnast þegar ég flutti hingað í Sandgerði í desember 2005.  Ég óskaði eftir að síminn sem ég hafði á Bíldudal yrði fluttur á mitt nýja heimili í Sandgerði.  Ég hafði mjög fljótlega samband við Símann og fékk þær upplýsingar að ég yrði að fylla út ákveðið eyðublað og það átti ég að sækja til Símans við Ármúla og fylla út og skila aftur á sama stað.  Ég fór í afgreiðsluna og tók númer og þótt að við afgreiðslustörfin væri fjöldi fólks við vinnu gekk þetta á hraða snigilsins og maður horfði á sumt afgreiðslufólkið bara sitja og gera ekki neitt.  Þegar ég fékk loksins afgreiðslu og fyllti út eyðublaðið þá spurði ég hvað þetta tæki langan tíma.  "Ég veit það ekki var svarið, það er önnur deild sem sér um það".  Síðan fór ég heim og eftir nokkra daga var ég orðinn óþolinmóður og hringdi í þjónustuver Símans til að reyna að fá einhverjar upplýsingar og þá tók nú ekki betra við, það kom rödd í símann og sagði; "Þú ert númer 25 í röðinni og eftir langa bið fékk ég samband og þá bað ég um símanúmer hjá þeim sem sæju um flutning á símum og fékk það.  Ég hringdi þá í þá deild sem sér um flutning á símum og þar fékk ég þau svör "Að ég þyrfti helst að vita hvaða númer hefði verið í íbúðinni áður"  ég sagðist ekki vita það og var þá beðin að hafa upp á fyrri eiganda og fá þessar upplýsingar.  Ég benti þeim á að fyrri eigandi væri dáinn svo lítil von væri til að ég næði sambandi við hann.  Þá var mér sagt að þetta gæti tekið nokkra daga því þar sem ég vissi ekki fyrra númerið þá þyrftu þeir að mæta á staðinn og mæla línuna.  Síðan leið heil vika án þess að neitt gerðist.  Eitt kvöldið var ég að horfa á fréttirnar í sjónvarpinu og þá er viðtal við upplýsingafulltrúa Símans, sem var að dásama hvað þeirra þjónusta væri góð.  Daginn eftir hringdi ég í þessa konu sem er upplýsingarfulltrúi Símans og sagði að mikið hefði hún nú logið fallega í sjónvarpinu og lýsti fyrir henni mínum samskiptum við Símann.  Næsta dag komu menn frá Símanum og tengdu símann.  Fljótlega eftir þetta flutti ég öll mín símaviðskipti til Vodafone og þar er þjónustan allt önnur og betri.

Þannig að flytja síma er fullt starf í ein til tvær vikur.

Ekki má synja um símanúmeraflutning vegna skulda

Útflutningur á bílum

"Við byrjuðum á að flytja út vörubíla í samvinnu við danska fyrirtækið Kpt Aps og höfum nú flutt út eina 15 bíla en framundan er að selja annað eins í viðbót,“ segir Örn Johansen sem ákvað að snúa vörn í sókn í sumar þegar dró úr innflutningi vörubíla og fór að selja bíla til útlanda í staðinn.

Til hver er verið að flytja bíla inn til landsins ef tilgangurinn er síðan sá að flytja þá út aftur og selja þá erlendis.  Þetta á meira skylt við Bakkabræður en að snúa vörn í sókn.

Útflutningur á bílum skilar hagnaði

Þjóðkirkjan

Kirkjumálasjóður krefst þess að úrskurðir óbyggðanefndar er varða jarðirnar Valþjófsstað og Hof verði dæmdir ógildir. Byggist aðalkrafa sjóðsins á því að jarðirnar hafi verið úrskurðaðar þjóðlendur að stórum hluta, þrátt fyrir að þinglýst landamerki sýni að þjóðlendukröfurnar hafi verið of víðtækar.

Mér skilst að þessi deila snúist um tvær jarðir, sem eru Valþjófstaður og Hof.  En jörðin Valþjófstaður á vatnsréttindi sem nýtast við Kárahnjúkavirkjun.

Ég hélt að þjóðkirkjan væri til að sinna trúarmálum en ekki að vera í hörku bisness.  Svo man ég ekki betur en að þegar íslenska ríkið samþykkti að greiða laun allra presta í landinu, þá hafi þjóðkirkjan um leið afsalað sér öllum kirkjujörðum og væru þær nú allar í eigu ríkisins.  Er virkilega svo komið hjá þjóðkirkjunni að fjárhagslegi hagsmunir eru settir ofar trúnni.

Þjóðkirkjan í mál við íslenska ríkið