Innköllun veiðiheimilda

Innköllun aflaheimilda á að hefjast 1. september á næsta ári. Þetta kom fram í máli Dags B. Eggertssonar, varaformanns Samfylkingar á fundi flokksins í Grafarholti í kvöld.

Loksins kom að því að ríkisstjórnin ætli að standa við eitt stærsta kosningarloforð sitt.   Nú hefjast strax æfingar hjá Grátkór LÍÚ og haldið áfram að bulla með að nú fari allt á hausinn.  En það má ekki tefja þetta mikilvæga mál. Ég hef skoðað mjög ítarlega öll gögn sem eru í þessu máli og er fullviss að ekki ein einasta útgerð fer á hausinn.  Nú rennur hinsvegar upp á ný blómaskeið allra sjávarþorpa, sem hafa verið rænd öllum sínum kvóta.  Við fáum aftur blómstrandi byggð um allt land á ný, LÍÚ hefur talað um að núverandi handhöfum veiðiheimilda verði að greiða bætur ef innkalla á allar veiðiheimildir.  Þær útgerðir sem hafa verið að kaupa veiðiheimildir vissu að einungis var um að ræða veiðiheimildir í eitt ár og því þarf ekki að greiða neinar bætur, því sá sem seldi átti ALDREI neinar veiðiheimildir og því var verið að kaupa þýfi.  Veiðiheimildir á Íslandsmiðum hafa alltaf verið í eigu þjóðarinnar og það hefur ekkert breyst. 

Ef ég tæki íbúð á leigu og leigði síðan þriðja aðila, á þá að greiða þeim aðila bætur ef eigandi hússins vill ekki leigja það lengur.

Innköllun veiðiheimilda hefst eftir ár

Nýr ráðherra

Álfheiður Ingadóttir verður næsti heilbrigðisráðherra. Þetta var samþykkt á þingflokksfundi Vinstri grænna sem lauk á öðrum tímanum í nótt. „Þetta er krefjandi verkefni sem ég tek við, þegar aðstæður eru mjög óvenjulegar. En ég er ekki verkkvíðin,” sagði Álfheiður eftir fundinn.

Álfheiður er rétta manneskjan í þetta starf, þótt ég sakni Ögmundar.  Álfheiður er hörkudugleg og lætur verin tala eins og hún á kyn til.  En hún er dóttir Inga R. Helgasonar fv. forstjóra Brunabótafélagsins og hann sá algerlega um öll fjármál hjá Alþýðubandalaginu og gerði þar ótrúlega hluti.

Til hamingju Álfheiður með nýja starfið

Álfheiður verður ráðherra

Stór lúða

Það hljóp heldur betur á snærið hjá Magnúsi Emanúelssyni, sjómanni á Manga á Búðum, þegar hann fékk 169 kílóa lúðu á línuna i dag. Lúðan var svo þung að Magnús náði ekki að innbyrða hana heldur dró lúðuna risastóru í land.

Það er ekkert grín að fást við svona stórlúðu.  Bæði er hún þung og þegar hún kemur á yfirborðið, þá lætur hún öllum illum látum, eins þegar hún er kominn um borð í bátinn.Einn maður getur ekki innbyrt svona lúðu enda dró Magnús lúðuna til lands.  Ætli Magnús fái ekki um 40-50 þúsund fyrir lúðuna.  Ég veit um mann sem fékk svona stórlúðu á handfæri og tókst að innbyrða hana en í öllum látunum í lúðunni rann hann til og lenti undir lúðunni og gat sig hvergi hreyft.  Það voru síðan sjómenn á öðrum bát sem komu manninum til hjálpar.

Síðustu netavertíðina mína frá Ólafsvík 2003 fengum við talsvert af lúðu, en við vorum með ífæru til að setja í lúðurnar og gátum því híft þær um borð.  Það halda margir að eftir því sem lúðan er stærri þá fáist hærra verð.  En svo er ekki því þessar stórlúður eru bæði orðnar gamlar og holdið á þeim mjög gróft.  Bestu lúður til matar eru á stærðinni 5-10 kíló og fyrir þær getur oft fengist mjög hátt verð.

 

Fékk 169 kg risalúðu