Brandari dagsins

Ég ætla að halda mig áfram við Garðinn.  En þar var algengt að í stórflóðum að sjór gekk á land og skemmdi tún.  Oft skolaðist rauðmagi og annar smáfiskur með flóðinu á land.  Einhverju sinni gerði vont veður og sjór gekk á land við Bursthús, en þar bjuggu bræðurnir Óskar og Agnar og þegar þeir voru spurðir út í flóðið svöruðu þeir;

"Það var svo svakalegt að sjórinn gekk upp fyrir veg og svo mikið af stórþorski skolaði á land að þeir þurftu ekki að róa í marga daga á eftir svo mikill var fiskurinn."

Náðun

Konungur Sádi-Arabíu felldi í niður refsingu, sem fréttakona hlaut eftir að sjónvarpsstöð sem hún vann hjá. Konan var dæmd til að þola 60 vandarhögg eftir að sjónvarpsstöðin sýndi heimildarmynd þar sem karlmenn lýstu kynlífi í konungríkinu.

Það eru þá til mannlegar tilfinningar hjá þessum konungi í Sádí-Arabíu.  Því auðvitað er stundað kynlíf í því landi eins og öðrum ríkjum.

Konungur náðaði fréttakonu

Stór Lottó-vinningur

Ungur maður, sem vann tæpar 25 milljónir króna í lottóinu á laugardag ætlar að hætta í vinnunni sem hann stundar nú og einbeita sér að tónlist.

Ef hann fer gætilega þá er möguleiki á að lifa af vöxtunum af þessum stóra vinningi.  En ansi margir sem hafa fengið stóra vinninga bæði hér á landi og erlendis hafa farið út í óhóflega eyðslu og setið eftir með miklar skuldir.  Það er lítill vandi að eyða 25 milljónum ef ekki er farið með gát.  Hinsvegar skilst mér að þeir sem fái svona stóra vinninga sé yfirleitt boðin aðstoð fjármálaráðgjafa.

Fyrir nokkrum árum vann maður í Frakklandi nokkur hundruð milljónir í lottói og eyddi eins og hann gat og áður en hann vissi af þá var hann orðinn stórskuldugur.  En þá skeði hið ótrúlega að maðurinn vann aftur hæsta vinning í lottóinu og slapp fyrir horn fjárhagslega.

Ætlar að hætta í vinnunni eftir lottóvinning

Greitt eðlilega

Samkvæmt nýrri skýrslu Seðlabanka Íslands um fjármálastöðugleika er greitt með eðlilegum hætti af 85-90% allra fasteignalána í krónum. Um er að ræða bráðabirgðatölur en Seðlabankinn vinnur nú að því að afla frekari upplýsinga hjá viðskiptabönkum og fjármálafyrirtækjum um stöðu mála.

Var þá öll vandamálin með húsnæðislánin bara loftbóla og vandi heimilanna enginn eða eins og Þór Saari, fullyrðir að flest vandamál heimilanna séu vegna bílalána og hlutabréfabrasks og stjórnlausri eyðslu í vitleysu.

Greitt með eðlilegum hætti af meginþorra íbúðalána

McDonalds

Fréttin um að McDonalds hyggist loka tveimur stöðum síðum hér á landi hefur vakið talsverða athygli og eru fréttir þess efnis að finna bæði hjá fréttaveitunni AFP og Blomberg.  Fólk þarf ekkert að örvænta því sami aðili og rak MacDonalds hefur opnað undir nýju nafni , sem er Metro.  Annars er athyglisvert að þegar fyrsti MacDonalds-staðurinn var opnaður 1993 mætti Davíð Oddsson, sem þá var forsætisráðherra og borðaði fyrsta hamborgarann. 

Það er með ólíkindum að allt sem sá maður hefur komið nálægt endar illa og nú er bara spurning hvað Morgunblaðið lifir lengi undir hans stjórn. 

En blaðið mun víst vera rekið með bullandi tapi.

Frétt af hvarfi McDonalds frá landinu vekur athygli

Gallup -könnun

Aðstæður í efnahagslífinu eru nú slæmar eða mjög slæmar að mati 95% stjórnenda í stærstu fyrirtækjum landsins. Er þetta meðal niðurstaðna í ársfjórðungslegri könnunar Capacent Gallup á stöðu og horfum hjá 500 stærstu fyrirtækja landsins sem var gerð í september.

Þetta eru stórmerkilegar fréttir og vekja undrun margra,  Hér á landi hefur allt hrunið , sem hrunið gat og Gallup kemst að þeirri merkilegu niðurstöðu að aðstæður í efnahagslífinu séu slæmar og hefur það eftir 95% af stjórnendum 500 stærstu fyrirtækja landsins, sem sennilega ramba á sviði gjaldþrots ef þau eru ekki orðið það nú þegar.  Það hlýtur að vera haldinn neyðarfundur í ríkisstjórninni þegar svona fréttir berast. 

En hvað er til ráða?

Slæmar aðstæður í efnahagslífi

Heitt vatn

Tveir sumarbústaðeigendur voru í síðustu viku kærðir fyrir meintan þjófnað á heitu vatni með því að rjúfa innsigli á inntaksloka og hafa aukið rennsli inn í húsin.

Er það nú orðið glæpur að reyna að bjarga sér í þessari miklu kreppu?  Ég get ekki ímyndað mér að það hafi breytt neinu hvað mikið heitt vatn fór inn í þessi hús, því nóg er til af heitu vatni á Íslandi og aðeins hluti þess er nýttur. Þetta kalla ég ekki þjófnað heldur;

Framtaksemi.

Stálu heitu vatni

Stöðuleikasáttmálinn

Framtíð stöðugleikasáttmálans og kjarasamninga gæti ráðist í dag. Forsvarsmenn Alþýðusambands Íslands og Samtaka atvinnulífsins bíða óþreyjufullir eftir drögum að yfirlýsingu vegna málsins en þau verða birt í dag. Svartsýni eykst með hverri mínútunni.

Það þýðir lítið að vera með of mikla svartsýni varðandi þennan stöðuleikasáttmála, því þetta leysist um leið og Samtök atvinnulífsins hætta að halda stíft fram kröfum LÍÚ um að ekki verði gerðar neinar breytingar á kvótakerfinu.  Ef taka á hagsmuni kvótabraskara LÍÚ fram yfir þjóðarhag þá leysist þetta seint eða aldrei.

 

Ekkert bólar á yfirlýsingu

Tvöföld bandbreidd

Síminn hefur nú tekið í notkun útlandatengingu um nýja Danice sæstrenginn sem liggur á milli Íslands og Danmerkur. Eftir þessa stækkun hefur Síminn um það bil tvöfaldað bandbreiddina til og frá Íslandi frá því í byrjun þessa árs.

Þetta ætti að koma sér vel fyrir væntanleg netþjónabú, ef stjórnvöld leyfa einhvertíma byggingu þeirra, en á því virðist vera einhver vafi.

Bandbreiddin tvöfölduð

ESB

Hið íslenska tófuvinafélag krefst þess að hagsmuna félagsins verði gætt í tengslum við aðildarumsókn Íslands að Evrópusambandinu og lausn Icesave-málsins. Í því felst að í sérhverju aðildarríki ESB verði sérstökum tófugörðum komið upp, þar sem íslenska fjallarefnum gefist tækifæri til að kynbæta hina hnignandi stofna Evrópurefsins.

Loksins kom fram vitræn tillaga um þessi mál

Hagsmuna tófunnar verði gætt í Icesave-máli