Icesave

Kæmi til þess að mál yrði síðar höfðað vegna Icesave-samkomulagsins með aðkomu EFTA-dómstólsins er ljóst að málið yrði það umfangsmesta sem komið hefði til kasta hans.  Þetta segir forseti dómstólsins.

Þetta mál fer aldrei fyrir þennan dómstól, vegna þess að það verður ekki tekið þar fyrir nema að Ísland, Bretland og Holland samþykktu það, sem aldrei verður.  Það frumvarp sem nú liggur fyrir Alþingi er besta lausnin á þessu máli og samningaleiðin mun alltaf verða Íslandi hagstæðari en dómstólaleiðin.  Vonandi hafa þingmenn á Alþingi vit á að samþykkja frumvarpið og Sjálfstæðisflokkurinn sem ber alla ábyrgð á Icesave sýni nú einhverja ábyrgð í þessu máli á Alþingi og viðurkenni hverjir bera hinu raunverulegu ábyrgð á Icesave.

Icesave yrði stærsta málið í sögu EFTA-dómstólsins

Brandari dagsins

Svo var það gamla konan sem lést í svefni og maður hennar kallaði á læknir, sem úrskurðaði að gamla konan væri látinn.  Gamli maðurinn fór þá að undirbúa útförina og fór hún fram í kirkju safnaðarins og var mjög virðuleg og ekkert til sparað.  En þegar farið var með kistuna í kirkjugarðinn vildi ekki betur til en svo að líkmennirnir ráku kistuna harkalega utan í sáluhliðið og við það hrökk konan upp og reyndist þá lifandi.  Konan lifði í mörg ár eftir þetta, en svo kom að því að hún lést endanlega og sami læknir úrskurðaði hana látna.  Nú varð gamli maðurinn að undirbúa útförina aftur og allt gekk vel og var virðuleg.  En þegar líkmennirnir voru að bera kistuna inn í kirkjugarðinn, kom gamli maðurinn hlaupandi og sagði;

"Í Guðanna bænum farið varlega og rekið kistuna ekki utan í sáluhliðið."

Lækka greiðslur

Árni Páll Árnason félagsmálaráðherra segir það ekki liggja endanlega fyrir hvaða leiðir verða farnar til að ná boðuðum niðurskurði í útgjöldum Fæðingarorlofssjóðs um 1,5 milljarða króna.

Það var kominn tími til að taka á þessum málum.  Lengi vel var ekkert hámark og þá veit ég um menn sem voru sjómenn á frystitogurum og höfðu miklar tekjur og tóku sér síðan frí sem fæðingarorlof og fengu 80% af sínum fyrri tekjum, sem gat verið yfir milljón á mánuði.  En svo var sett hámark kr: 350 þúsund og 80% af því eru 280 þúsund, sem má teljast þokkaleg laun og má benda á að tekjur öryrkja geta ekki orðið hærri en kr: 180 þúsund á mánuði hjá þeim sem búa einir.  En hjá þeim sem fara í fæðingarorlof er í flestum tilfellum tveir aðilar , sem afla tekna.  Þótt undantekningar séu frá því eins og einstæðar mæður.

Hámarksgreiðslur á mánuði verða líklega lækkaðar

Fæðing

Flugfélagið AirAsia hefur ákveðið að gefa sveinsbarni sem fæddist um borð í einni af flugvélum þess í vikunni fríar flugferðir alla ævi. Móðir þess sem einnig flýgur frítt með flugfélaginu átti barnið í áætlunarflugi frá eyjunni Penang til Borneo á miðvikudag.

Þá vitið þið það konur hvar best er að fæða börnin eða um borð í flugvél hjá AirAsia,  En kannski tekur Icelandair þetta upp líka og býður betur, sem gæti verið frítt far með líkið þegar viðkomandi er látinn.

Barn sem fæddist í flugvél flýgur frítt

Tölvur

Mun fleiri strákar en stelpur eiga tölvur, að því er fram kemur í könnun sem Rannsóknir & greining gerðu á högum barna og unglinga. Helmingur stúlkna í 6. bekk á tölvur en 73% drengja. 79% stúlkna á þessum aldri eiga sjónvarp en 89% stráka.

Allan andskotann er nú verið að skoða og greina, sem engu máli skiptir. 

Hver greiðir fyrir svona rugl ????

Fleiri strákar eiga tölvur

Mannsal

Aðgerðaáætlun gegn mansali er að komast af stað eftir langa bið. Sérfræðiteymi sem á að hrinda bróðurparti hennar í framkvæmd hefur verið komið á fót, þótt ekki sé fullskipað enn.

Þótt við skipum alla sérfræðinga landsins í einhverja nefnd, verður mannsal ALDREI stoppað.  Vændi hefur og mun alltaf vera hluti af mannlífi hverrar þjóðar.  Sama hvað reynt er til að stoppa það, þetta er talin elsta starfsgrein mannkynsögunnar og því breytir engin nefnd sama hverjir skipa hana.  Það er eins gott að viðurkenna það strax og vera ekki að eyða peningum í eitthvað sem ekki er hægt að stöðva.  Það var á sínum tíma reynt að setja lög um að banna vændi á Íslandi en sú nefnd sem fjallaði um þau lög orðarði þau svo klaufalega að í stað þess að banna vændi þá var það gert löglegt og Alþingismenn samþykktu án athugasemda.  Ég veit ekki hvort búið er að breyta þeim lögum aftur, ef ekki þá er vændi löglegt á Íslandi.

Aðgerðaáætlun gegn mansali að fara af stað

Mikil læti

Töluvert fleiri verkefni komu inn á borð lögreglu höfuðborgarsvæðisins í nótt en undanfarnar nætur. Tilkynnt var um tvö innbrot, í hljóðfæraverslun og á veitingastað, nokkuð var um hávaðaútköll auk þess sem tvítugur piltur var stöðvaður á 165 km hraða í Ártúnsbrekku, en þar er leyfður hámarkshraði 80 km/klst.

Það er ekki öfundsvert starf að vera lögreglumaður í Reykjavík þessa daganna.  En samt á að skera niður hjá lögreglunni og jafnvel fækka lögreglumönnum.  Þá fyrst verður ástandið skelfilegt í Reykjavík.

Innbrot, hávaðaútköll og hraðakstur

Bílalán

Fjárhagsvandi er algengasta ástæða hjónaskilnaða, sagði Ásta Sigrún Helgadóttir, forstöðumaður Ráðgjafarstofu um fjármál heimila er hún lýsti á ársfundi ASÍ upplifun starfsfólks Ráðgjafarstofunnar á hverjum degi þegar það aðstoðar fólk sem á í gríðarlegum fjárhagsvandræðum.

Leitar fólk virkilega til Ráðgjafarstofu heimilanna vegna hjónaskilnaðar?  Annars þarf ekki að koma á óvart að vandi fólks sé mikill vegna bílalána.  Því í góðærinu keyptu íslendingar bíla, sem óðir væru, ef bíll bilaði þá var honum einfaldlega hent og nýr keyptur í staðinn og allt fjármagnað með bílalánum, sem var svo auðvelt því þau fyrirtæki sem veittu bílalán könnuðu aldrei hvort viðkomandi gæti greitt af bílaláninu, það var bara afgreitt um leið og búið var að skrifa undir lánaskjölin og oftast var eina veðið bíllinn sjálfur.  Nú eru þessi fjármögnunarfyrirtæki að taka bílana af fólki í stórum stíl og það sem búið er að greiða af þessum lánum fæst ekki til baka, það fer allt í kostnað við að gera bílinn söluhæfan á nýjan leik og eftir situr fólk bíllaust og með miklar skuldir, sem það ræður ekkert viðað greiða.

Svona er Ísland í dag.

Bílalán stóra vandamálið

Formannskjör

„Ég hef ekki miklu við þessa frásögn að bæta,“ sagði Bjarni Benediktsson, formaður Sjálfstæðisflokksins, aðspurður um frétt Morgunblaðsins í gær um að hann hafi íhugað að bjóða sig fram gegn Geir H. Haarde, þáverandi formanni flokksins.

Þar með er Bjarni Benediktsson búinn að staðfest að það er rétt , sem kemur fram í bók Styrmis Gunnarssonar um að Bjarni ætlaði að bjóða sig fram gegn sitjandi formanni Sjálfstæðisflokksins, Geir H. Haarde á síðasta Landsfundi flokksins.  En kannski er Bjarni búinn að núllstilla þessa hugmynd og þá hefur hún ekkert gildi lengur.

„Átti bara að vera okkar á milli“

Sjálfstæðisflokkurinn

Ég vakna ekki á morgnana með þann draum efst í huga að fella ríkisstjórnina,“ sagði Bjarni Benediktsson, formaður Sjálfstæðisflokksins á opnum fundi í Valhöll í gær.

Bjarni var þarna að ásaka ríkisstjórnina um að gera ekkert í efnahagsmálum þjóðarinnar, ræða bara um Icesave.  En er ekki lausn á Icesave-málinu hluti af lausn efnahagsmálum þjóðarinnar?  Það var skrýtið að hlusta á málflutning Bjarna á Alþingi í gær í umræðum um Icesave-málið, hann viðurkenndi að vísu að ríkisstjórn Geirs H. Haarde, hefði skrifað undir samkomulag við Breta og Hollendinga um að fara EKKI með þetta mál fyrir alþjóðadómstóla heldur leysa það með samningum, þar sem mikil hætta væri á að Ísland tapaði málinu og þá værum við í enn verri stöðu.  Davíð Oddsson skrifaði undir þetta skjal fyrir hönd Seðlabanka Íslands.  Þar var miðað við að Bretar og Hollendingar lánuðu Íslandi fyrir þessum greiðslum og átti lánið að vera til 10 ára með 6,7% vöxtum og afborgunarlaust fyrstu þrjú árin.  Nú telur þessi sami Bjarni að fara eigi með málið fyrir dómstóla og alls ekki semja.  Þegar rifjuð voru upp orð hans þegar Alþingi samþykkti þetta skjal í nóvember 2008, sagði Bjarni að eftir að þetta skjal hefði verið samið og sent Bretum og Hollendingum, þá hefði verið ákveðið að núllstilla umræðuna og þar með hefði þetta skjal ekkert gildi haft lengur, ekki kom fram hjá honum hvort Bretar og Hollendingar voru samþykkir þessari núllstillingu.  Þann samning sem núverandi fjármálaráðherra var að leggja fram á Alþingi er að lánið verði til 15 ára og með mögulegri framlengingu 5 ár í senn.  Vextir eru 5,5% og lánið er afborgunarlaust fyrstu 7 árin og afborganir bundnar við hagvöxt á Íslandi.  Ennfremur eru í samningnum endurskoðunarákvæði, sem hægt er að grípa til ef Ísland óskar þess.  Þetta telur Bjarni Benediktsson slæman samning en var þó búinn að samþykkja enn verri samning fyrir nokkrum mánuðum.  Hvernig á að vera hægt að taka mark á svona málflutningi.  Þótt Bjarni reyni allt sem hann getur að þræta fyrir fyrri afstöðu sína er hún til í skjölum Alþingis. 

Það væri kannski best að núllstilla Icesave-skuldina og borga ekkert.

„Viljum að hlutirnir séu í lagi“