Brandari dagsins

Þá er það aftur hann Snorri karlinn.  Á þeim árum er Snorri stundaði bæjarvinnu, stíflaðist nýfrágengin skólplögn frá skólabyggingu staðarins.  Var honum falið að finna stífluna og lagfæra frárennslið.  Eftir að hafa grafið sig niður á lögnina kom í ljós að uppsláttarborð hafði lokað skolprörinu.  Þar sem Snorri var orðinn sveittur eftir gröftinn þá fór hann úr jakkanum, stakk skóflunni niður í holubotninn og hengdi jakkann á skófluskaftið.  Kippti síðan borðinu frá rörendanum og skipti þá engum togum að út úr rörinu ruddist nokkurra daga samansafn af úrgangi líkamans.  Átti Snorri fótum fjör að launa er hann hentist upp úr holunni.  Á þessu augnabliki kölluðu vinnufélagar Snorra til hans og sögðu kominn væri kaffi tími.  Jánkaði Snorri því en fór að bjástra við að ná jakkanum af skófluskaftinu.

"Hvern fjandann ertu að gera maður?" spurðu vinnufélagarnir.

"Sérðu ekki að jakkinn er á kafi í mannaskít og ónýtur?"

"Sé ég víst" svaraði Snorri. 

"En nestið mitt er í jakkavasanum."

LOTTÓ

Einn var með allar tölur réttar í lottóinu í kvöld og fékk rúmar 5 milljónir að launum. Tveir voru með fjórar tölur réttar auk bónustölu og fær hvor þeirra 99 þúsund krónur. Lottótölurnar voru 4, 11, 13, 18 og 33. Bónustalan var 17. Jókertölurnar voru 5 - 8 - 4 - 2 - 1.

Það er eins með Lottóið og annað hjá mér að aldrei fæ ég vinning.  Það hlýtur eitthvað að vera að mér því þessi óheppni er ekki eðlileg.

Einn fékk lottóvinning

Heppin fjölskylda

Íslensk fjölskylda í Danmörku datt í lukkupottinn þegar raunveruleikaþátturinn Reiði smiðurinn á Kanal 4 í Danmörku ákvað að gera hús Íslendinganna upp.

Þetta er mikil heppni hjá þessari íslensku fjölskyldu í Danmörku.  En af hverju verð ég aldrei fyrir neinni heppni, bara óláni og aftur óláni.

Íslendingar fengu húsið endurnýjað

Lítið traust

Mikill minnihluti þjóðarinnar treystir Alþjóðagjaldeyrissjóðnum að því er kemur fram í Þjóðarpúlsi Gallup. Einnig sagðist nærri helmingur þátttakenda í könnun Capacent Gallup bera mikið traust til Evrópusambandsins.

Þetta kemur ekki á óvart, eins og Alþjóðagjaldeyrissjóðurinn hefur hagað sér gagnvart Íslandi, en hvað varðar ESB þá getur fólk nú varla myndað sér skoðun á því fyrr en fyrir liggur hvernig samningi Íslandi býðst við inngöngu í ESB. 

Treysta ekki AGS og ESB

Stórbanki í hættu

Talið er að bandaríski bankinn CIT Group muni á næstu dögum óska eftir gjaldþrotavernd í samræmi við bandarísk gjaldþrotalög til að koma í veg fyrir fall. Um er að ræða greiðslustöðvun þar sem rekstur fyrirtækja er endurskipulagður til að koma í veg fyrir gjaldþrot.

Þessi banki mun verða gjaldþrota áður en vikan er liðin.  Nú vaknar sú spurning hvort íslensku bankarnir hafi átt innistæður í þessum banka? Annars gleður það mitt litla hjart að bandaríski bankinn Goldman Sachs Group ætli að halda opinni lánalínu fyrir CIT Croup á meðan verið er að endurskipuleggja rekstur bankans.  Því elsti sonur minn er einn af aðstoðarbankastjórum Goldman Sach Group og sá banki virðist vera í ágætu lagi.

Bandarískur stórbanki í hættu

Partý á Ásbrú

Lögreglan á Suðurnesjum leysti í nótt upp unglingapartí sem haldið var í húsnæði á gamla varnarsvæðinu, nú Ásbrú. Að sögn varðstjóra var töluverður fjöldi ungmenna í íbúðinni þegar lögregla kom að. Að öðru leyti var nóttin hefðbundin, mikið um hávaðaútköll auk þess sem einn var tekinn ölvaður undir stýri.

Mega nú unglingarnir ekki skemmta sér í friði án þess að lögregla sé að skipta sér af því?  Er Ísland að breytast í lögregluríki, þar sem Stóri bróðir vaktar allt og alla.

Unglingapartí leyst upp á Ásbrú

Hagar

Félagið "Hagar", sem hefur verið í eigu Jóns Ásgeirs og fjölskyldu, er nú að hluta til komið í eigu Kaupþings og hefur Kaupþing skipað tvo menn í stjórn Haga og hefur nú Jón Ásgeir 7 vikur til að koma með aukið hlutafé að upphæð 7,5 milljarða.  Annars eignast Kaupþing félagið að fullu og hvað skeður þá?  Ætlar Kaupþing að fara að reka verslanakeðju, sem Hagar raunverulega eru?  Eða á að færa þetta félag einhverjum útvöldum?

Ég tel að Jón Ásgeir og hans fjölskylda hafi rekið þetta félag vel og einhverjar annarlegar hvatir búi að baki hjá Kaupþing.  Það er staðreynd að Bónus hefur fært íslensku fólki meiri kjarabætur en nokkrir kjarasamningar hafa gert, með lágu vöruverði.  Þótt margt slæmt megi segja um Jón Ásgeir og hans útrásir til annarra landa.  Þá hafa Hagar alltaf verið kjölfestan í hans rekstri og verið vel rekið fyrirtæki.  Ég held að Kaupþing kæmi best að Jón Ásgeir og hans fjölskylda fengi að reka þetta félag áfram og fá tíma til að greiða sínar skuldir við bankann.  Það er aldrei gott að bankar séu að vasast í fyrirtækjarekstri.  Bæði skekkir það alla samkeppnisstöðu á markaði og óhæfir stjórnendur verða ráðnir vegna tengsla við stjórnendur viðkomandi banka.  Því segi ég við stjórnendur Kaupþings;

Látið Jón Ásgeir í friði með Haga.

Meiðyrðaferðamennska

Breska blaðið Sunday Times fjallar í dag um það sem blaðið kallar meiðyrðaferðamennsku og segir, að mál kaupsýslumannsins Jóns Ólafssonar gegn Hannesi Hólmsteini Gissurarsyni, prófessor, sé síðasta dæmið um þetta.

Hverskonar orðskrípi er þetta, ég er hræddur um að sá blaðamaður á Morgunblaðinu sem þýddi þessa frétt hafi ekki vandað sig vel.  Annars ná þessi málaferli allt aftur til 1999 þegar Hannes viðhafði ákveðin ummæli um Jón á ráðstefnu í Reykholti og birti síðan útdrátt úr ræðu sinni á ensku á netinu.  Við það mynduðust forsendur til að fjalla um málið fyrir enskum dómstólum og höfðaði Jón mál á hendur Hannesi 2004.  Þetta var síðan að veltast um í ensku réttarkerfi í nokkur ár en að lokum sent aftur til Íslands.  Ég held að málinu sé ekki lokið ennþá.  Hins vegar hefur Jón Ólafsson fengið í gegn að fjárnám var gert í skuldabréfum, sem Hannes átti vegna sölu á húseign.  Um mun vera að ræða 20 milljóna króna kröfu.  En hvort Hannes getur einhvern tíma greitt þetta er hæpið, en Jón ætlar að gefa peningana til góðgerðamála.

Meiðyrðaferðamennska í Bretlandi

Reykjaneshryggur

Jarðskjálftavirkni heldur áfram á Reykjaneshrygg. Í morgun hafa orðið tveir öflugir skjálftar, 4,4 stig og 4,2 stig á Richter, á hafsbotni skammt frá Geirfuglaskeri.

Það væri eftir öðru, ef við fengjum nú öfluga jarðskjálfta á suðvesturhorni landsins í viðbót við öll okkar vandamál.  Mikið er ég feginn að vera fluttur af þessu svæði á Vestfirðina, þar sem aldrei verður jarðskjálfti.

Áfram skjálftar á Reykjaneshrygg

Fjármálaeftirlitið

Seðlabankinn hefur vísað til Fjármálaeftirlitsins um 20 málum þar sem grunur leikur á að lög um gjaldeyrishöft hafi verið brotin. Fleiri mál eru til skoðunar í Seðlabankanum. Már Guðmundsson seðlabankastjóri segir að brot á reglunum sé verið að veikja krónuna og tefja lækkun vaxta.

Hvað verður svo næsta skref, mun Fjármálaeftirlitið reyna að fá þessa aðila ákærða?  Ef allt gengur eins og hingað til verður ekkert gert og þessu stungið niður í skúffu og látið fyrnast þar. Það er vitað að mörg stór útflutningsfyrirtæki fóru framhjá þessum reglum og skiluðu aldrei gjaldeyrir til Seðlabanka Íslands.  Þar sem um er að ræða þekkt nöfn úr viðskiptalífinu er að ræða má ekki styggja þessa menn.  Það er að styttast í sveitarstjórnakosningar og nú þurfa flestir flokkar á þessum fyrirtækjum að halda til að greiða í sína kosningasjóði, sem fyrirtækin gerðu ekki ef þau yrðu ákærð núna.

Hafa vísað 20 málum til FME