Matjurtargarðar

Umhverfissvið Reykjavíkurborgar hyggst koma til móts við aukna eftirspurn almennings eftir matjurtagörðum með því að fjölga görðum í Skammaadal í Mosfellssveit og bjóða almenningi að leigja lausa garða í skólagörðum í borginni.

Þetta eru jákvæð áhrif af kreppunni og öllum til góðs, sem að þessu koma.

Matjurtagörðum fjölgað í Reykjavík

Síldveiðar

Unnið var að því síðdegis í gær að hreinsa síld við höfnina í Eyjum sem hafði gert sig þar heimakomna á undanförnum vikum. Síldveiðiskipið Kap VE var notað til veiðanna og náðust um 550 tonn um borð í tveimur köstum. Síldin er óhæf til manneldis og fer í bræðslu.

Þetta er hið besta mál þar sem allur ágóði af þessum veiðum á að renna til ÍBV, vonandi veiðist sem mest í höfninni.  Þetta hefur víst ekki skeð í 50 ár að höfnin fyllist svona af síld.

Síldarhreinsun í höfninni í Eyjum

Vantar formann

Enn hefur Jóhanna Sifurðardóttir ekki gefið lokasvar um hvort hún muni bjóða sig fram til formanns í Samfylkingunni á landsfundi flokksins.  Auðvitað getur flokkurinn ekki verið formannslaus, svo ég er alvarlega að hugsa um að ganga í Samfylkinguna og bjóða mig fram sem formann, gegn því skilyrði að ég fái ráðherraembætti eftir kosningar.  Þetta geri ég ekki af góðmennsku, heldur vegna þess að mig vantar peninga.

Lúðvík Geirsson

Lúðvík Geirsson, bæjarstjóri í Hafnarfirði, átti fund með Kristjáni Guðmundssyni formanni kjörstjórnar Samfylkingarinnar í gærkvöld, þar sem hann tilkynnti formanninum að hann hafnaði því að taka þriðja sæti á framboðslista Samfylkingarinnar í komandi alþingiskosningum, en hann bauðst á hinn bóginn til þess að skipa fimmta sætið, sem Samfylkingin lítur á sem baráttusætið í Kraganum.

Þetta er mjög skrýtin afstaða, hann hafnar 3. sætinu vegna óánægju um að fá ekki 1. sætið en er svo tilbúinn til að vera í 5. sæti.  Hann nær örugglega inn á þing, því ljóst er að Samfylkingin mun bæta verulega við sitt fylgi um allt land í næstu kosningum og verða stærsti flokkurinn.

Lúðvík Geirsson í baráttusætið í Kraganum

Heilbrigðisráðherra

„Það má ekki gerast, en er því miður að staðreynd, er að ummönnunarstéttum, kvennastéttum, er vísað út á gaddinn en lausna leitað þar sem karlastéttir sitja í forgrunni,“ sagði Ögmundur Jónasson, heilbrigðisráðherra, í ávarpi sínu á morgunverðarfundi heilbrigðisráðuneytisins í morgun.

Það er annað líf að sitja í ráðherrastól og þurfa að taka erfiðar ákvarðanir, en að vera bara óbreyttur þingmaður og geta gaggrýnt allt sem gert er.  Annars finnst mér að ráðherrar VG hafa komið á óvart hvað þeir standa sig vel í erfiðum málum.

Ögmundur: Viðfangsefnið er tröllaukið

Forstjórastaða

Fimm konur og níu karlar sóttu um starf forstjóra Heilsugæslu höfuðborgarsvæðisins. Einn tók aftur umsókn sína. Forstjórastaðan var auglýst laus til umsóknar 27. febrúar og er gert ráð fyrir að forstjóri taki til starfa 1. maí nk. Heilbrigðisráðherra skipar í stöðuna til fimm ára.

Verður ekki að raða tvo forstjóra í þetta eftirsótta starf.  Bæði karl og konu svo jafnréttislögin verði ekki brotinn einu sinni enn.

14 sækja um forstjóra heilsugæslunnar

Bin Laden

Osama bin Laden, leiðtogi hryðjuverkasamtakanna al-Qaeda, hvetur róttæka íslamista í Sómalíu til að rísa upp gegn Súarif Sheikh Ahmed, forseta landsins, og steypa honum af stóli. Þetta kemur fram á hljóðupptöku sem bin Laden hefur sent frá sér.

Verður aldrei hægt að drepa þennan brjálæðing og losa okkur þar með við allt hans rugl og vitleysu.  Bandaríkin hafa getað drepið fleiri þúsund manns í Írak, Pakistan og Afganistan, en þau klára ekki að drepa einn brjálæðing.

Bin Laden hvetur til uppreisnar gegn forseta Sómalíu

Krabbameinsleit

Nú er boðaður niðurskurður í krabbameinsleit.  En svo klaufalega tókst til að biðlistar eftir skoðun lengdust vegna hagræðingar.  Þarna hafa greinilega verið miklir snillingar á ferð.  Eins og ég skrifaði um í gær er miklu betra að aflífa fólk strax, heldur en að láta það veslast upp vegna fjárskorts í velferðarkerfi Íslands.

Vottun sjávarafurða

„Við reiknum með að fyrstu afurðirnar úr vottuðum stofnum muni koma á markað eftir rúmt ár,“ segir dr. Kristján Þórarinsson, stofnvistfræðingur hjá LÍÚ um nýtt umhverfismerki fyrir íslenskan fisk. Kostnaður ríkisins við þróun þessa merkis fyrir útgerðarfyrirtækin gæti orðið 23 milljónir króna.

Þetta  semsagt að taka heilt ár.  Mér er með öllu óskiljanlegt af hverju við tókum ekki upp hið alþjóðlega vottunarkerfi MSC, sem hefði ekki kostað okkur neitt og tekið strax gildi.  En LÍÚ valtað einu sinni enn yfir Sjávarútvegsráðherra Einar K. Guðfinnsson og var ákveðið að haf sér merki fyrir Ísland.  Rökin hafa verið þau að samtökin MSC þóttu of friðunarsinnuð.  Hvílíkt andskotans rugl.  Hvernig á merki frá Íslandi að keppa um hylli kaupenda að sjávarafurðum við MSC, sem nær allir kaupendur þekkja vel til.  Þetta rugl dregur bara úr sölu á íslenskum fiski.

Ár þar til þorskurinn verður vottaður

Engir peningar til

Nú er erfitt hjá stjórnvöldum hvað varðar fjármál og er nú svo komið að ríkið skuldar tvöfalda landsframleiðslu sína.  En talið er að þetta hlutfall eigi helst ekki að fara yfir 70% af landsframleiðslu en hér er það 200%.  Nú reynir á velferðarkerfið og menntakerfið sem eru einna stærstu útgjöldin.  Því vaknar sú spurning hvort við verðum ekki að loka hluta skólakerfisins og fækka gömlu fólki og öryrkjum.  Það yrði auðvitað ekki gert nema að taka þetta fólk af lífi og væri nú kannski ekki mjög siðlegt en það er hægt að gera þetta löglegt með lögum frá Alþingi.  Þetta hleypti líka einhverjum krafti í atvinnulífið, prestar hefðu nóg að gera og svo þarf líka að smíða líkkistur og jarða fólkið.  Þetta yrði auðvitað að gera mannúðlega.  Ég er öryrki og tæki því alveg þegjandi þótt ég þyrfti að mæta einhversstaðar og fá eina sprautu og allt væri búið. 

Nema að ég gengi aftur og yrði draugur, þá færi í verra, fyrir marga.