Dómur

Héraðsdómur Austurlands dæmdi í morgun karlmann í tveggja mánaða fangelsi, skilorðsbundið til tveggja ára, fyrir kynferðislega áreitni. Maðurinn sem er heilaskaðaður eftir slys, áreitti andlega fatlaða konu en bæði bjuggu í sama húsi þegar brotið var framið.

Alltaf eru þeir vægir dómarnir í kynferðislegri áreitni.  Þetta mál er kannski talsvert sérstakt að því leiti að maðurinn var heilaskaðaður

Skilorð fyrir kynferðisbrot

Gert hlé

Bandarísku söngvararnir Rihanna og Chris Brown eru nú sögð hafa slitið sambandi sínu í kjölfar þess að Brown var kærður fyrir líkamsárás á Rihanna sem átti sér stað í febrúar.

Það er betra að gera smá hlé heldur en að vera að slást, eins og þau voru oft að gera.

Rihanna og Chris taka hlé

Baugur

BGE eignarhaldsfélag, mat 2,35% hlut í Baugi á tæplega 1,9 milljarð króna, samkvæmt ársreikningi félagsins fyrir 2007. BGE er að stærstum hluta í eigu Jóns Ásgeirs Jóhannessonar, Gunnars S. Sigurðssonar, Skarphéðins Bergs Steinarssonar og Stefán H. Hilmarssonar, allt fyrrum stjórnendur félaga í eigu Baugs áður en Baugur var úrskurðaður gjaldþrota.

Eitthvað hefur þá Baugur kostað allur ef 2,35% voru metin á 1,9 milljarð.  Af hverju vað félagið þá gjaldþrota?  Þetta sýnir best hve veruleikafyrtir sumir menn voru orðnir að þeir kunnu ekki lengur mismun á 100 krónum og 100 milljörðum.

2,35% hlutur í Baugi metinn á 1,9 milljarða króna

Háir Bónusar

Eitt af stærstu tryggingarfélögum í Bandaríkjunum leitaði á náðir ríkisins vegna fjárhagserfiðleika og fékk 850 milljón dollara í aðstoð.  En þá var forstjórum félagsins greiddir 860 milljónir dollara í bónusa fyrir góðan árangur í starfi.  Maður hlýtur að álykta sem svo að eftirfarandi árangur hafi gert þennan bónus svona mikinn;

Náðu 850 milljónum dollara frá ríkinu til að greiða sjálfum sér bónus.

Hvar er forstjórinn?

Forstjóri kínverska flugfélagsins East Star Airlines er horfinn og hefur fyrirtækið lýst eftir honum. Fréttir í kínverskum fjölmiðlum herma að forstjórinn sé í haldi lögreglu. Yfirmenn flugfélagsins neita að trúa því að forstjórinn hafi lagt á flótta vegna fjárhagserfiðleika líkt og margir telja.

Auðvitað er maðurinn stunginn af með góða fúlgu af peningum.

Lýsa eftir forstjóranum

Viðbótarlífeyrissparnaður

Neytendasamtökin fagna því að langflestir vörsluaðilar viðbótarlífeyrissparnaðar ætli ekki að taka þóknun vegna útborgunar sparnaðarins, þrátt fyrir heimild til þess. Af 40 vörsluaðilum viðbótarlífeyrissparnaðar tekur einn þóknun, þrír hafa ekki tekið ákvörðun en tveir vörsluaðilar svöruðu ekki erindi Neytendasamtakanna.

Það ætti nú ekki að vera með nein fagnaðarlæti þótt vörsluaðilar þessa sparnaðar ætli ekki að taka sérstaka þóknun fyrir að greiða þetta út.  Þessir vörsluaðilar eiga ekki þessa peninga og láta sér detta í hug að taka þóknun fyrir að skila þeim til réttra eigenda væri hneyksli.

Fæstir taka þóknun

Stórkostlegur hundur

Hundurinn Þoka ferðast milli elliheimila og skemmtir öldruðu heimilisfólki. Þoka sem er sjálfboðaliði hjá Rauða Krossinum var á Hrafnistu í gær ásamt eiganda sínum og vakti talsverða lukku. Heimilisfólki fannst hundurinn spennandi, en sumir voru þó meira fyrir ketti.

Ekki veitir af að létta fólkinu lífið sem er á elliheimilunum.  Þegar ég bjó fyrir vestan á Bíldudal átti ég alltaf kött og hann veitti mér góðan félagsskap.  Þegar ég flutti síðan hingað í Sandgerði tók ég auðvitað köttinn með.  En í eitt skipti þegar hann var að leika sér fyrir utan svalirnar hjá mér (Ég bý á jarðhæð), þá kom einhver maður og tók köttinn og sagðist ætla að aflífa hann því lausaganga katta væri bönnuð (Hann var ekki merktur með hálsól)  Seinn sá ég auglýst hér í Sandgerði kettir til gefins.  Ég hafði samband við þann sem auglýsti og fékk hjá honum tvo kettlinga og hafði af þeim mikla ánægju.  En svo komst forstöðukonan sem sér um húsi sem ég bý í, að því að ég væri með kettlinga.  Hún sagði að samkvæmt húsreglum fyrir þetta hús mætti ekki vera með gæludýr og varð ég að láta svæfa þá báða.  Þegar maður býr einn geta þessi dýr veitt manni ótrúlegan félagsskap. 

Loðinn og ferfættur sjálfboðaliði

Vaxtalækkun

Frjálslyndi flokkurinn telur að tafarlaus og mikil lækkun stýrivaxta nú sé beinlínis lífsnauðsynleg fyrir fjárhag heimila og lykilatriði fyrir endurreisn atvinnulífs í landinu. Flokkurinn telur að lækka eigi stýrivexti tafarlaust niður í 8% og lækka þá síðar eftir því sem unnt reynist. Ennfremur eigi að frysta allar vísitölur í þrjú ár og nýta tímann til að undirbúa afnám verðtryggingar.

Það er fyrir löngu orðið tímabært að lækka stýrivexti Seðlabankans.  Þeir ættu að fara niður í a.m.k. 6% ef ekki neðar.  Núverandi vextir eru að ganga frá atvinnulífinu dauðu og sá skaði verður seint bættur.  Mér líst vel á þessar hugmyndi að frysta vísitöluna og miða við 5%, sú leið er alla veganna betri en tillögur um flatan niðurskurð um 20% af öllum skuldum, hvort sem fólk þarf á því að halda eða ekki.  Svo ætlar Tryggvi Þór Herbertsson að telja fólki trú um að það kosti ekki krónu.  Eitthvað hefur nú slegið út í hausnum á honum.

Vaxtalækkun lífsnauðsynleg

Alþingi

Atkvæðagreiðslu um breytingar á tollalögum, lögum um vörugjald og virðisaukaskatt, með síðari breytingum, var frestað á Alþingi fyrir stundu vegna fámennis í þingsalnum. Reynt verður að greiða atkvæði um málið innan skamms.

Þetta er þingmönnum til háborinnar skammar, að geta ekki mætt í atkvæðagreiðslu um þingmál.

Fyrir hvað fá þessir menn laun?

Ekki nógu margir í þingsalnum

Stolinn trúnaðargögn

Sigurður Einarsson, fyrrverandi forstjóri Kaupþings, hefur sent Ragnari Hafliðasyni, settum forstjóra Fjármálaeftirlitsins, bréf og spurt hvað hann hyggist gera vegna trúnaðargagna úr Kaupþingi sem Sigurður telur að hafi verið stolið og notuð til fréttaflutnings í Morgunblaðinu. Þetta kemur fram í Fréttablaðinu í dag.

Kann hann ekki að skammast sín þessi maður og hafa vit á því að halda kjafti.  Þetta hefði hvort sem er verið birt.  Það þurfti engan þjófnað til þess.

Láttu nú sauma saman á þér kjaftinn Hr. Sigurður Einarsson.

Sigurður Einarsson: Telur að trúnaðargögnum hafi verið stolið