VG

Birtar hafa verið atkvæðatölur úr forvali Vinstrihreyfingarinnar - græns framboðs í Norðvesturkjördæmi síðustu helgi þar sem sjá má hvernig atkvæði greidd einstökum frambjóðendum dreifðust á einstök sæti.

Það vekur athygli mína að tveir efstu eru karlmenn og báðir úr Búðardal.  Enginn af Vestfjörðum eða Norðurlandi Vestra er líklegur til að fá þingsæti.  Annar þessara manna er Grímur Atlason nýráðinn sveitarstjóri og tónlistarmaður.  Nú getur hann sungið hástöfum með sinni hljómsveit;

"Er ég kem heim í Búðardal"

Atkvæðatölur hjá VG í NV-kjördæmi

HB-Grandi hf.

Verkafólk sem starfar á lægstu töxtum Starfsgreinasambandsins er knúið til að axla ábyrgð á fjármála- og bankakreppu, efnahagsástandinu, sem það ber enga ábyrgð á, til að koma til móts við atvinnurekendur, segir Skúli Thoroddsen, framkvæmdastjóri Starfsgreinasambandsins.

Þetta er alveg í stíl við frjálshyggjuna.  Fjármagnið fyrst svo kemur fólkið.  Annars skil ég ekki forustumenn þessa ágæta fyrirtækis.  Því með þessu er verið að draga niður orðstír fyrirtækisins, sem ég hefði haldið að ætti að skipta eigendurna mestu máli. 

Þarna er verið að misnota verkalýðshreyfinguna, því hún hafði gefið það vilyrði að þau fyrirtæki sem væru illa stödd fengju frest á launahækkun 1. mars en ekki þau sem sannarlega gætu greitt.  HB-Grandi hf. hagnaðist um á þriðja milljarð á síðasta ári svo hann gat auðveldlega greitt þessa hækkun, en gerði það ekki þrátt fyrir góða stöðu. 

Fyrst arðurinn var svo lítill að sögn forstjóra félagsins, þá gat hann ekki skipt máli fyrir moldríka eigendur.  En launahækkun uppá 13,500 krónur skiptir miklu fyrir verkafólk.  Nú líta flestir neikvætt á þetta fyrirtæki og stjórnendur hafa sett á það ljótan blett, sem tekur langan tíma að hverfa.

Sérhagsmunalið féfletti útveginn

Prófkjör

Munur á reglum um hámarks-auglýsingakostnað í prófkjörum gætu skýrt mismunandi gengi kynjanna eftir flokkum í Reykjavík. Þá er hugsanlegt að reglur um hlutfall kynja á listum gætu hafa stuðlað að breyttu hugarfari í sumum flokkanna.

Það er ánægjulegt hvað konum gekk vel í hinum ýmsu prófkjörum.  Þetta er að sjálfsögðu mismunandi eftir flokkum.  Að sjálfsögðu sker Sjálfstæðisflokkurinn sig talvert úr, en þar eru karlar í efstu sætum, en konum gekk líka vel þar.  Þetta er örugglega vegna þess að reglur um kostnað, auglýsingar ofl. voru hertar mjög.  Því sannast það enn og aftur að konur kunna betur en karlar að ráðstafa rétt, takmörkuðu fjármagni.

Útkoma kynjanna ólík eftir flokkum

Brýnt mál

Árni Páll Árnason, formaður allsherjarnefndar, mun á næstu dögum mæla fyrir frumvarpi til breytinga á skaðabótalögunum sem felur það í sér að hætt verði að draga frá skaðabótum framtíðargreiðslur sem tjónþolar fá frá almannatryggingum og lífeyrissjóði.

Þetta er mál sem þarf að afgreiða sem fyrst.  Það er auðvitað fáránlegt að ef einhver gifttur maður deyr þá skuli dragast frá bótum ekkjunnar þær bætur frá Tryggingastofnun þær bætur sem maðurinn hefði hugsanlega fengið ef hann væri á lífi.  En auðvitað fær látinn maður ekki neinar bætur.  Þetta er fáránlegt.

Breytingin getur ekki beðið

Atvinnuleysi

Alls eru 17.087 einstaklingar skráðir á atvinnuleysisskrá Vinnumálastofnunar, þar af 10.848 karlar og 6.239 konur. Á höfuðborgarsvæðinu eru 11.834 skráðir á atvinnuleysisskrá. Taka verður tillit til þess að á skránni eru allir þeir sem eru skráðir, einnig þeir sem eru í hlutastörfum og fá atvinnuleysisbætur að hluta.

Þetta eru skelfilegar tölur og þær eiga eftir að hækka.  En þetta er auðvelt að laga ef farið yrði eftir mínum tillögum sem ég skrifaði um áðan.

Ríflega 17 þúsund á atvinnuleysisskrá

Landsbjörg

Alþjóðabjörgunarsveit Slysavarnafélagsins Landsbjargar býr sig undir alþjóðlega úttekt á vegum Sameinuðu þjóðanna. Sveitin hefur fengið nýtt húsnæði fyrir starfsemi sína á Keflavíkurflugvelli.

Þarna á að útbúa framtíðar aðstöðu fyrir Landsbjörg og líka fyrir Landhelgisgæsluna sem ætti að vera staðsett þarna líka.  Það er góð höfn í Helguvík og Njarðvík fyrir skip Landhelgisgæsluna þar sem þau geta legið í friði, því lítið fara þessi skip á sjó.  Einnig má benda á að mesta snjóflóðahætta á landinu er á Vestfjörðum og Norðurlandi.  Það er styttra í sjómílum talið frá Suðurnesjum til áðurnefndra staða en frá Reykjavík.

Landsbjörg komin að flugvellinum

Fiskútflutningur

Stjórn Sjómannafélagsins Jötuns mótmælir harðlega allri skerðingu á útflutningi á ferskum fiski, með tilheyrandi launaskerðingu fyrir sjómenn, og minnir á ákvæði kjarasamninga um að leitast skuli við að fá hæsta verð fyrir fisk veiddan á Íslandsmiðum.

Auðvitað eigum við ekki að skerða útflutning á óunnum fiski, sem gefur mun betra verð en fæst á Íslandi.  Veitir okkur nokkuð af að fá auknar tekjur og það í erlendum gjaldeyrir.

Vilja ekki skerða ferskfisksútflutning

Bankaráð Seðlabankans

Silja Bára Ómarsdóttir, aðjúnkt í stjórnmálafræði, hefur óskað eftir því að lögmæti skipunar bankaráðs Seðlabankans verði kannað, en hún telur það brot á jafnréttislögum. „Ef Jafnréttisstofa tekur undir þetta sjónarmið óska ég eftir því að hún kanni forsendur kæru," segir í bréfi Silju Báru.

Hverskonar andskotans kjaftæði er þetta er það orðið heilagt að algert jafræði kynjanna sé á öllum sviðum.  Það skrýtna við þessi lög er að þau gilda bara fyrir konur.  Í sumum prófkjörum sl. helgi átti að gæta jafræðis kynjanna.  En þegar það fór á þann veg að karlar ættu að færast upp fyrir konur á framboðslista þá var bara sagt að þetta ætti ekki við núna.  Ef þetta bankaráð er talið ólöglegt þá hefur Alþingi verið ólöglegt í mörg ár og því allt ólöglegt sem þar hefur verið samþykkt.  Þar á meðal þessi jafnréttislög.  Verður kannski næst að hafa barnsfæðingar eins og í Kína þar sem stjórnvöld ákveða hvað hver fjölskylda má eiga mörg börn.  Þá yrði hver fjölskylda á Íslandi að eiga jafn mörg börn af hvoru kyni. 

Ég er alveg löglegur því ég á tvo syni og tvær dætur.

Bankaráð Seðlabanka ólöglega skipað?

Nýtt Ísland

Ég er með hugmynd að nýju Íslandi sem fælust í eftirfarandi aðgerðum;

1.   Stjórnarskránni breytt þannig að forsetinn fengi aukinn völd og hann veldi síðan ríkisstjórn og væru ráðherrar utan þings.  Ráðherrar verði aldrei fleiri en 7.

2.   Þingmönnum verði fækkað í 33 og störf aðstoðarmanna þeirra lögð niður og einnig störf aðstoðarmanna ráðherra.

3.   Öll fríðindi ráðherra yrðu tekin burt. ráðherrar yrðu að sætta sig við að aka eigin bifreið til og frá vinnu, eins og aðrir launþegar.  Einnig hætti ríkið að greiða flokkunum ákveðna fjárhæð á hverju ári.

4.   Hámarkslaun á Íslandi yrðu aldrei meiri en ein milljón á mánuði.  Þeir sem færu yfir það yrðu skattlagðir um 95% af þeirri upphæð sem væri umfram.

5.   Hætt verði að eyða peningum í rannsókn á orsökum bankahrunsins.  Þetta er búið og gert og ástæðulaust að eyða stórfé til þess eins að kannski væri hægt að sakfella einhvern.

6.   Hætt verði við byggingu tólistarhússins

7.   Allar aflaheimildir verði innkallaðar og tvöfaldaðar og ríkið leigi þær síðan út gegn 10% af aflaverðmæti.  Þetta gæti skapað hátt í 10 þúsund störf og leigutekjur ríkisins yrðu um 10 milljarðar til biðbótar þeim sköttum sem öll þessi störf myndu skila í ríkissjóð.  Þar með væri atvinnuleysi útrýmt, sem sparaði ríkinu mikið fé.  Þetta myndi þýða það að leigutekjur sem nú renna í vasa einkaaðila færu til ríkisins.  Ekki þurfti að greiða núverandi handhöfum aflaheimilda bætur, þar sem útgerðin fengi aukin kvóta og auknar tekjur.

8.    Öllum vegaframkvæmdum yrði frestað í 2-3 ár.

9.    Sinfóníuhljómsveitin yrði lögð niður og rekstur RÚV skertur um 50%

10.   Sendum úr landi alla erlenda fanga sem eru á Litla-Hrauni.

11.   Lögleiðum hass og marijúana og spörum þannig stórfé, við tollgæslu og eftirlit.

12.   Leggjum niður embætti Ríkislögreglustjóra og þau störf sem þar hafa verið unnin færist til Lögreglustjórans í Reykjavík. 

13.   Frestum byggingu á nýju sjúkrahúsi í Reykjavík og leyfum læknum sem starfa á ríkisspítölum að reka jafnframt eigin læknastofur, sem myndi létta verulega á spítölunum.

14.   Fiskistofa skal lögð niður og verkefni hennar færð undir sjávarútvegsráðuneytið.

15.   Allar eftirlitsstofnanir á vegum ríkisins verði lagðar niður og verkefni þeirra boðin út til einkaaðila.

16.   Byggja strax álver í Helguvík og á Bakka við Húsavík.

17.   Stórauka hvalveiðar.  Veiða a.m.k. 500 hrefnur og 1.000 stórhveli.

Með þessu gætum við sparað nokkra tugi ef ekki hundruð milljarða og ríkissjóður yrði rekinn hallalaust.  Með þessum aðgerðum yrðum við fljót að vinna okkur út úr kreppunni sem Ísland er nú í.  Þegar ástandið lagast getum við farið að huga að framkvæmdum á ný.  Nýtum öll tækifæri til að spara peninga hjá ríkinu.

         

 

   

Rétt eða rangt

Lið Fljótsdalshéraðs tapaði sem kunnugt er fyrir liði Kópavogs í lokaþætti Útsvars sl. föstudag. Munaði fimm stigum á liðunum. En margir velta nú fyrir sér hvort það hafi verið rétt ákvörðun hjá dómaranum að gefa rangt fyrir svar Héraðsbúa við spurningu um berserkina Halla og Leikni sem hraunið á Snæfellsnesi er kennt við.

Það skiptir engu máli hvort dómarinn gaf rétt eða rangt í keppninni.  Til að svona keppni standi undir nafni verður dómarinn að hafa allsherjarvald og hans úrskurður á að gilda, hvort sem hann er réttur eða rangur.  Enda hefur lið Fljótsdalshéraðs ákveðið að gera ekkert í málinu og er því þar með lokið.

Var Víga-Styrs saga rétt svar?