Spakmæli dagsins

Græðum saman mein og mein,

Metumst ei við grannann,

fellum saman stein við stein,

styðjum hverjir annan

(Matthías Jochumsson)

Skilningur

Austurríkismaðurinn Josef Fritzl greinir frá því í blaðaviðtali sem birt er í dag að hann hafi lagt sig fram um að gera vistarverur dóttur sinnar Elisabeth eins þægilegar og kostur hafi verið. Hann segist þó skammist sín mjög fyrir gerðir sínar. Þetta kemur fram á fréttavef Berlingske Tidende.

Þessi maður er bæði geðveikur og veruleikafirrtur og sem slíkur hefur hann ekki þær tilfinningar, sem þarf til þess að iðrast gjörða sinna.  Þetta er bara uppgerð til að afla sér samúðar, sem enginn er tibúinn að veita honum.

Fritzl þráir skilning Elisabeth

Bílvelta

Jeppabifreið sem í voru fjórir menn valt útaf Grindavíkurvegi við Svartsengi fyrr í dag. Ekki er vitað um meiðsl mannanna en þeir voru allir fluttir á sjúkrahús. Klippa þurfti einn þeirra sem var í bílnum út úr honum. Bíllinn skemmdist mikið. Mikil hálka er á því svæði þar sem bíllinn fór útaf.

Hún getur verið lúmsk hálkan og oft furðar maður sig á því að fólk ekur alltaf eins og um væri að ræða hásumar.  Vonandi er fólkið ekki alvarlega slasað sem var í þessum bíl.

Valt útaf Grindavíkurvegi

Írar

Ráðherra Evrópumála í Írlandi, Dick Roche, segist þess fullviss að Írar muni samþykkja hinn svokallaða Lissabon-sáttmála Evrópusambandsins. „Já ég er það,“ sagði Roche aðspurður um hvort hann teldi Íra tilbúna til að samþykkja sáttmálann.

Allt þetta hrun og atvinnuleysi hlýtur að breyta afstöðu Íra og þeir munu samþykkja þennan sáttmála, sem kenndur er við Lissabon.

Írar þarfnast Evrópu

Von

„Ef það er eitthvað eitt umfram annað sem ég vil að við tökum með okkur út af þessum fundi þá er það von,“ sagði Bjarni Benediktsson, í framboðsræðu sinni á landsfundi, en hann er í framboði til formanns flokksins. „Von um að flokkurinn nái vopnum sínum á ný, þjóðinni til heilla“, sagði Bjarni.

Það er mesti misskilningur að halda því fram að það væri þjóðinni til heilla að Sjálfstæðisflokkurinn nær vopnum sínum.  Það er þjóðinni til heilla að fylgið er að hrynja af þessum flokki í stórum stíl.

Verðum að halda í vonina

ESB

„Við verðum að horfa á það sem mestu máli skiptir í Evrópusambandinu, hagsmunirnir snúa fyrst og fremst að fjölskyldum og heimilum, ekki bara atvinnulífinu. Ekki aðeins mun matvælaverð lækka heldur einnig vextir á lánum. Þetta eru grundvallaratriði,“ segir Baldur Þórhallsson, stjórnmálafræðingur.

Það á ekki að hlusta á eitthvað úrtölukjaftæði, heldur sækja um aðild að ESB sem fyrst.  Landsfundur Sjálfstæðisflokksins er búinn að afgreiða hina miklu skýrslu um Evrópumálin og niðurstaðan er að vera á móti aðild að ESB en vera samt hlynnt þjóðaratkvæðagreiðslu um að sækja um aðild.  Þannig að flokkurinn er stefnulaus í þessum málaflokki.  Er bæði fylgjandi aðild og á móti.

Hagsmunirnir snúa að heimilum

Slys

Björgunarsveitir Slysavarnafélagsins Landsbjargar á Vesturlandi og undanfarar af höfuðborgarsvæðinu hafa verið kallaðar út vegna einstaklings sem slasaðist við fjallgöngu í Skessuhorni. Nánari upplýsingar um málið liggja ekki fyrir.

Þetta sýnir okkur að niðurskurður hjá Landhelgisgæslunni er varasamur, því nú mun þurfa þyrlu til aðstoðar.

Sækja slasaða konu í Skessuhorn

SPRON

Færeyski bankinn Føroya Bank er ekki ósvipaður að stærð og Byr sparisjóður, ef miðað er við heildareignir hvors um sig í árslok 2008. Færeyski bankinn hefur lýst áhuga á að kaupa eignir SPRON hér á landi.

Við eigum að selja Færeyingum SPRON, sem fyrst.  Ekki að vera að búta þetta niður í smærri einingar og selja þær.  Ef Færeyingar kaupa er næsta víst að allt það starfsfólk sem missti sína vinnu við yfirtöku FJM á SPRON, fá sín störf aftur.  Þetta er langbesta lausnin.

Svipaður að stærð og Byr

Þorgerður Katrín

„Steingrímur J er hið nýja Skattmann og skikkjan hefur verið send með hraðpósti frá Bessastöðum. Skattmann er mættur aftur,“ sagði Þorgerður Katrín Gunnarsdóttir er hún ávarpaði landsfund Sjálfstæðisflokksins. Þorgerður ræddi m.a málefni eiginmanns síns og veikindi dóttur sinnar.

Ég held að henni væri nær að hafa áhyggjur af eigin flokki, frekar en að vera með skítkast út í aðra flokka.  Hvað kemur málefni eiginmanns hennar og veikindi dóttur, landsfundarfullltrúum við?  Er hún að sækja eftir samúð og vorkunsemi?

Skattmann er mættur aftur

Föst í skíðalyftu

Björgunarsveitarmenn úr björgunarsveitinni Súlunni á Akureyri eru búnir að bjarga öllum þeim sem föst voru í stólalyftu í Hlíðarfjalli, samtals um 100 manns. Sum hver höfðu verið föst í lyftunni í á annan klukkutíma vegna bilunar.

Þetta hefur verið óskemmtileg reynsla, að sitja föst í skíðalyftu í hörku frosti.

Öllum bjargað úr lyftunni