Spakmæli dagsins

Fasismi er kapítalismi

í niðurníðslu

(Lenín)

Baugur

Skiptastjórar Baugs Group rannsaka nú flutning eigna úr búi félagsins yfir á nafn stjórnarformanns félagsins, Jóns Ásgeirs Jóhannessonar síðustu mánuðina áður en félagið fór í gjaldþrotameðferð, samkvæmt frétt í breska blaðinu Telegraph í dag. Þar kemur fram að um eignir í Frakklandi, Bretlandi og Danmörku sé að ræða.

Þetta er bara mannlegt eðli að reyna að hirða sem mest úr þrotabúinu, þó ég ætli ekki að mæla því bót.  Það er spurning hvenær þetta allt verður komið í eigu ríkisins.

Tilfærslur eigna úr búi Baugs rannsakaðar

Kynlíf

Norskur karlmaður á yfir höfði sér þunga sekt og ökuleyfissviptingu eftir að bifreið hans mældist á 133 km hraða á hraðbraut, þar sem leyfilegur hámarkshraði er 100 km á klukkustund, skammt fyrir utan Ósló í Noregi í gærdag. Það væri ekki í frásögur færandi nema fyrir þær sakir að maðurinn var með kærustu sína í fanginu, og þau í miðjum klíðum.

Þau hafa ætlað að nýta tímann vel og þess vegna gat ökumaðurinn ekki haft stjórn á bifreiðinni að eðlilegum ástæðum.

Stunduðu kynlíf á ofsahraða

Málsókn

Hagsmunasamtök heimilanna segja stjórnvöld og fjármálafyrirtæki sniðganga með öllu "sanngjarnar og hóflegar" tillögur um leiðréttingu gengis- og verðtryggðra fasteignalána. Samtökin mótmæla því harðlega. Innan samtakanna er hópur fólks að undirbúa málssókn til varnar heimilum þess landsins.

Hvar er nú skjaldborgin, sem allir flokkar á Alþingi vilja slá utan um hag heimilanna í landinu.  Á að líða það að bankarnir sem eru í eigu ríkisins fari ekki eftir tilmælum ríkisstjórnar landsins.  Ef þessir bankastjórar hlýða ekki sínum eigendum, þá verður einfaldlega að reka þá og fá hæfara fólk í staðin.

Málsókn til varnar heimilum

Rólegt í Reykjavík

Allt var með kyrrum kjörum á höfuðborgarsvæðinu í gærkvöldi og í nótt, samkvæmt upplýsingum frá lögreglunni. Engar tilkynningar voru um líkamsárásir né nein alvarleg brot, að sögn varðstjóra í lögreglunni á höfuðborgarsvæðinu.

Hvað er að ske, þetta er ekki eðlilegt ástand.  Voru kannski allir svo þreyttir eftir páskaeggjaleitina með Guðlaugi Þór Þórðarsyni og Birgir Ármannssyni og félögum að allir voru bara heima að hvíla sig.

Rólegt í höfuðborginni

Lækkun olíuverðs

Verð á hráolíu til afhendingar í maí lækkaði í viðskiptum í Asíu í dag eftir páskahátíðina. Hráolíuverð hækkaði talsvert í síðustu viðskiptum fyrir páska. Verð á hráolíu í rafrænum viðskiptum á NYMEX markaðnum í New York lækkaði um 99 sent í 51,25 dali tunnan. Verð á Brent Norðursjávarolíu lækkaði um 57 sent í 53,49 dali tunnan.

Ekki verða svona fréttir til að auka áhuga fyrirtækja í þessum iðnaði að setja fjármagn í olíuleit við Ísland. 

En hver veit?

Hráolíuverð lækkar í Asíu

Hóta hefndum

Sómalískir sjóræningjar hóta að hefna fyrir aðgerðir bandaríska sjóhersins í gær, en þá var bandarískum skipstjóra, Richard Phillips, bjargað. Phillips hafði þá verið í haldi sjóræningja frá því á miðvikudag. Forsvarsmaður sjóræningjanna segir að til hefði staðið að sleppa Phillips án lausnargjalds.

Hvernig ætla þeir að hefna fyrir þetta?  Þeir geta ekkert gert og geta bara verið þakkláti fyrir að bandaríski sjóherinn drap þá ekki alla.

Sjóræningjar hóta hefndaraðgerðum

Laus úr haldi

Bandaríski skipstjórinn Richard Phillips, sem verið hefur í haldi sómalskra sjóræningja frá því á miðvikudag, er laus úr prísundinni að sögn bandarísku sjónvarpsstöðvarinnar CNN.

Mikið er það gott að þeir slepptu skipstjóranum, þeir hafa orðið hræddir við allan hreraflan sem komin var á svæðið.

Skipstjórinn laus úr haldi

Auðjöfrar

Breska dagblaðið Daily Telegraph birtir í dag umfjöllun um rannsókn á íslenska bankahruninu. Í greininni segir að helstu auðjöfrar landsins hafi ekki sést á götum Reykjavíkur að undanförnu, haft eftir Gylfa Magnússyni, viðskiptaráðherra, að margt sé líkt með bönkunum og Enron og vitnað í Evu Joly.

Auðvitað eru þessir menn ekkert að spóka sig á götum Reykjavíkur þessa daganna.  Þeir eru allir fyrir löngu farnir úr landi til að fela sína peninga.  Það eru þessir peningar sem Eva Joly ætlar að finna of sækja fyrir íslenska þjóð og henni mun takast það.Þegar allir þeir fjármunir sem Eva Joly mun ná í, mun ekki mikið verða eftir af fjárlagahallanum hjá ríkissjóði. 

Auðjöfrar landsins sjást ekki á götum Reykjavíkur

Heiður Sjálfstæðisflokksins

Björn Bjarnason, þingmaður Sjálfstæðisflokks, segir að heiður Sjálfstæðisflokksins verði ekki metinn til fjár og sé því meira virði en 55 milljónirnar, sem verði endurgreiddar. Hann sé einnig meira virði en greiðasemi við þá, sem telji sér sæma að misnota nafn og virðingu flokksins til ósæmilegrar fjáröflunar eða í öðrum tilgangi.

Hvernig er það með þessa blessaða menn í þessum flokki er alveg útilokað að þeir geti talað í takt við sannleikann.  Þegar einn þeirra opnar munninn til að segja frá hvernig á að losa flokkinn úr þessu vandræðamáli.  Þá er einhver annar búinn að segja eitthvað sem gengur þvert á álit hins fyrrnefnda.  Dæmi;

1.   Þegar upp komst um þessa miklu styrki frá FL-Group og Landsbanka, sagðist Geir H. Haarde bera einn ábyrgð á því að hafa beðið um styrkina og veitt þeim viðtöku.

2.   Bjarni Benediktsson segir í viðtali að styrkirnir verði endurgreiddir og segir einnig að það geti ekki verið að Geir H. Haarde hafi verið einn að verki.

3.   Andri Óttarsson framkvæmdastjóri flokksins og Kjartan Gunnarsson fv. framkvæmdastjóri flokksins segja að þeir hafi ekki hugmynd um hverjir báðu um þessa styrki og hafi ekkert af þeim vitað fyrr en fjölmiðlar fóru að fjalla um þá.

4.   Guðlaugur Þór Þórðarson segist ekkert vita um þessa styrki annað en fram hafi komið í fjölmiðlum.

5.   Guðlaugur Þór Þórðarson, viðurkennir að hann hafi beðið tvo flokksfélaga að aðstoða við fjáröflun fyrir flokkinn og styrkurinn frá FL-Group sé í raun frá mörgum aðilum en FL-Group hafi séð um að skila peningunum.

6.   Bjarni Benediktsson segir í viðtali að fjárhagsstaða flokksins vera slæma og erfitt geti verið að skila styrkjunum.  Hann segir einnig að hann telji að bæði Andri og Óttar hafi vitað af þessum styrkjum.

7.   Kjartan Gunnarsson segist standa við sín fyrri ummæli og ætli ekki að ræða þetta frekar.

8.   FL-Group tilkynnir að þessi styrkur sé ekki frá nokkrum aðilum heldur eingöngu frá FL-Group.

9.   Kjartan Gunnarsson segist vita hvað menn það voru sem báðu um þessa styrki og veittu þeim viðtöku og skorar á þá að gefa sig fram og upplýsa málið.

10.  Upplýst er að Guðlaugur Þór hafi beðið Þorstein Jónsson í Vífilfelli og forstöðumann verbréfasviðs Landsbanka Íslands um að safa fé fyrir flokkinn.  En hve miklu þeir söfnuðu og hvar veit hann ekki.

11.  Upplýst er að Þorsteinn Jónsson fv. varformaður stjórnar FL-Group fékk styrkinn frá FL-Group og að hinn aðilinn hafi fengið styrkinn frá Landsbankanum.

Hverju á maður svo að trúa í öllu þessu misvísandi kjaftæði.  Nú segir Björn Bjarnason að heiður Sjálfstæðisflokksins sé miklu meira virði en þessar 55 milljónir, sem verði endurgreiddir.  Einnig segir Björn að hann harmi að menn skuli misnota nafn flokksins  til ósæmilegrar fjáröflunar.  Auðvitað harmar Björn Bjarnason þessa atburðarás, sem hefur dregið flokkinn niður á lægsta svað í stjórnmálum, hann veit vel að flokkurinn muni gjalda fyrir þetta í næstu kosningum.  Það breytir engu hvort peningunum verði skilað eða ekki.  Skaðinn er skeður og langan tíma mun taka að fá fólk til að hafa trú á þessum flokki.  Flokkurinn er sjálfur búinn að dæma sig til eyðimerkurgöngu í stjórnarandstöðu næstu áratugi.  Þetta er þvílík spilling að heiðarlegt fólk vill ekki koma nálægt þessum flokki.  Það má segja að þetta jaðri við mútur og heiður Sjálfstæðisflokksins lagður að veði.

Heiður Sjálfstæðisflokksins ekki metinn til fjár