Ritstjórar

Þeir Davíð Oddsson og Haraldur Johannessen, nýir ritstjórar Morgunblaðsins, komu til starfa í Morgunblaðshúsinu um klukkan 9:30 í morgun. Davíð sagði að gaman væri að vera kominn á fornar slóðir en hann starfaði um tíma hjá Morgunblaðinu á námsárum sínum.

Þetta eru daprar fréttir eins og ég benti á í grein hér áðan.  En mikið hefur Davíð afkastað miklu á sínum námsárum.  eða er þetta orðið orðatiltæki hjá honum að segja alltaf þegar hann kemur á nýjan stað.  "Ég kynntist nú þessu á námsárum mínum."  Hann hefur varla haft neinn tíma fyrir námið sjálft, enda skipti það engu því að eigin sögn kenndi amma hans honum nánast allt sem hægt er að kenna og því veit Davíð Oddsson allt um alla.

Nýir ritstjórar til starfa

Uppsagnir

Jarðboranir hafa sagt upp þrjátíu starfsmönnum vegna fækkunar verkefna við borun jarðhita í þeim efnahagserfiðleikum sem nú ríkja á Íslandi. Segir í tilkynningu frá félagin að þetta sé í fyrsta skipti í sögu félagsins sem gripið er til hópuppsagna.

Hvar endar þetta? Ætlar ríkisstjórnin að sitja aðgerðarlaus meðan atvinnu blæðir út, eða er það kannski tilgangurinn.

Jarðboranir segja 30 starfsmönnum upp

Hitler

Þetta sýnir nú hvað Michael Jackspn var orðinn ruglaður af dóp og lyfjum.  Hitler var brjálæðingur og engin hefði getað breytt því hvorki Michael Jackson eða aðrir.

Taldi Hitler ekki alvondan

Komið haust

Það þarf enginn að vera hissa þótt snjór fari að setjast á fjallvegi þegar komið er haust.  Þetta fylgir þessari árstíð.

Ekki kvíði ég því þótt að ég verði að aka vestur á Bíldudal í næstu viku en þangað er ég að flytja.

Snjóþekja á Holtavörðuheiði

Markmaður svindlar

Daninn Kim Christensen, sem er í markinu hjá sænska knattspyrnuliðinu IFK Göteborg, á nú á hættu leikbann eftir að í ljós kom að hann hefur reynt að svindla með óvenjulegum hætti. Hann sást sparka í markstangirnar til að reyna að gera markið minna.

Er eitthvað athugunarvert þótt markmaður reyni að laga markið hjá sér ef það hefur verið of stórt.  Þetta er bara sjálfsbjargarviðleitni.

Markvörður svindlar

Sjúkdómar

Á árinu 2008 létust alls 1987 einstaklingar, 1005 konur og 982 karlar. Að sögn Hagstofunnar eru helstu dánarmein þjóðarinnar nú sem fyrr sjúkdómar í blóðrásarkerfi og þá aðallega hjarta- og heilaæðasjúkdómar.

Hvernig ætli standi á þessu?  Ég er alveg steinhissa og það hlýtur að vera mataræðið hjá þessu fólki, ekki eru það reykingar.  Því þótt ég hafi reykt í rúm 40 ár er mitt hjarta og æðakerfi eins og í ungabarni.  Ég læt skoða þetta reglulega því að á hverjum sígarettupakka, sem ég opna stendur "Reykingar drepa" en ég læt það ekki hvarfla að mér að hætta að reykja því ég tel þær hollar hverjum manni.

Hjarta- og æðasjúkdómar algengasta banameinið

Morgunblaðið

Í morgun mættu til vinnu í fyrsta sinn tveir nýir ritstjórar Morgunblaðsins, þeir Davíð Oddsson og Haraldur Johannessen.  Það var ekki að sjá á leiðara blaðsins í dag en verður sennilega á morgun. það sem dagurinn í dag er fyrsti vinnudagur þeirra félaga.  Í gær var ekki hægt að ná sambandi við áskriftardeild blaðsins, þar sem margir voru að segja upp áskrift að blaðinu.  Þar á meðal Sveinn Andri Sveinsson, hæstaréttarlögmaður og sjálfstæðismaður.  Ég ætla að halda minni áskrift áfram á meðan blaðið verður rekið á eðlilegan hátt.  En um leið og blaðinu verður breytt hætti ég að kaupa það.  Það hefur spurst út að til standi að breyta Morgunblaðinu úr frjálsum fjölmiðli í áróðursblað fyrir Sjálfstæðisflokkinn og þá sér staklega þá klíku sem er utan um Davíð Oddsson.  Þorsteinn Már Baldvinsson hjá Samherja hf. á Akureyri á einnig hlut að máli, sem einn af eigendum blaðsins og þá vitum við hvernig blaðið mun fjalla um sjávarútvegsmál og kvótakerfið.  En kvótakerfið gerði Þorsteini kleyft að eignast hlut í blaðinu.

Það er opinbert leyndarmál að Ólafur Stefensen var látinn hætta vegna skoðana sinna á ESB. sem voru aðrar en skoðanir Óskars Magnússonar, sem er skráður útgefandi blaðsins en ekki Árvakur hf., sem er þó eigandi blaðsins.  Fjöldi blaðamanna var sagt upp störfum í gær og er sagt það vera í hagræðingarskini, þótt ástæðan sé augljós.  Þessir blaðamenn höfðu ekki réttar skoðanir og því þurfti að reka þá.  Á meðan Styrmir H. Gunnarsson var ritstjóri Morgunblaðsins tókst honum að gera blaðið vinsælt og allir fengu birtar greinar í blaðinu sem vildu.  En nú á að breyta til og feta í fótspor gamla Þjóðviljans.  Morgunblaðið verður hér eftir áróðursrit fyrir Sjálfstæðisflokkinn og kvótaeigendur og þröngsýni mun ráð för.  Ég get alveg viðurkennt að Davíð Oddsson er mjög vel ritfær maður og orðheppinn, en hann er líka mjög fær í því að ausa skít og drullu yfir fólk sem honum er ekki að skapi.  Ég hélt að Davíð myndi vilja enda sína starfsævi með öðrum hætti en að verða ritstjóri yfir nýjum ÞJÓÐVILJA

Hin sjálfsumglaðafréttakona Agnes Bragadóttir fékk ekki uppsagnarbréf, enda er hún manneskja sem kann að sleikja sig upp við sína yfirmenn og mun með ánægju sleikja fætur Davíðs Oddssonar.  Það er talsvert skrýtin hugsun með þetta blað, til að núverandi eigendur gætu eignast það þá var Íslandsbanki látinn afskrifa um fjóra milljarða af skuldum Árvakurs og fyrri eigendur píndir til að færa sitt hlutafé niður í núll og nú er verkið fullkomnað með ráðningu Davíðs Oddssonar sem ritstjóra, manns, sem er á fullum eftirlaunum hjá ríkinu.

Ég ætla að lokum að óska nýjum ritstjórum til hamingju með nýju störfin og eigendum til hamingju með:

Sinn nýja Þjóðvilja

Umferðarslys

Fólksbíl var ekið út af Rauðasandsvegi á sunnanverðum Vestfjörðum um kl. 14.00 í gær. Ökumaðurinn, sem var erlendur ferðamaður, slapp ómeiddur. Hann var einn í bílnum og tilkynnti sjálfur um óhappið. Bíllinn skemmdist mikið.

Það er ótrúlegt að ökumaðurinn hafi sloppið ómeiddur frá þessu slysi.  Ég þekki þennan veg nokkuð vel og hef oft farið hann en þá að sumarlagi og oft verið skelkaður, því þessi vegur er einn af hrikalegustu vegum landsins.  En þetta var erlendur ökumaður og örugglega ekki vanur að aka í hálku, sem komin er víða fyrir vestan.  Það ætti að setja skilti við svona vegi svo erlendir ferðamenn séu ekki að hætta lífi sínu að óþörfu.

Útafakstur á Rauðasandsvegi

Spakmæli dagsins

Besta ráðið til að halda sér

lengi ungum er að skipta

sem oftast um skoðun.

(Matthías Jochumsson)

Málningu slett

Málningu var slett á hús Hreiðars Más Sigurðssonar, fyrrverandi forstjóra Kaupþings í nótt. Er þetta ekki í fyrsta skipti sem slík skemmdarverk eru unnin á heimili Hreiðars Más og líkt og oft áður er sendur póstur á fjölmiðla frá einhverjum sem nefnir sig Skap ofsi til þess að vekja athygli á skemmdarverkunum.

Hvað gengur þessum Skap-ofsa til með öllum þessum málningarslettum á ýmis hús.  Þarna er verið að ráðast á dauða hluti.  Ef þessi Skap-ofsi á eitthvað óuppgert við Hreiðar Má Sigurðsson, þá á hann auðvita að ræða það við Heiðar.  Málningarslettur leysa engan vanda, nema síður sé.

Rauðri málningu slett á hús Hreiðars Más