Atvinnulausir

Fulltrúar frá Ísafjarðarbæ, Verkalýðsfélagi Vestfirðinga, Félagi opinberra starfsmanna á Vestfjörðum og Félagi járniðnaðarmanna á Ísafirði undirrituðu í dag samkomulag sem auðveldar atvinnulausum aðgang að líkamsrækt í sveitarfélaginu. Samkomulagið felur í sér að stéttarfélögin greiða 50% af kostnaði við sundkort/líkamsræktarkort á móti Ísafjarðarbæ sem á móti gefur 50% af kostnaði við kortið. Samningurinn gildir úr árið.

Hverskonar andskotans bull er þetta?  Má ekki bara segja að allir atvinnulausir fái frítt í líkamsrækt og sund., frekar en að vera með svona langlokum um hver greiðir hvað.

Atvinnulausum boðið í ræktina

Vændi

Sextán samtök skora á stjórnvöld að leggja bann við kaupum á vændi. Segir í áskorun þeirra að því bera að fagna að enn einu sinni er komið fram á Alþingi frumvarp um að banna kaup á vændi.

Þetta mál er dæmigert fyrir mikinn flýtir á afgreiðslu mála á Alþingi og þingmenn hafa ekki nennt að kynna sér vel.  Það stóð til á sínum tíma að banna vændi á Íslandi og var lagt fram frumvarp þess efnis.  En frumvarpið var nú ekki betur unnið en svo að í stað þess að banna vændi var það gert löglegt.

Ég ætla að vona að það takist betur til núna, því auðvitað á að banna vændi á Íslandi.

Skora á stjórnvöld að leggja bann við vændiskaupum

Menntamálaráðherra

Katrín Jakobsdóttir, menntamálaráðherra, kynnti á ríkisstjórnarfundi í morgun frumvarp til laga um úthlutun listamannalauna. Miðar frumvarpið að því að fjölga þeim mánuðum sem listamönnum standa til boða, úr 1.200 í 1.600, á þremur árum. Hins vegar verði launin ekki hækkuð.

Hún Katrín Jakobsdóttir er að ger góða hluti í Menntamálaráðuneytinu.  Greinilega rétt kona á réttum stað.  Svo er hún líka að vinna að breytingum á Lánasjóði Íslenskra námsmanna sem verða til mikilla bóta.

Vonandi að hún haldi þessu embætti eftir kosningar.

Leggur til breytingar á listamannalaunum

Aukin störf

Ríkisstjórnin hefur samþykkt viðtækar tillögur í atvinnumálum, sem ætlað er að skapa ríflega 4000 ársverk á næstu misserum. Um er m.a að ræða störf í byggingariðnaði, við byggingu snjóflóðavarnagarða og gróðursetningu og grisjum.

Ætlar svo einhver að halda því fram að Jóhanna Sigurðardóttir standi sig ekki vel sem forsætisráðherra.

Ætla að skapa 4000 ársverk

Steingrímur J. Sigfússon

Steingrímur J. Sigfússon fjármálaráðherra styður ekki fjárfestingarsamning iðnaðarráðherra við Norðurál í Helguvík og segir hann arf frá fyrri ríkisstjórn. Hann á ekki von á því að neinn þingmaður VG greiði atkvæði með samningnum en vill ekki svara því hvort þeir greiði atkvæði gegn honum. 

Þetta viðhorf Steingríms á eftir að breytast að loknum kosningum og líka aðild að ESB, þegar ný vinstri stjórn verður mynduð.  Stjórnmálamenn tala alltaf öðruvísi fyrir kosningar en eftir.  Það segir sagan okkur.

Steingrímur á móti Helguvík

Samfylkingin

 

 Fylgi Samfylkingar eykst og mælist 30,5% samkvæmt könnun, sem MMR hefur gert á fylgi stjórnmálaflokkanna. Fylgi Sjálfstæðisflokks mælist 29,3% og fylgi VG 22,7%. Rétt yfir helmingur svarenda segist styðja ríkistjórnina.

 

Nú verður Samfylkingin að spila rétt úr sínum málum og lýsa yfir að sömu flokkar og nú mynda ríkisstjórn muni gera það áfram eftir kosningar.  Það verður að sjá til þess að hér verði mynduð vinstri stjórn.  Sjálfstæðisflokkurinn hefur bara gott af því að vera í stjórnarandstöðu.  Hann er búinn að vera alltof lengi í ríkisstjórn og þingmenn flokksins hafa orðið værukærir og talið sjálfsagt að flokkurinn væri alltaf í ríkisstjórn.

         Nýja vinstri stjórn eftir kosningar, takk.

Fylgi Samfylkingar eykst

Arðrán hvala

Nú hefur Hafrannsóknarstofnun birt niðurstöður úr vísindaveiðum á hrefnu á árunum 2006 og 2007Þar kemur fram að hrefnan étur árlega um 300 þúsund tonn af þorski og ýsu.  En útgefnar aflaheimildir í þessum sömu tegundum eru samanlagt 250 þúsund tonn.  Í það heila er áætlað að hrefnan éti um milljón tonn af hinum ýmsu fisktegundum hér við land.  Þá er ótalið allt það sem hvalurinn étur.  Nú finnst engin loðna og ætli skýringin sé ekki sú að þessar skepnur eru búnar að éta hana upp.  Hvað ætlum við að berja lengi höfðinu í steininn og neita að viðurkenna staðreyndir?  Það er ljóst að á meðan þetta ástand er þá byggjast ekki upp neinir fiskistofnar hér við land.  Ætlum við virkilega að láta þessar skepðnur éta upp allar fisktegundir, sem mun þýða að fiskveiðar við Ísland munu heyrasögunni til.  Nei það verður að bregðast við þessu með því að stórauka veiðar á þessum skepnum.  Við höfum hreinlega ekki efni á að hafa þessar skepnur bara til að sýna ferðamönnum.  Auknar veiðar á þessum dýrum munu skapa mikla vinnu og gjaldeyristekjur, því það mun vera góður markaður fyrir hvalafurðir í Japan.

Eins og staðan er í dag skipta okkar veiðar engu máli.  Við náum ekki að veiða bara það sem hrefnan étur.

Hingað og ekki lengra það er komið nóg af þessu hvalarugli.

Segir af sér

Jón Þorsteinn Jónsson, stjórnarformaður Byrs, hefur tilkynnt stjórn Byrs, að hann sjái sig knúinn til að láta tímabundið af stjórnarstörfum fyrir sparisjóðinn fram að næsta aðalfundi hans. Við stjórnarformennsku Jóns Þorsteins tekur Jón Kristjánsson sem verið hefur varaformaður stjórnar Byrs. Í tilkynningu Jóns Þorsteins til stjórnar sparisjóðsins, segir um ástæðu þessarar ákvörðunar, að félög nátengd honum standi nú í samningum við lánardrottna.

Það er þó virðingarvert að Jón Þorsteinn skuli segja af sér þegar hætta er á hagsmunaárekstrum og mættu fleiri taka þetta sér til fyrirmyndar.  Það er allof mikið um að menn horfi framhjá svona hlutum og hugsi fyrst um eigin hag og einnig vina og kunningja.  Þetta sést best hvernig staðið var að sölu Árvakurs hf. og Senu.

Knúinn til að hætta sem stjórnarformaður Byrs

Aukning á fjölda kvenna á þjóðþingum

Samkvæmt nýrri könnun Alþjóðaþingmannasambandsins (IPU) situr nú metfjöldi kvenna á þingi eftir kosningar í 54 löndum árið 2008. Að meðaltali eiga konur 18,3% þingsæta í öllum deildum þinganna, sem er 60% aukning frá árinu 1995 þegar kvenþingmenn voru aðeins 11,3%.

Þetta er góð þróun og vonandi bæta konur enn sinn hlut á Alþingi í næstu kosningum.  Ef fleiri konur hefðu verið hér í ríkisstjórn 2008 að ég tali nú ekki um ef konur hefðu stjórnað bönkunum, hefði þessi efnahagskreppa ekki orðið eins alvarleg á Íslandi og raun varð á.  Það er margsannað að konur eru mun gætnari og ekki eins áhættusæknar og karlar.

Metfjöldi kvenna á þingi í heiminum

Hagræðing/Niðurskurður

„Það er stutt á milli hagræðingar og niðurskurðar" sagði Ögmundur Jónasson, heilbrigðisráðherra, á málþingi sem Félag um lýðheilsu boðaði til nú í hádeginu. Ekki líti allir þær aðgerðir sem grípa þarf til í heilbrigðismálum sömu augum og það sem einn hópur túlki sem niðurskurð sjái annar hópur sem hagræðingu.

Nú er ég sammála Ögmundi, því orðið hagræðin hefur verið ofnotað lengi hjá hinum ýmsu atvinnugreinum.

Stutt á milli hagræðingar og niðurskurðar