Osam bin Laden

Osama bin Laden hatar Björk, og er meinilla við íslensku hverina, sagði Jason Jones, „fréttaritari“ bandaríska grínfréttaþáttarins „The Daily Show,“ sem sýndur er á sjónvarpsstöðinni Comedy Central,er hann hélt blaðamannafund á Hilton-hótelinu í Reykjavík í morgun.

Hverjum er ekki sama hvað þessi brjálæðingur er að bulla og með öllu óskiljanlegt hvað fjölmiðlar, bæði hér á landi og erlendis eru iðnir við að hampa öllu sem frá þessum manni kemur.  Ég hef spurt þess áður og ætla að gera aftur.  Er ekki nokkur leið að slátra þessu kvikindi hr. Bush?

Osama bin Laden „hatar Björk“

Síminn

Úrskurðarnefnd fjarskipta og póstmála hefur úrskurðað í máli Símans gegn Póst- og fjarskiptastofnun í ágreiningsmáli um framlag úr jöfnunarsjóði. Komst úrskurðarnefnd fjarskipta- og póstmála að þeirri niðurstöðu að kostnaður Símans vegna þeirrar alþjónustukvaðar að veita gagnaflutningsþjónustu með 128 Kb/s flutningsgetu í sveitum á árinu 2005 næmi rúmum 163 milljónum króna.

Á vef Póst- og fjarskiptastofnunar kemur fram að Síminn beindi málinu til úrskurðarnefndar þann 4. janúar 2007, þar sem kærð er ákvörðun PFS frá 7. desember 2006 vegna umsóknar Símans hf. um framlag úr jöfnunarsjóði alþjónustu vegna ársins 2005.

Með úrskurði sínum felldi úrskurðarnefndin úr gildi þann hluta ákvörðunar PFS þar sem Símanum hf. eru ákvarðaðar rúmar 18 milljónir króna í framlag úr jöfnunarsjóði vegna umræddrar alþjónustukvaðar.

Ákvörðun Póst- og fjarskiptastofnunar um að hafna umsókn Símans um framlag vegna taps á rekstri notendalínukerfis á Vestfjörðum á árinu 2005 sætti ekki kæru til nefndarinnar og stendur því óbreytt.

Úrskurðarnefnd hafnaði aðalkröfu Símans í málinu sem hljóðaði upp á eingreiðslu að fjárhæð rúman milljarð króna.

Varakrafa Símans var að úrskurðarnefndin felldi hina kærðu ákvörðun úr gildi og breytti henni þannig að kostnaður félagsins vegna alþjónustukvaðar á árunum 2000-2005 yrði ákvarðaður eigi lægri en kr. 240.406.206. Jafnframt, að lagt yrði fyrir PFS að gera tillögu til samgöngumálaráðherra um breytt gjaldhlutfall til samræmis við hinn ákvarðaða kostnað, sbr. 3. mgr. 22. gr. laga um fjarskipti nr. 81/2003. Var þess krafist í báðum tilvikum að væri ekki fallist á tilgreindar fjárhæðir felldi nefndin ákvörðun PFS engu að síður úr gildi og ákvarðaði aðra lægri fjárhæð að mati nefndarinnar.

Á þessa kröfu féllst úrskurðarnefndin að því undanskildu að upphæðin var lækkuð úr rúmum 240 milljónum í rúmar 163 milljónir króna.

Úrskurðarnefnd féllst á það sjónarmið Póst- og fjarskiptastofnunar að afleiðingar þess að félög sæktu ekki árlega um framlög á meðan á verkefnum stæði, heldur biðu þar til þeim væri lokið, væru óheppilegar, samkvæmt vef PFS.

Nefndin komst hins vegar að þeirri niðurstöðu að það að Síminn sótti ekki um framlag úr jöfnunarsjóði fyrr en árið 2005 leiddi ekki til þess að fjárfestingarkostnaður vegna framkvæmda sem fram fóru á árunum 2000-2004 félli niður við ákvörðun framlags ársins 2005. Nefndin taldi að ekki væri að finna slíkt ákvæði í fjarskiptalögum svo óyggjandi væri og að ekki væri unnt að byggja á reglugerðarákvæði sem ekki hefði fullnægjandi lagastoð. Vísað var til þess að túlkun Póst- og fjarskiptastofnunar í hinni kærðu ákvörðun hafi verið mjög íþyngjandi fyrir Símann.

Að lokum lagði úrskurðarnefnd fyrir Póst- og fjarskiptastofnun að gera tillögu til samgönguráðherra um hækkað gjaldhlutfall fjarskiptafyrirtækja í jöfnunarsjóð til samræmis við hinn ákvarðaða kostnað, sbr. 3. mgr. 22. gr. fjarskiptalaga. Að óbreyttu má því reikna með að gjaldhlutfall það sem fjarskiptafyrirtæki þurfa að greiða til jöfnunarsjóðs hækki verulega á næsta ári.

Ég hélt að búið væri að einkavæða Símann og ástæðan hefði verið að fyrirtækið væri betur komið í höndum einkaaðila en ríkisins.  Er það virkilega orðið svo að þeir sem keyptu þetta fyrirtæki geti ekki lengur rekið það án stuðnings frá ríkinu.  Það er óþolandi að þegar búið er að selja einkaaðilum ríkisfyrirtæki geti hinir nýju eigendur komið skríðandi til ríkisins og betlað peninga.  Þeir sem keyptu Símann og allt dreifikerfi hans með öllum þeim kostum og göllum sem því fylgdi og þótt þeir geti nú reiknað út eitthvað tap á dreifikerfinu í sveitum landsins verða þeir bara að sætta sig við það.  Það átti aldrei að selja með Símanum dreifikerfið en fyrst svo var gert, hlýtur  hinn nýi eigandi  að hafa gert sér grein fyrir að á sumum þáttum þess væri tap en aftur á móti mjög mikill hagnaður væri á stæðustum hluta þess.  Ég t.d. er í viðskiptum Vondafone og ég verð að greiða Símanum mánaðarlegt gjald fyrir afnot af símalínum.  Núverandi eigendur Símans verða að sætta sig við að þola tap á því sem tap er á, en fá á móti hagnað af því sem hagnaður er af.  Hvað ætli nettóhagnaður Símans af dreifikerfinu sé í raun mikill?  Ríkið á ekkert með að styrkja einkafyrirtæki með þessum hætti og þótt heimild kunni að vera í lögum fyrir þessari vitleysu, verður bara að breyta þeim lögum.

Síminn fær 163 milljónir úr jöfnunarsjóði

Tilraunir

Hafrannsóknastofnun og HB-Grandi vinna nú að rannsóknaverkefni í veiðitækni sem miðar að því að aðskilja fiskitegundir áður en afli er kominn um borð í veiðiskip. Felst tilraunin í því að aðskilja þorsk og ýsu í botnvörpu þannig að tegundirnar hafni í sitt hvorum vörpupokanum. Fjallað er um verkefnið á vef Hafrannsóknarstofnunar og segir þar m.a. að við þær aðstæður sem nú séu á Íslandsmiðum eigi sjómenn ekki hægt um vik með að uppfylla þær kröfur sem gerðar eru til þeirra um samsetningu afla.

Þetta sé sérlega erfitt þegar sótt sé í tvo eða fleiri stofna sem haldi sig á sömu svæðum, en hlutfall veiðiheimilda í tegundirnar sé ekki í samræmi við dreifingu þeirra á miðunum, líkt og nú er með þorsk- og ýsustofnana á Íslandsmiðum.

Þá segir að HB-Grandi hafi boðið stofnuninni Örfirisey RE 4 til rannsóknirnar sem fram fari dagana 12. – 20. október. Er rannsóknin framkvæmd þannig að þil úr neti er sett í endilanga vörpuna þannig að fiskur sem heldur sig ofarlega í vörpunni safnast í annan hluta poka en sá sem heldur sig í neðri hluta vörpunnar.

Ein vitleysan í viðbót í þessu kvótakerfi og af hverju þarf endilega að gera þessa tilraun í Ísafjarðardjúpi.  Væri ekki eðlilegra að gera þetta á hefðbundinn veiðislóð togara, því varla getur verið ætlunin að togaraflotinn fari að stunda veiðar inn á fjörðum og flóum í framtíðinni.  Það verður aldrei marktæk tilraun með ákveðið veiðarfæri ef tilraunin er ekki framkvæmd á þeim stað sem nota á viðkomandi veiðarfæri.  Allt annað er bull og vitleysa.

Hafró og HB-Grandi reyna að aðskilja fiskitegundir

Vilhjálmur tvísaga um HS

Vilhjálmur Þ. Vilhjálmsson, oddviti Sjálfstæðisflokks í borgarstjórn Reykjavíkur, sagði í Kastljósþætti Ríkissjónvarpsins á mánudag 15. október, að honum hefði verið ljóst að hlutur Orkuveitu Reykjavíkur (OR) í Hitaveitu Suðurnesja (HS) ætti að renna inn í Reykjavík Energy Invest (REI).  Þetta er í mótsögn við það sem haft er eftir honum í Fréttablaðinu, miðvikudaginn 10. október;  "Það hefur staðið til að við keyptum meira af Hafnarfirði og það samkomulag stendur.  Hafnfirðingar hafa ekkert gefið upp um hvað þeir ætla sér, en ef við keyptum þann hlut færi hann ekki inn í REI.  Það er ekki inn í myndinni, alls ekki";  Var haft eftir Vilhjálmi þá.  Í Kastljósþættinum, þar sem Vilhjálmur og Bjarni Ármannsson, stjórnarformaður REI fóru yfir málið, sagðist Vilhjálmur hafa vitað af samkomulagi um að eignarhlutur Orkuveitunnar í HS rynni inn í REI.  "Ég vissi að hlutur okkar (Orkuveitu Reykjavíkur) í Hitaveitu Suðurnesja ætti að renna inn í Þennan pakka (Reykjavík Energy Innest)."

Vilhjálmur hefur jafnframt neitað staðhæfingum Hjörleifs Kvaran, forstjóra OR, Hauks Leóssonar, fyrrverandi stjórnarformanns OR og Bjarna Ármannssonar, stjórnarformaður REI, um að hann hefði verið upplýstur um atriði samnings sem fól í sér sameiningu Geysis Green Energy og REI.

Margir í sporum Vilhjálms myndu nú biðja Guð að hjálpa sér, en ekki Gamli Góði Villi.  Hann biður þann aðila sem hann hefur mesta trú á um hjálp og sá aðili sem Vilhjálmur tilbiður nú er Svandís Svavarsdóttir.  En hvort Svandís kærir sig um að bjarga Vilhjálmi frá öllum þessum lygum á eftir að koma í ljós, en líklega væri hún mjög trúlega hæfari um það en flokkssystkini Vilhjálms, sem gráta það ekkert þótt þeirra foringi eigi í miklum vandræðum

Írak

Það var fróðlegur þáttur hjá þeim Kompás-mönnum í gærkvöldi.  En þar voru þeir að fara yfir stöðuna í Írak og allt það klúður sem bandaríkjamenn hafa gert þar og studdir dyggilega af Íslandi.  Það var birt myndbrot að því þegar Davíð Oddsson þáverandi forsætisráðherra var að dásama þessar aðgerðir í Írak og hve ánægjulegt það væri að Ísland skyldi fá að vera með í leiknum.  Það kom fram að allur sá mannfjöldi sem fagnaði þegar styttan af Sadam Hussein var felld, var fólk sem var safnað úr fátækrahverfum Bagdad og fékk greitt fyrir að taka þátt í því leikriti sem Kaninn var að setja á svið.  Allur sá fagnaður sem innrásarherinn átti von á, var ekki fyrir hendi og því var neyðst til að setja það á svið.  Margir af fyrrverandi hershöfðingjum í Bandaríkjaher, hafa að undanförnu verið að lýsa því hörmungarástandi sem þarna er og hvað þessi innrás hafi verið mikil mistök.  Nú er svo komið að BNA hafa þurft að ráða málaliða frá ýmsum löndum til að berjast í Írak og hafa mörg fyrirtæki sem eru með slíka starfsemi grætt milljarða á slíkum samningum og talið er að alls séu nú starfandi um 50 þúsund málaliðar í Írak til viðbótar öllum herafla BNA og ekki ræðst við eitt né neitt og nokkrar miljónir íbúa Íraks, eru orðnir flóttamenn.  Málaliðarnir hafa þau fyrirmæli "Að skjóta fyrst og spyrja svo."  Ekki veit ég hvernig BNA ætlar að losna út úr þessari vitleysu.  Þessi innrás var gerð án samþykkis Sameinuðu Þjóðanna og brýtur þar með alþjóðalög.  Vissulega var Sadam Hussein brjálaðir vitleysingur, sem nú er búið að hengja, en það réttlæti ekki að ráðast inn í landið og setja þar allt á annan endann.

Kjaftæði

Útvarpsstöð Ísraelshers greindi frá því í dag að sýrlenskur embættismenn hafi staðfest að skotmark loftárásar Ísraelshers á sýrlenskt landsvæði þann 6. september hafi verið kjarnorkurannsóknarstöð í byggingu. Þeir segja byggingu stöðvarinnar þó hafa verið mjög skammt á veg komna. Þetta kemur fram á fréttavef Ha’aretz.

Haft er eftir fulltrúa Sýrlendinga hjá Sameinuðu þjóðunum að Ísraelsher hafi ráðist á kjarnorkustöð en ekki landbúnaðarrannsóknarstöð þar sem unnið hafi verið að jarðvegsrannsóknum, eins og Sýrlendingar héldu upphaflega fram. Áður hefur Bashar Assad, Sýrlandsforseti staðhæft að árásin hafi verið gerð á gamla og ónothæfa hernaðarbyggingu.

Svo er verið að fullyrða að þessar þjóðir ætli ekki að búa til kjarnorkuvopn.  Hversvegna gát þeir ekki sagt satt og rétt frá í upphafi,  Var verið að leyna einhverju?

Staðfest að loftárás hafi beinst gegn kjarnorkurannsóknarstöð

Sjálfstæðisfólkið í borgarstjórn

 

Í bókun sem Sjálfstæðismenn lögðu fram á borgarstjórnarfundi í dag kemur fram að þeim þyki það ótrúleg vinnubrögð hjá nýjum meirihluta, að neita að ræða stefnumál sín, þeirra á meðal málefni Orkuveitu Reykjavíkur, á fyrsta borgarstjórnarfundi nýs meirihluta.

„Fyrir utan stuttar kurteislegar ræður borgarstjóra, Dags B. Eggertssonar, við upphaf og endi umræðunnar, tók enginn borgarfulltrúa meirihlutans til máls í þessari mikilvægu umræðu. Þó var fjölda spurninga beint til borgarfulltrúa meirihlutans, en engum þeirra var svarað,” segir í bókuninni og síðan eru tíndar til þær spurningar sem Sjálfstæðismenn báru meðal annars fram:

· Styður Borgarstjórn Reykjavíkur samruna REI og Geysis Green Energy?
· Af hverju vill Svandís Svavarsdóttir ekki samþykkja tillögu hér í Borgarstjórn sem er samhljóða bókun þeirri sem hún lagði fram á eigendafundi í OR hinn 3. október 2007?
· Af hverju vill Svandís Svavarsdóttir ekki lýsa hug sínum til tillögunnar.
· Vissi Björn Ingi Hrafnsson ekki að samruni REI og GGE varðaði verulega fjárhagslega hagsmuni lykilmanna í Framsóknarflokknum.
· Vissi Björn Ingi Hrafnsson ekki hver ætti fyrirtækið Landvar, sem hagnast verulega á þessum samruna, en það er í eigu formanns fjáröflunarráðs framsóknarflokksins árum saman.
· Af hverju hefur Björn Ingi Hrafnsson ekki sagt frá fundum sem hann átti með lykilfjárfestum í aðdraganda málsins, þegar hann hefur sagst hafa lagt öll spilin á borðið?
· Hefur afstaða Samfylkingarinnar til málsins breyst eftir að samningurinn um 20 ára einkaréttarsamningurinn kom í ljós?

Bókunin endar á þessum orðum: „Það er heigulsháttur að þora ekki að ræða í borgarstjórn Reykjavíkur, mál sem hefur misboðið borgarbúum, og þeir vilja fá svör við.”

Ég held að þessir aumingja sjálfstæðismenn hefðu átt að vera svona ákveðnir í að ræða málefni Orkuveitu Reykjavíkur á meðan þeir voru í meirihluta og réðu öllu og ég held að þeir ættu að hafa vit á að ræða ekki þennan einkaréttarsamning sem nú er sannað að þeirra foringi vissi alltaf um og samþykkti.  Þetta auma fólk sem búið er að skjóta sig í báða fætur ætti nú ekki að vera að rífa kjaft.  Þau klúðruðu öllu sem hægt var að klúðra og ætla nú að leika blásaklaus börn.  Er ekki komið nóg af allri lyginni hjá þessu fólki?  Þau geta auðvitað gjammað og kjaftað sig hása en ekki nokkur maður með fullu viti tekur lengur mark á þeim.  Það er alveg ný hlið á þessum flokki ef honum er allt í einu orðið illa við auðmenn og kapítalista eða eru slíkir menn ekki í náðinni fyrr en þeir hafa styrkt sjóði flokksins.

Ný borgarstjórn sökuð um heigulshátt

Útlendingar enn á ferð

Þetta staðfestir það sem ég var að skrifa um í gær varðandi innflytjendur.  Það á að reka allt þetta lið úr landi sem fyrst.  Við höfum ekkert nema vandræði og leiðindi af þessu erlenda fólki og svona verður þetta áfram ef við grípum ekki til rótækra aðgerða strax. 

 Hæstiréttur staðfesti í dag framlengingu á gæsluvarðhaldi yfir karlmanni sem setið hefur í gæsluvarðhaldi frá 3. október sl. í tengslum við þjófnaði í verslunum að undanförnu. Héraðsdómur Reykjavíkur hafði úrskurðað manninn í gæsluvarðhald til 24. október nk. en Hæstiréttur stytti gæsluvarðhaldið til 19. október.

Lögreglan rannsakar rúmlega 20 þjófnaði úr verslunum, þar sem i öllum tilvikum sé um að ræða að stolið hafi verið á opnunartíma verslana með kerfisbundnum hætti dýrum smávarningi. Við húsleit í húsnæði var lagt hald á mikið magn af munum, svo sem fatnað, snyrtivöru og ýmsan tæknibúnað.

Gæsluvarðhald framlengt í þjófnaðarmáli

Dópsmyglið mikla

Enn er lögreglan að sanna hve vel allt var undirbúið varðandi dópsmyglið í skútunni frægu á Fáskrúðsfirði.  Búið að ná einum enn og svo er bara að halda áfram og læsa þetta lið allt inni og henda lyklinum.

Karlmaður á þrítugsaldri ,sem var handtekinn í gær í tengslum við rannsókn lögreglu á stórfelldum innflutningi fíkniefna, en efnin fundust í skútu í Fáskrúðsfjarðarhöfn 20. september sl., hefur verið úrskurðaður í gæsluvarðhald. Er hann sjötti maðurinn sem situr í gæsluvarðhaldi vegna málsins.

Að loknum yfirheyrslum í dag var hann færður í Héraðsdóm Reykjavíkur þar sem hann var, að kröfu lögreglu, úrskurðaður vegna tengsla sinna við málið í gæsluvarðhald til 23. október. Maðurinn, sem er búsettur á höfuðborgarsvæðinu, hefur komið við sögu lögreglu áður vegna minniháttar fíkniefnamála, samkvæmt upplýsingum frá lögreglu.

Fimm aðrir aðilar sæta gæsluvarðhaldi hér á landi vegna rannsóknar málsins. Rannsókn málsins miðar vel en óvíst er hvenær henni lýkur.

Sjötti maðurinn í gæsluvarðhald vegna fíkniefnamáls

Nýtt við stjórn fiskveiða

Nú held ég að menn séu gjörsamlega að tapa öllum áttum varðandi stjórn fiskveiða og nýjasta tilraunin sem blessuð er í bak og fyrir af Hafró og Sjávarútvegsráðherra er að leyfa frystitogaranum Örfirisey RE-4 sem er aðeins 1.845 brúttótonn að stærð að toga um allt Ísafjarðardjúp til að reyna að veiða ýsu.  Þetta verður til þess að smábátar við Djúp sem hafa róið í Djúpið ef veður er þannig að ekki er hægt að fara langt út, fá nú ekki bein úr sjó.  Er þetta það sem koma skal á núverandi fiskveiðiári, að hleypa togaraflotanum upp í fjöru, inn á alla firði og flóa til að sanna það, að hægt sé að ná ýsukvótanum þótt þorskkvótinn sé mjög lítill.  Hverskonar andskotans vitleysa er þetta, eru þessir menn orðnir kolruglaðir?