Borgarstjórn

Ólafur F. Magnússon borgarstjóri segist ekki telja að skýrsla stýrihóps um Reykjavik Energy Invest muni hafa áhrif á meirihlutasamstarfið í borginni og að allir kjörnir borgarfulltrúar hafi lært af málinu. Vilhjálmur Þ. Vilhjálmsson, formaður borgarráðs, segist ekki munu axla ábyrgð á málinu enda hafi hann í engu farið út fyrir sitt umboð.

Ætlar nú Ólafur F. Magnússon að fara að blanda sér í REI-vitleysuna.  Hvernig ætlar svo Vilhjálmur Þ. að axla sína ábyrgð.  Það er ekki nóg að segjast bara ætla að gera það og svo ekki meir.  Hann á auðvitað að segja af sér maðurinn, það er ekki nóg að fá fyrirgefningu synda sinna hjá öðrum borgarfulltrúum.  Það eru fleiri sem búa í Reykjavík en þeir.  En af hverju þarf hann að axla einhverja ábyrgð ef hann fór í engu út fyrir sitt umboð.  Hvers konar andskotans rugl og kjaftæði er þetta að verða.  Ég held að núverandi meirihluti ætti bara að steinhalda kjafti og vona að þetta gleymist sem fyrst.  Að vera að viðhalda umræðu og tala um ábyrgð manna í þessu máli er bara til þess fallinn að málið gleymist ekki og fylgi sjálfstæðismanna í borginni er í frjálsu falli niður á við.   Á ábyrgð manna í þessu máli reynir ekki á, fyrr en í næstu kosningum.  Þannig að ég held að Vilhjálmur Þ. Vilhjálmsson ætti að forða sér sem fyrst.

Áhersla verði lögð á opin og lýðræðisleg vinnubrögð

Þorskurinn

Einar K. Guðfinnsson, sjávar- og landbúnaðarráðherra, sagði á Alþingi í dag, að hann væri að undirbúa að skrifa bréf til sænskra stjórnvalda til að bera til baka ummæli samtakanna WWF um að allur þorskur í heiminum væri í hættu. Sagði Einar, að þetta væri óhróður sem bregðast yrði við.

Hvernig ætlar Einar K. Guðfinnsson að bera þetta til baka.  Er þetta ekki ein af röksemdum sem hann sjálfur notaði þegar hann ákvað að minnka þorskveiðar um 60 þúsund tonn a.m.k. taldi hann íslenska þorskinn í hættu.  Það er skrýtið að tala um óhróður sem bregðast þurfi við, þegar hægt er að rekja þessi ummæli beint til hans aftur.  Það er Hafrannsóknarstofnun sem búin er að koma þessu öllu af stað með öllum sínum yfirlýsingum.  Er ekki nokkuð ljóst að stofn er í útrýmingarhættu þegar engin nýliðun er í stofninum árum saman eins og Hafró er búið að dreifa í skýrslum út um allt.  Það er ekki nóg að við séum að eyða öllum þorskstofninum, heldur er verið að eyðileggja alla okkar markaði fyrir þorskafurðir með ofurtrú ráðherra á skýrslur Hafró sem dreift er um allan heim.

Ber til baka ummæli WWF um þorskinn

Atvinna fiskvinnslufólks færð úr landi

Þann 1. september 2008 var þorskkvótinn skorinn niður um 60 þúsund tonn og ríkisstjórnin boðaði hinar svokölluðu "Mótvægisaðgerðir."  Það var strax ljóst að þegar kvótinn minnkaði svona mikið færi störfum í sjávarútvegi fækkandi.  En eitt af því sem var líka gert 1, september var það að sjávarútvegsráðherra afnam svokallað kvótaálag sem var settur á alla fisk sem fór óunnin úr landi, sem virkaði þannig að ef 1.000 kg. af fiski fóru óunnin og óviktuð út, þá reiknaðist til kvóta 1.100 kg..  Þetta var gert á sínum tíma til að draga úr þessum útflutningi, en við afnám þessarar reglu hefur þessi útflutningur stóraukist.  Rökin fyrir þessu álagi voru þau að þar sem fiskurinn fer óvigtaður úr landi myndi hann vigta um 10% minna þegar hann væri vigtaður erlendis og rökin fyrir því að vigta fiskinn erlendis voru þau að þegar búið er að ganga frá fiski um borð í fiskiskipi þá rýrni gæði hans ef hann væri vigtaður hér á landi og losa þyrfti úr körunum og raða í þau aftur.  Bæði þessi rök eru fullkomlega rétt, það fer illa með fiskinn að þurfa að hreyfa hann úr körunum fyrr en kemur að vinnslu.  Hitt er líka þekkt að fiskur rýrnar um 1% á hverjum sólahring við geymslu og trúlegt að þegar fiskur sem sendur er til Bretlands sé orðinn 10% léttari þegar kaupandinn getur farið að vinna fiskinn.  Hvað er þá vandamálið?  Þau eru nefnilega nokkuð mörg og fela í sér mikinn mismun á milli innlendra og erlendra fiskkaupenda;

1.  Þegar íslenskt fyrirtæki kaupir fisk til vinnslu á fiskmarkaði verður að greiða í samræmi við þá vigt, sem fiskurinn vigtaði upp úr bát inn á fiskmarkaðinn.  Þar sem margir eru að kaupa fisk á mörkuðum víða um land, þarf að aka fiskinum landshorna á milli.  Alla rýrnun frá fiskiskipi og þar til fiskurinn fer í vinnslu þarf hinn íslenski kaupandi að bera og einnig flutningskostnaðinn.

2.   Þegar fiskur er fluttur út óunnin er hann ekki vigtaður fyrr en, að hann er kominn á fiskmarkað erlendis og allan kostnað við flutning þangað er greiddur af seljanda.

3.   Þessi útflutningur leiðir til minna framboðs á íslensku fiskmörkuðunum, sem aftur leiðir til minni vinnu hér á landi.  Störfin einfaldlega flytjast úr landi þ.e. til þeirra landa sem fá sendan til sín óunnin fisk.

4.   Íslensk fyrirtæki eiga ekki kost á að bjóða í þennan gámafisk.  Þótt svo eigi að heita í orði er það ekki framkvæmalegt.  Sá sem ætlar að flytja fisk út í gámum verður fyrst að bjóða hann til sölu hér á landi, en seljandinn má setja ákveðið lámarksverð og með því að hafa það nógu hátt geta íslenskir fiskkaupendur ekki keypt á því verði og engu máli skipti þótt fiskurinn sé að lokum seldur undir þessu lámarksverði erlendis.

 

5.   Strangt eftirlit er með allri vigtun hér á landi af hálfu Fiskistofu en erlendis er lítið eftirlit.  Að vísu mun Fiskistofa vera með einn starfsmann sem á að hafa eftirlit með öllum gámum sem koma til Hull og Grimsby.  Hann á að fylgjast með, að innihald gámanna sé rétt og eins vigtun úr þeim.  Það er augljóst að við slíkt starf ræður enginn einn maður, því slíkur er fjöldi gámanna.

Ég hefði haldið að sjávarútvegsráðherra hefði vegna hins mikla niðurskurðar í þorski, ætti frekar að stuðla að því að draga úr þessum útflutningi á óunnum fiski en ekki gera breytingar til að auka þennan útflutning og draga þannig úr störfum við fiskvinnslu.  Í dag er fjöldi skipa sem eru eingöngu gerð út til að senda allan sinn afla á erlenda markaði óunninn og óvigtaðan.  Það ætti að vera skylda að setja allan þennan fisk á fiskmarkaði á Íslandi.  Erlendir kaupendur gætu þá keypt sinn fisk þar, bæði í gegnum internetið eða með umboðsmönnum hér heima,Þá fyrst sætu íslenskir og erlendir kaupendur við sama borð.  Þetta væri líka til hagsbóta fyrir útgerðirnar, því þá myndu hinir erlendu aðilar þurfa að borga fyrir flutninginn á fiskinum út en ekki útgerðin.  Það var kannað á meðan þetta útflutningsálag var við lýði að fiskverð var oft hærra á íslensku mörkuðunum, þegar kostnaður við útflutninginn hafði verið dregin frá og tekið tillit til útflutningsálagsins.  En af hverju landa þá ekki þessi skip á íslenska fiskmarkaði ef verð eru svipuð?  Svarið við því er einfalt, en það er vegna þess að núverandi fyrirkomulag auðveldar mönnum kvótasvindl.  Bæði er hægt að svindla á vigt og læða með í gámana öðrum fiski en upp er gefið.

Reyndar er ég þeirrar skoðunar að það eigi algerlega að skilja á milli vinnslu og veiða og allur fiskur væri seldur á íslenskum fiskmörkuðum.  Þá fyrst kæmi fram eðlileg samkeppni.  Þetta snertir líka íslenska sjómenn því að sjómenn á þeim skipum sem eru í eigu vinnslustöðva fá uppgert eftir lámarksverði sem Verðlagsstofa skiptaverðs gefur út, en sjómenn á skipum sem landa á fiskmörkuðum fá uppgert eftir því verði sem þar er, og oftast miklu hærra.  Ég veit dæmi um skip sem er að veiða steinbít í troll og ef hann landar hjá vinnslu eiganda bátsins þá er verðið kr. 140 á kg. en ef hann landar einhverjum steinbít á fiskmarkað er verðið mjög oft yfir kr. 200 á kg. og jafnvel keypt af þeirri fiskvinnslu, sem gerir bátinn út.  Ég var á sínum tíma vélstjóri á kvótalausum bát sem allir eru að agnúast út í og þar var kvótaleigan dregin frá áður en kom til skipta og öllum afla var landað á fiskmarkað.  Þrátt fyrir þetta var aflahlutur okkar sjómanna á þessum bát mun hærri en á mörgum bátum sem voru að veiða á sömu miðum og við en lönduðu sínum afla hjá eiganda bátanna.

Ríkisstjórnin boðar svokallaðar" Mótvægisaðgerðir"vegna skerðingar á þorskafla, og er að reyna að skapa störf fyrir það fólk sem nú er að missa sína atvinnu í fiskvinnslu, en þetta getur orkað tvímælis.  Þetta er yfirleitt sérþjálfað starfsfólk í vinnslu á fiski, hvað eigum við síðan að gera þegar leyft verður að veiða meiri þorsk og stór hluti af starfsfólkinu komin í önnur störf.  Það er mikil hætta á að það fólk komi ekki aftur til baka í fiskvinnsluna nema að litlu leyti.  Svo ég taki nærtækt dæmi. Hér í Sandgerði eru starfandi fjölmargar fiskvinnslustöðvar sem fá nær allan sinn fisk á fiskmörkuðum og nú er samdráttur og fólki fækkar eitthvað í fiskvinnslunni.  Á sama tíma er fyrirhugað að byggja álverksmiðju í Helguvík, þar sem starfsmenn verða nokkur hundruð.  Hvað ætli þessi verksmiðja taki til sín mikið af starfsfólki fiskvinnslunnar í Sandgerði sem í dag getur ekki boðið sínu starfsfólki trygga atvinnu.  Ég óttast að þessi álverksmiðja gangi endanlega frá útgerð og fiskvinnslu hér í Sandgerði.

Viðvörun frá Færeyjum

Varar Færeyinga við mistökum Íslendinga

Íslendingurinn Auðunn Konráðsson, sem er formaður Meginfelags Útróðrarmanna í Færeyjum, varar færeysk stjórnvöld við að gera sömu mistök og Íslendingar hafa gert hvað varðar stjórn fiskveiða.

Þetta kemur fram í samtali við Auðun í færeyska viðskiptablaðinu Vinnuvitan en þar segir hann að Færeyingar eigi að læra af mistökum annarra þjóða, ekki apa þau eftir. Mál mannréttindanefndar Sameinuðu þjóðanna gegn Íslandi eigi að vera Færeyingum viðvörun.

- Ef við lærum ekki af þeim mistökum sem Íslendingar hafa gert þá lendum við í sömu stöðu. Veiðirétturinn verður dýrari en aflaverðmætið og fjármálastofnanir munu hætta lánafyrirgreiðslu við sjávarútveginn, segir Auðunn en félagið, sem hann stýrir, er sambærilegt við Landssamband smábátaeigenda hérlendis.

Dómur

Héraðsdómur Suðurlands hefur dæmt 31 árs gamlan karlmann í 2 mánaða skilorðsbundið fangelsi fyrir að slá annan mann tvisvar í andlitið og bíta hann í vinstra lærið. Þetta gerðist í apríl 2006 í gleðskap í Vestmanneyjum.

Af hverju skyldi hann hafa bitið manninn í vinstra lærið en ekki það hægra, er kannski einhver bragðmunur þar á.  Hann hefur sennilega verið svona svangur og því valið það læri sem næst var.

Beit mann í lærið í gleðskap

Virkjað

Íslenska orkufyrirtækið Iceland Energy Group hyggst byggja og reka tvær vatnsaflsvirkjanir í Serbneska lýðveldinu í Bosníu Hersegóvínu (Republika Srpska). Heildarkostnaður við framkvæmdirnar er áætlaður um 600 milljónir evra eða um 55 milljarðar íslenskra króna.

Já miklir menn erum við Hrólfur minn, eins og maðurinn sagði.

Ég átta mig ekki alveg á hvaða fyrirtæki þetta Ivelan Energy Group, er.  Er einhver sem veit eitthvað um þetta fyrirtæki?

Virkjað fyrir 55 milljarða

Ár svínsin er liðið

Kínverjar halda í dag upp á síðasta dag árs svínsins en í kvöld rennur upp ár rottunnar samkvæmt kínverska tímatalinu. Miklar vetrarhörkur að undanförnu hefur sett mikinn svip á hátíðahöld í tilefni árámótanna.

Nú á víst að taka við ár rottunnar og hvað gera svínin þá.  Verður það kannski eins og í textanum sem Ríó-tríóið söng um árið: 

"Þá stóð svínið upp og labbaði heim til sín"

Kínverjar kveðja ár svínsins

Öskudagurinn

Draugar, sjóræningjar, ofurhetjur og álfaprinsessur eru á meðal þeirra furðuvera sem fara á stjá um allt land í dag, en löng hefð er fyrir því að grunnskólabörn klæði sig upp í tilefni öskudagsins.

Þessa hefð verðum við að passa að falli ekki niður.  Þetta er hluti af okkar menningarsögu, sem ber að varðveita.

Furðuverur á faraldsfæti

Forsetakosningar

Öldungadeildarþingmaðurinn Hillary Clinton hafði betur en helsti keppinautur hennar Barack Obama í forvali bandaríska demókrataflokksins í Kaliforníu og New York vegna forsetakosninganna í Bandaríkjunum síðar á þessu ári.

Sko mína konu henni ætlast að takast að verða fyrsti kvenna forseti Bandaríkjanna.  Því ekki eru þeir svo burðugir sem eru að slást hjá Repúblikönum og allar líkur á að þeirra frambjóðandi verði 72 ára gamalmenni fyrrum stríðshetja.  Eitt besta setning sem ég hef heyrt í þessari kosningabaráttu var frá Hillary Clinton, en hún sagði; "Það þurfti Clinton til að taka til eftir Bush eldri (Bill Clinton) og nú þyrfti aftur Clinton til að taka til eftir Bush yngri. (Hillary Clinton)" Eitthvað virðist völd og áhrif þeirra Kennedy-manna vera að minnka því Edvard Kennedy lýsti nýlega yfir stuðningi við aðalkeppinaut Hillary, Barack Obama.

Clinton vann sæta sigra

Leiðrétting

Ég ætla að leiðrétta það sem ég skrifaði í gær varðandi sjóslysin miklu fyrir 40 árum.  En þar sagði ég að um borð í Heiðrúnu II hefðu aðeins verið 3 menn.  Því auk vélstjórans og drengjanna tveggja voru 3 aðrir menn um borð m.a. stýrimaður af öðrum bát í Bolungarvík.  Þannig að með Heiðrúnu II fórust 6 menn.