Akranes

Samgöngumálaráðuneytið hefur sent Akraneskaupstað erindi þar sem beðið er um umsögn bæjarins vegna stjórnsýslukæru á hendur bænum. Eyjólfur R. Stefánsson tölvurekstrarfræðingur kærði afgreiðslu tölvumála hjá bæjaryfirvöldum til samgönguráðuneytisins og fer hann fram á að kannað verði hvort jafnræðis hafi verið gætt við við val á aðilum sem sjá skuli um tölvuþjónustu við bæjarfélagið.

Þetta er allof algengt á landsbyggðinni að menn halda alltaf að grasið sé grænna hinum megin og í stað þess að efla atvinnurekstur í eigin bæjarfélagi.  Þá er margs konar rekstur smáfyrirtækja hrakinn í burtu.

Kæra á hendur Akranesbæ

Ekkert að á Íslandi

Alþingi var sett í gær og á víst að standa í tvær vikur, en þá verður gert hlé til 1. október og hefst þá nýtt þing.  Fyrsta málið á dagskrá var ræða Geirs H. Haarde, forsætisráherra um efnahagsmálin á Íslandi.  Geir var einnig í viðtali á Stöð2 og RÚV um þetta sama málefni.  Megin boðskapur í ræðu Geirs var að ná verðbólgunni niður, en hún mælist núna 14,5% og svo kallaði hann eftir nýrri þjóðarsátt um stöðugleika og við hinir óbreyttu íbúar eigum að taka á okkur kjaraskerðingu og vera sátt við hækkanir á eldsneyti, matvælum ofl.  Honum var einnig tíðrætt um að nýta okkar náttúruauðlindir og framleiða meira og meira til að rétta af viðskiptahallan.  Ríkisstjórnin er að auka gjaldeyrisforðann og taka 30 milljarða lán til þess.

Ég er sammála Geir í því að við eigum að framleiða meira og nýta okkar náttúruauðlindir, en það er ekki sama hvað er gert.  Ef við ætlum að auka raforkuframleiðslu og fá fleiri álver þá bjargar það ekki neinu.  Að vísu minnkar viðskipahallinn vegna aukins útflutnings á áli, en álframleiðslan skilur ekki nem um 20% af veltu eftir í landinu 80% fara erlendis.  En við eigum fleiri auðlindir en þær sem framleiða raforku.

Við eigum stóra auðlind sem er fiskurinn í sjónum og ef við færum nú með þorskkvótann í 250 þúsund tonn næstu þrjú árin og bönnuðum loðnu-síld- og kolmunaveiðar nema til manneldis, yrði það gífurleg innspýting í okkar hagkerfi.  Þegar álfyrirtækin skilja eftir í landinu 20% af veltu þá skilur sjávarútvegurinn eftir 80% af veltu.  Við værum ekki að taka neina áhættu þótt við færum með þorskkvótann í 250 þúsund tonn.  Því miðað við óbreytt ástand í efnahagsmálum verður Ísland gjaldþrota og til hver að vera að friða fisk fyrir aðrar þjóðir.  Með þessu yrði viðskiptahallinn fljótur að hverfa og lítil hætta á atvinnuleysi.

Í viðtalinu á RÚV sagði Geir að við ættum ekki að tala um kreppu, heldur væru þetta smá erfiðleikar og mikið af þeim myndi lagast af sjálfum sér og engin ástæða til að örvænta, verðbólgan sél of mikil og þegar honum var bent á að verðbólga á Íslandi vær hæst á Norðurlöndum, þá svaraði Geir því til að hún hefði hækkað líka á öðrum Norðurlöndum.  Hvað svo sem það eigi að bæta ástandið á Íslandi.

Ég man ekki hvor bræðranna Illugi eða Hrafn Jökulssynir, sem skrifaði grein í Fréttablaðið fyrir stuttu og sagði þar: "Fram til þessa hefur Geir H. Haarde ekki mátt sjá sandhrúgu án þess að stinga höfðinu í hana og nú er Ingibjörg Sólrún farin að gera það sama.".

.Það sjá það auðvitað allir að ríkisstjórn sem hefur ekki viðurkennt vandamálið er ófær um að leysa það, því verður að treysta á stjórnarandstöðuna.  Ráðherrarnir sitja bara rólegir í sínum stólum og bíða eftir að vandamálið leysist sjálft.

Nyhedavissen hætt.

Útgáfu danska fríblaðsins Nyhedsavisen hefur verið hætt og kemur blaðið ekki út á morgun. Var starfsfólki blaðsins tilkynnt þetta í pósti frá framkvæmdastjóra blaðsins og ritstjóra í kvöld. Dótturfélag 365, áður Dagsbrún, Dagsbrun Media í Danmörku hleypti Nyhedsavisen, af stokkunum en það er nú í meirihlutaeigu Morten Lund. Stoðir Invest minnkuðu hlut sinn í útgáfufélaginu í júlí, úr 49% í 15%

Það stóð ekki lengi þetta ævintýri og búið að eyða nokkrum milljörðum í.  Hvar eru nú allir fjármálsnillingar Íslands, sem öllu eiga að getað bjargað.?

Útgáfu Nyhedsavisen hætt

Er Guð til?

Bandaríski kvikmyndagerðarmaðurinn Michael Moore er ekki óvanur því að valda fjaðrafoki með orðum sínum, og hefur hann nú vakið athygli með því að segja að fellibylurinn Gústav, sem stefnir á New Orleans, sé sönnun þess að Guð sé til vegna þess að bylurinn komi illa við repúblíkana, sem ætla að hefja landsfund sinn á morgun.

Flest er nú farið að kenna við Guð almáttugan.  Ef Guð er til hvers vegna ætlar hann að leggja sömu borgina í rúst og fyrir þremur árum?  Þetta er ekki sönnun heldur ágiskun hjá leikaranum.

Segir Gústav sönnun þess að Guð sé til

Eddie Murphy

Bandaríski leikarinn Eddie Murphy leigði nýverið tvær einkaþotur til þess að fljúga með vini sína og ættingja til Grikklands. Leikarinn mun hafa lagt mikla áherslu á að fá tvær vélar til ferðarinnar, eina fyrir fullorðna fólkið, og aðra fyrir börn.

Hann er ekki blankur þessi náungi.  En svona hlutir geta ekki talist umhverfisvænir.

Ekki mjög umhverfisvænn

Bretar

Bretar kvarta sáran yfir sumrinu, sem nú er brátt á enda. Hefur blaðið Daily Mirror eftir veðurfræðingum, að skotvindar í háloftunum hafi verið of sunnarlega og beint til Bretlands veðri, sem í raun hefði átt að vera á Íslandi.

Ekki vorkenni ég þeim þótt þeir fái dæmigert Íslandsveður í eitt sumar.

Bretar kvarta sáran yfir sumrinu

New Orleans

Borgarstjóri New Orleans biðlaði í dag til allra þeirra sem ekki hafa forðað sér út úr borginni að gera það sem fyrst. Um leið tilkynnti hann um útgöngubann í borginni í nótt og að þeir sem brytu af sér yrðu fangelsaðir. Flestir hafa farið að óskum borgaryfirvalda og minnir borgin helst á draugabæ.

Þótt þessi fellibylur heit Gústa virðist hann ætla að vera jafn sterku og þeir sem báru kvennamannsnöfn,

Draugabærinn New Orleans

Rússland

Lögregla í Rússlandi skaut í dag til bana eiganda vefjar sem gagnrýnt hefur yfirvöld harðlega, að því er samstarfsmenn hans greindu frá. Þetta gerðist í Ingúsetíu, sem er næsta hérað við Tétsníu, og kann að auka spennuna í héraðinu, þar sem fjölmargar árásir hafa að undanförnu verið gerðar á lögreglu og embættismenn.

Það er greinilegt að Rússland er að hverfa frá lýðræði yfir í einræði og fara aftur um mörg ár.  Verður kannski bæst að fara að lofsyngja Lenín og Stalín?  Það kæmi ekki á óvart.

Lögregla skaut eiganda vefseturs til bana

Rauði krossinn

Alþjóðlegum fundi landsfélaga Rauða krossins og Rauða hálfmánans lauk á Selfossi síðdegis dag. Um 60 fulltrúar frá 25 landsfélögum og forystumenn Alþjóðasambands Rauða krossins og Rauða hálfmánans sóttu fundinn til að ræða málefni sem brenna heitast á Rauða kross hreyfingunni, og samhæfa mannúðaraðgerðir sínar.

Þessi samtök vinna mjög gott starf og því nauðsynlegt að halda fund til að samræma allar aðgerðir, svo hver sé ekki að þvælast fyrir öðrum.

Alþjóðlegum fundi Rauða krossins og Rauða hálfmánans lokið

Að busla í sjónum

Það er ekki að sjá að haustið sé í nánd. Þessi hressu börn frá Hellissandi létu sig ekki muna um að skella sér í sjóinn í Skarðsvík, þótt lofthitinn hafi verið 15 gráður og sjávarhitinn ekki nema 5 gráður. Þrátt fyrir það skemmtu börnin sér vel undir vökulum augum foreldra og nutu útiverunnar.

Þetta eru hraust og heilbrigð börn þarna á Hellissandi.

Buslað í sjónum