Flugfélög

Finnska flugfélagið Finnair hefur áhuga á að kaupa áætlun skandinavíska flugfélagsins SAS á lengri leiðum „ef þær eru til sölu,“ sagði Jukka Heinonen, forstjóri Finnair. Í síðustu viku var tilkynnt að þýska félagið Lufthansa væri að kanna möguleika á að yfirtaka SAS, sem átt hefur í fjárhagsvandræðum.

Flest flugfélög í heiminum eiga í erfiðleikum í dag, bæði vegna hins há eldsneytisverðs og fækkun farþega.  Því er spáð að miklar sameiningar flugfélaga muni eiga sér stað á næstunni og sum verði jafnvel gjaldþrota.

Vilja kaupa lengri áætlunarleiðirnar af SAS

Tjaldbúar

Heimilislausum í Bandaríkjunum hefur farið fjölgandi frá því að merki sáust um samdráttinn í bandarísku efnahagslífi á síðasta ári, að því er samtök er hjálpa heimilislausum þar í landi segja. Mun fleira fólk býr nú í tjöldum vegna þess að það hefur misst heimili sín vegna kreppunnar.

Ekki var Bush að hugsa um þetta fólk þegar stjórn hans ákvað að ausa nokkur hundruð milljónum í bandarísk fjármálafyrirtæki.

Þetta er líka til á Íslandi, því miður og fer vaxandi.

Tjaldbúum fjölgar í kreppunni

Mótmæli

Þúsundir vinstrisinnaðra mótmælenda lentu í átökum við lögreglu í Köln í Þýskalandi í dag, eftir að þeir höfðu reynt að stöðva samkomu hægri-öfgasinna, sem lögreglan síðan bannaði. Vildu hægrimennirnir mótmæla svonefndri „íslamsvæðingu“ og fyrirhugaðri byggingu einnar stærstu mosku í Evrópu.

Er þetta sem á eftir að koma upp hér á landi.  Sá aðili sem flytur til annars lands hlýtur að gera sér grein fyrir því að viðkomandi þarf að aðlaga sig að lífsháttum sem eru í nýja landinu.  Það er bara frekja og yfirgangur að ætlast til þess að hver sem er geti flutt í annað land og búið það eins og hann gerði í gamla landinu.  Ég get heldur ekki skilið þessa áráttu þeirra sem eru Íslamstrúar að vilja endilega byggja mosku í því landi sem þeir fluttu til.  Ef þeir geta ekki verið án mosku áttu þeir aldrei að flytja.  Það er ekki bæði sleppt og haldið í þessum málum.

Mótmæltu „innrás innflytjenda í Evrópu“

Blökkumenn

Djúpstæðir kynþáttafordómar hvítra kjósenda demókrataflokksins gætu kostað Barack Obama, forsetaframbjóðanda flokksins, sigurinn ef jafnt verður á mununum í kosningunum, samkvæmt nýrri könnun. Þriðjungur þessara kjósenda hefur neikvæðar hugmyndir um blökkumenn.

Ég hélt nú að bandarískir kjósendur væru fyrir löngu hættir að flokka fólk eftir litarhætti, en svo virðist ekki vera og mikið getur það verið lífseigt í þessu landi að hvítir séu eitthvað betri en dökkir.  Báðir stóru flokkarnir sækjast eftir atkvæðum þessa fólks en virðast líta niður til þess um leið.

Kynþáttafordómar gætu kostað Obama sigurinn

Húsnæðisbréf

Ríkisstjórn George W. Bush Bandaríkjaforseta hefur farið fram á það við þingið að það veiti stjórninni heimild til að kaupa húsnæðisskuldabréf, sem ekki fást greidd, fyrir alls um sjö hundruð milljarða dollara. Er þetta liður í umsvifamestu björgunaraðgerðum stjórnvalda í fjármálageiranum í marga áratugi.

Eru ekki að verða vatnaskil í alheimssögunni.  Fall Berlínarmúrsins var tákn um hrun kommúnismans og nú gera Bandaríkin upp við kapíltalismann og frjálsa hagkerfið og er sá þáttur liðin undir lok.  Hvað stendur þá eftir?  Er það bara Guðni Ágústsson og Framsókn.?

Biðja um 700 milljarða dollara fjárveitingu

Fjármál

Undanfarnar vikur hafa bandarísk stjórnvöld hlaupið undir bagga með illa stöddum fjármálafyrirtækjum með einum eða öðrum hætti og hleypur kostnaðurinn á hundruðum milljarða dala.  Það er undarlegt að í landi kapítalismans skuli ríkið þurfa að eyða mörg hundruð milljón dollurum í aðstoð við illa stödd fyrirtæki.  Er ekki eitt af boðorðum kapítalismans einmitt það, að ríkisafskipti af fyrirtækjum séu af hinu illa og fyrirtækin eigi að sjá um sig sjálf á hinum frjálsa markaði.

 Hver ætli verði síðan látin borga reikninginn að lokum? Auðvitað bandarískir skattgreiðendur.

Skattgreiðendur munu þurfa að borga brúsann

Lottó

Enginn mun hafa verið með allar tölur réttar í Lottódrætti kvöldsins, en fyrsti vinningur var tæplega 8,6 milljónir. Einn var með fjórar tölur réttar að viðbættri bónustölu og fær 376 þúsund krónur í vinning. Þrjátíu og tveir voru með fjórar tölur réttar og fær hver um sig rúmlega 35 þúsund krónur í vinning.

Þetta eru góðar fréttir fyrir mig, því ég gleymdi að kaupa miða og þá verður potturinn þrefaldur næst og þá vinn ég, það er öruggt.

Enginn með allar tölur réttar í Lottó

Lögreglan

Með endurskipulagningu má fjölga lögreglumönnum á götum höfuðborgarsvæðisins um tugi, að sögn Stefáns Eiríkssonar, lögreglustjóra höfuðborgarsvæðisins. Í tillögum hans felst að LRH fái sérsveitina og fjarskiptamiðstöðina til sín.

Þetta held ég að verði þungur róður hjá Stefáni Eiríkssyni þótt tillögurnar séu góðar.  Hann er þarna að leggja til að LRH fái til sín ákveðna hluta sem í dag tilheyra ríkislögreglustjóranum Haraldi Johannessen og sleppir ekki auðveldlega neinu frá sér.  Ætli við fáum ekki fljótleg að heyra frá Birni Bjarnasyni að það verði að stokka upp hjá þessu embætti og staðan auglýst og Stefán þá kominn á sama bekk og Jóhann R, Benediktsson.

Það vekur furðu að þeir sem standa sig vel hjá lögreglunni skuli ekki vera í náðinni hjá þeim fóstbræðrum Haraldi og Birni.

Tugir lögreglumanna á göturnar?

Læknar

Fundi samninganefnda lækna og ríkisins lauk rétt fyrir klukkan sex án árangurs. Hefur nýr fundur verið boðaður 1. október, að því er fram kom í kvöldfréttum RÚV.

það var vitað mál að eftir samninginn við ljósmæður kæmu fleiri stéttir í kjarabaráttuna og nú er komið að læknum.  Ég studdi  ljósmæður í þeirra kjarabaráttu og fannst hún sanngjörn og eins mun ég styðja lækna og fleiri stéttir sem eiga eftir að koma.  Ríkisvaldið er búið að sýna fordæmi í að allir eigi að fá kjarabætur og það skeði þegar Kjararáð úrskurðaði launahækkun til þingmanna, ráherra og allra æðstu menn þjóðarinnar og það sem meira var að hækkunin var afturvirk frá 1. maí 2008.  Ef ríkisvaldið telur að öll laun eigi að vera óbreytt ættu allir þeir sem að fengu hækkun hjá Kjararáði að afþakka þær og sýna í verki hver þeirra stefna er í kjaramálum.  En ekki á ég von á að þeir afþakki sínar hækkanir og senda þá um leið þau skilaboð til allra stétta að kjarahækkun sé réttlætanleg.  Því munu næstu mánuðir fara í kjaradeilur, sem eðlilegt er.  Nú þarf Kjararáð að koma saman aftur og meta hækkun til ljósmæðra og finna út aðra hækkun til sinna manna.  Þetta Kjararáð er réttlætt með því að þær stéttir sem hún ákveður laun fyrir geti ekki samið við ríkið og hafi ekki verkfallsrétt.   Þessu má auðveldlega breyta og allt í lagi að þessir hópar fái verkfallsrétt og Kjararáð verði samningsaðili fyrir hönd ríkisins.

Samningafundur árangurslaus

Lögregluembætti

Björn Bjarnason, dómsmálaráðherra, segir að frá því Jóhann Benediktsson var skipaður sýslumaður á Keflavíkurflugvelli fyrir fimm árum hafi embættið tekið stakkaskiptum. Hann hafi auk þess ákveðið að breyta embættinu á næstunni. Skýr efnisleg rök séu fyrir því að auglýsa embættið laust til umsóknar.

Það er sama hvernig Björn Bjarnason reynir að kjafta sig út úr þessu máli, þá skín í gegn að þetta er einungis gert til að hrekja Jóhann R, Benediktsson úr embætti og þær breytingar sem Björn segist ætla að gera á embættinu eru ekkert að ske á næstunni.  Því frumvarp Björns um þær breytingar situr fast í þingflokki Samfylkingar og engar breytingar verða gerðar fyrr en það frumvarp verður að lögum.  Þetta mun allt gert að undirlægi Haraldar Johannessen, ríkislögreglustjóra sem öllu vill ráða.  Mér finnst Björn tala eins og hann sé einræðisherra, en það er hann sem betur fer ekki.

Embætti lögreglustjóra breytt